2 NDIDEM 21:16 - Edisana ñwed Abasi Ibom

¹⁶ Ndien ŋko Manasseh ɔkɔduɔk iyip ata ediwak owo eke miduehe isop, tutu ɔyɔhɔ ke Jerusalem, ɔtɔŋɔde ke utit emi tutu osim utit oko; ɔkɔrɔ ye mme idiɔk ido esie oro enye esinde Judah enam, ke erinam idiɔk ke iso Jehovah.

2 NDIDEM 21:16 ပူးပေါင်းရင်းမြစ်များ

2 NDIDEM 21:11

Koro Manasseh, edidem Judah, akanamde mbubiam ŋkpɔ emi, onyuŋ ɔdiɔkde akan kpukpru se mme Amorite oro ekebemde enye iso ekenamde, onyuŋ esin Judah ediɔk ke nsu-nsu abasi esie:

2 NDIDEM 21:15

koro mmɔ enamde idiɔk ke iso mi, enyuŋ eyatde mi esit, ɔtɔŋɔde ke usen nte mme ete mmɔ eketode ke Egypt ewɔŋɔ, tutu osim mfin emi.

2 NDIDEM 21:2

Enyiŋ eka esie onyuŋ ekere Hephzi-bah. Ndien enye anam idiɔk ke iso Jehovah, ekem ye mbubiam mme idut oro Jehovah okosiode efep ke iso nditɔ Israel.

2 NDIDEM 21:7

Onyuŋ ada edisɔi ŋkpɔ Asherah oro enye akanamde, onim ke ufɔk oro Jehovah ɔkɔdɔhɔde David ye Solomon eyen esie, ete, Nyenim enyiŋ mi ke nsinsi ke ufɔk emi, ye ke Jerusalem emi mmekde ke otu kpukpru esien Israel.

2 NDIDEM 3:3

Edi enye ɔkɔbɔ ke idiɔk ido Jeroboam eyen Nebat, emi akanamde Israel ediɔk; inyuŋ ikpɔŋke oro.

2 CHRONICLES 33:9

Ntre ke Manasseh akanam Judah ye mme andiduŋ Jerusalem edue, enyuŋ enam idiɔk ekan mme idut oro Jehovah okosobode ke iso nditɔ Israel efep.

EXODUS 32:21

Ndien Moses ɔdɔhɔ Aaron, ete, Mbio emi ekenam fi nso ŋkpɔ, eke esinde fi ada akwa idiɔk-ŋkpɔ odori mmɔ?

MME ŊKE 6:16

Jehovah asasua ŋkpɔ mbitiokiet emi:

MME ŊKE 6:17

ukpɔŋ esie onyuŋ ese mbitiaba emi ke mbubiam: Ŋkok-idem, edeme nsu, ye ubɔk eke eduɔkde iyip owo eke miduehe,

JEREMIAH 15:4

Ndien nyeda mmɔ nnɔ kpukpru mme idut ke ererimbot ke se etuhɔde, ke ikɔ Manasseh eyen Hezekiah edidem Judah, mbaŋa se enye akanamde ke Jerusalem.

JEREMIAH 19:4

Koro mmɔ ekpɔŋde mi, enyuŋ enimde ebiet emi ke esen ebiet, enyuŋ efɔpde ŋkpɔ ke esit enɔ abasi efen, eke mmɔ, ye mme ete mmɔ, ye ndidem Judah mikɔfiɔkke, enyuŋ eduɔk iyip owo eke miduehe isop eyɔhɔ ke ebiet emi;

JEREMIAH 2:34

Owo enyuŋ ekut iyip ukpɔŋ mme ubuene eke miduehe, ke ekura fo ŋko. Idige ke eriduŋɔre ke ŋkut mmɔ, edi ŋkut ke kpukpru mme mmɔ emi.

JEREMIAH 32:31

Koro obio emi ama edi ŋkpɔ iyaresit mi ye ifuresit mi toto ke usen oro ekebɔpde enye, tutu osim mfin emi; man mmen enye ke iso mi mfep:

JEREMIAH 7:6

edieke mbufo mitukke esen owo, ye eyen-akpa, ye ebe-akpa, minyuŋ iduɔkke iyip owo eke miduehe isop ke ebiet emi, minyuŋ ibineke abasi efen, eke ɔdiɔkde ye mbufo:

EZEKIEL 22:2

Wut enye, ndien, kpukpru mbubiam esie.

EZEKIEL 22:4

Afo emedue isop ke iyip fo emi afo ɔkɔduɔkde, omonyuŋ edehe ke ibɔk emi afo akanamde, ndien afo anam mme usen fo esaŋa ekpere, omonyuŋ osim ke isua fo: oto oro nnim fi ke se mme idut esuenede, ye se kpukpru mme obio esede ke ndek.

EZEKIEL 23:45

Ndien ndinen owo eyekpe ikpe mmɔ nte ekemde ye ikpe iban use, ye ikpe iban eke eduɔkde iyip: koro mmɔ edide mme esin-efibe, iyip onyuŋ eyerede mmɔ ke ubɔk.

EZEKIEL 9:9

Ndien enye ɔdɔhɔ mi, ete, Idiɔk ido ufɔk Israel ye Judah omokpon eti-eti; iyip onyuŋ ɔyɔhɔ ke isɔŋ emi; ndek onyuŋ ɔyɔhɔ ke obio: koro mmɔ edɔhɔde ete, Jehovah ɔmɔkpɔŋ isɔŋ emi, Jehovah inyuŋ ikwe.

NUMBERS 35:33

Ndien ŋko mbufo ekubiat isɔŋ emi mbufo edude ke esit: koro iyip abiatde isɔŋ: ndien mmɔ idikemeke ndisio isop nnɔ isɔŋ mbaŋa iyip eke eduɔkde ke esit, ke mibɔhɔke ke iyip owo eke ɔduɔkde enye.

MATTHEW 27:6

Edi ikpɔ oku etaŋ mbak silver oro, ete, Inenke ndisin okuk emi ke itie-unim-okuk temple, sia edide ekɔm-urua iyip.

LUKE 13:34

O Jerusalem, Jerusalem emi owotde mme prophet, onyuŋ ɔtɔŋɔde mmɔ emi edɔŋde etiene fi ke itiat! Adaŋa ediwak ini didie ke ŋkoyom nditaŋ nditɔ fo mbon ɔtɔ kiet, kpa nte unen obonde nditɔ esie ke idak mba esie, ndien mbufo ikonyimeke!

MME HEBREW 11:37

etɔŋɔ mmɔ ke itiat, eyɔk mmɔ esibe mbio iba, edomo mmɔ, ewot mmɔ ke efut: mmɔ oro esine ikpa-erɔŋ ye ikpa-ebot eduyo;