2 NDIDEM 21:3 - Edisana ñwed Abasi Ibom

³ Koro enye ɔtɔŋɔde ntak ɔbɔp mme edikoŋ ebiet oro Hezekiah ete esie okowuride; onyuŋ anam itie-uwa ɔnɔ Baal, onyuŋ anam edisɔi ŋkpɔ Asherah, kpa nte Ahab edidem Israel akanamde; onyuŋ atuak ibuot ɔnɔ ofuri udim-enyɔŋ, onyuŋ anam ŋkpɔ mmɔ.

2 NDIDEM 21:3 ပူးပေါင်းရင်းမြစ်များ

1 NDIDEM 18:21

Ekem Elijah oto edi editiene mbon oro, ndien ɔdɔhɔ, ete, Adaŋa didie ke mbufo esɔk ukot ke edem mbiba? Edieke Jehovah edide Abasi, mbufo etiene enye: edi ama edi Baal, etiene enye. Edi mbon oro ibɔrɔke enye baba ikɔ kiet.

1 NDIDEM 18:26

Ntre ke mmɔ eda enaŋ oro ekenɔde mmɔ, enyuŋ ediɔŋ enye, ndien efiori ekot enyiŋ Baal, ɔtɔŋɔde ke usenubɔk tutu osim ufɔt uwemeyo, ete, O Baal, yere nnyin. Edi baba uyo kiet iduhe, baba owo kiet eke eyerede inyuŋ iduhe. Ndien mmɔ enek unek ekan itie-uwa oro mmɔ ekenamde ekuk.

2 NDIDEM 13:6

Edi mmɔ ikabakede ikpɔŋ mme idiɔk ido ufɔk Jeroboam, emi akanamde Israel ekabare ediɔk, edi esaŋa ke esit: eto-mkpe onyuŋ osuk ada ke Samaria.)

2 NDIDEM 17:16

Edi mmɔ ekpɔŋ kpukpru ibet Jehovah Abasi mmɔ, enyuŋ enam editara mbiet ke idem mmɔ, kpa nditɔ-enaŋ iba, enyuŋ enam eto-mkpe, enyuŋ ebɔŋ akam enɔ ofuri udim enyɔŋ, enyuŋ enam ŋkpɔ Baal.

2 NDIDEM 18:22

Ndien emi mbufo edidɔhɔde mi, ete, Nnyin ke ibuot idem nnyin ye Jehovah Abasi nnyin, nte idige enye ke Hezekiah okosio mme edikoŋ ebiet esie ye mme itie-uwa esie efep, okonyuŋ ɔdɔhɔ Judah ye Jerusalem, ete, Mbufo ebɔŋ akam ke iso itie-uwa emi ke Jerusalem.

2 NDIDEM 18:4

Enye abiat mme edikoŋ ebiet efep, onyuŋ obom mme adaha, onyuŋ asiak mme eto-mkpe, onyuŋ ada urukikɔt okpoho oro Moses akanamde, anuak mbai-mbai, koro nditɔ Israel ekam efɔpde incense enɔ enye tutu osim usen oro: ndien enye okot enye, ete Nehustan (okpoho).

2 NDIDEM 8:18

Ndien enye asaŋa ke usuŋ ndidem Israel, kpa nte ufɔk Ahab enamde: koro eyen Ahab edide ŋwan esie: enye onyuŋ anam idiɔk ke iso Jehovah.

2 NDIDEM 8:27

Enye onyuŋ asaŋa ke usuŋ ufɔk Ahab, onyuŋ anam idiɔk ke iso Jehovah, kpa nte ufɔk Ahab: koro enye okorode ukot ye ufɔk Ahab.

2 CHRONICLES 32:12

Nte kpa Hezekiah emi okosioŋo mme edikoŋ ebiet esie, ye mme itie-uwa esie efep, okonyuŋ ɔdɔhɔ Judah ye Jerusalem, ete, Mbufo enyene ndituak ibuot ke iso itie-uwa kiet, nnyuŋ mfɔp uwa ke esit?

2 CHRONICLES 34:3

Ekem ke ɔyɔhɔ isua ubɔŋ esie itiaita, ke edide kaŋa eyenɔwɔŋ, enye ɔtɔŋɔ nditiene Abasi David ete esie: ndien osim ke ɔyɔhɔ isua duopeba, enye ɔtɔŋɔ ndisioŋo mme edikoŋ ebiet, ye mme eto-mkpe, ye mme edisɔi mbiet, ye mme editara mbiet infep, onyuŋ anam Judah ye Jerusalem esana.

ŊWED JOB 31:26

Edieke ŋkesede utin adaŋemi enye ayamade, ye ɔfiɔŋ nte enye asaŋade ataitai;

ISAIAH 65:11

Edi ama edi mbufo emi ekpɔŋde Jehovah, enyuŋ efrede edisana obot mi, emi ebride okpokoro enɔ Gad, enyuŋ edade mbuaha esin enɔ Meni etɔhɔ;

JEREMIAH 7:30

Koro nditɔ Judah enamde idiɔk ke enyin mi, Jehovah ɔdɔhɔ: mmɔ emen ŋkpɔ mbubiam mmɔ esin ke ufɔk emi ekerede enyiŋ mi, enyuŋ esabare enye.

MICAH 6:16

Ndien mmɔ enim mme ewuhɔ Omri, ye kpukpru se ufɔk Ahab akanamde, ndien mbufo esaŋa ke mme uduak mmɔ, man nnim fi ke ŋkpɔ nditaha, nnim mme andiduŋ enye ke se eside: mmɔdo mbufo eyebiom esuene ikɔt mi.

DEUTERONOMY 16:21

Kuda eto ekededi uwuk eto-mkpe ke ŋkaŋ itie-uwa Jehovah Abasi fo, eke afo edinamde ɔnɔ idem fo.

DEUTERONOMY 17:2

Ema ekut eren mme ŋwan ke otu fo, ke obio fo kiet eke Jehovah Abasi fo ɔnɔde fi, owo eke anamde idiɔk ke iso Jehovah Abasi fo, ke eribiat ediomi esie,

DEUTERONOMY 17:3

eke onyuŋ akade okonim ido mme abasi efen, onyuŋ ɔnuhɔ ɔnɔ mmɔ, edide utin, onyuŋ edide ɔfiɔŋ mme eke udim enyɔŋ ekededi, eke ami ŋkpande;

DEUTERONOMY 20:18

mbak mmɔ edikpep mbufo edinam kpukpru mbubiam mmɔ, emi mmɔ enamde enɔ mme abasi mmɔ; mbak mbufo edidue Jehovah Abasi mbufo.

DEUTERONOMY 4:19

mbak afo edinyuŋ emenere enyin fo ese enyɔŋ, onyuŋ okut utin, ye ɔfiɔŋ, ye ntantafiɔŋ, kpa ofuri udim enyɔŋ, ndien enuk fi awaha akatuak ibuot ɔnɔ mmɔ, onyuŋ anam ŋkpɔ ɔnɔ mmɔ emi Jehovah Abasi fo ama ekedeme ɔnɔ kpukpru mme idut ke idak enyɔŋ.