2 NDIDEM 21:14 - Edisana ñwed Abasi Ibom

¹⁴ Nyenyuŋ mmen ubak udeme mi emi ɔsuhɔde, nduɔk, nnyuŋ nda mmɔ nsin mme asua mmɔ ke ubɔk: ndien mmɔ eyedi se kpukpru mme asua mmɔ ebumede edia;

2 NDIDEM 21:14 ပူးပေါင်းရင်းမြစ်များ

2 NDIDEM 17:18

Ndien Jehovah ayat esit ye Israel eti-eti, ndien enye emen mmɔ ke iso esie efep; isuhɔke baba kiet ke mibɔhɔke esien Judah ikpɔŋ-ikpɔŋ.

2 NDIDEM 17:19

Judah ŋko inyuŋ inimke mbet Jehovah Abasi mmɔ, edi asaŋa ke ido Israel emi mmɔ enamde.

2 NDIDEM 17:20

Ndien Jehovah ɔduɔk ofuri ubon Israel, onyuŋ otuk mmɔ, onyuŋ esin mmɔ ke ubɔk mbon ŋwo, tutu enye emen mmɔ ke iso esie ɔduɔk.

2 NDIDEM 17:23

tutu Jehovah osio Israel ke iso esie efep, kpa nte enye ɔkɔdɔhɔde ke inua kpukpru ikɔt esie mme prophet. Ntem ke enye ataŋ Israel efep ke isɔŋ mmɔ ɔnyɔŋ ke Assyria, tutu osim mfin emi.

2 NDIDEM 19:4

Ndusuk Jehovah Abasi fo eyekop kpukpru ikɔ Rabshakeh emi ete esie, edidem Assyria, ɔkɔdɔŋde ete edisuene Abasi uwem; eyenyuŋ asua ɔnɔ ikɔ emi Jehovah Abasi fo okokopde: menere ndien uyo fo kpe enye ubɔk nɔ nsuhɔ emi esuhɔde mi.

2 NDIDEM 21:13

Nyenyuŋ nda uruk Samaria, ye plummet ufɔk Ahab nnyanare ke Jerusalem: nyenyuŋ ŋkwɔhɔre Jerusalem, nte owo ɔkwɔhɔre usan, ke ɔkwɔhɔre, onyuŋ akabare okubi.

2 NDIDEM 21:15

koro mmɔ enamde idiɔk ke iso mi, enyuŋ eyatde mi esit, ɔtɔŋɔde ke usen nte mme ete mmɔ eketode ke Egypt ewɔŋɔ, tutu osim mfin emi.

2 NDIDEM 23:27

Jehovah onyuŋ ɔdɔhɔ, ete, Nyemen Judah ŋko ke iso mi mfep, kpa nte ŋkemende Israel mfep, nyenyuŋ mmen obio emi ŋkemekde, kpa Jerusalem, ye ufɔk emi ŋkɔdɔhɔde, nte ke enyiŋ mi edidu do, nduɔk.

2 NDIDEM 24:2

Ndien Jehovah ɔdɔŋ mme udim mme Chaldean, ye mme udim mme Syrian, ye mme udim Moab, ye mme udim nditɔ Ammon utom, ete eŋwana ekɔŋ ye enye, onyuŋ ɔdɔŋ mmɔ, ete enam Judah, enyuŋ esobo enye, ekem ke uyo Jehovah emi enye ɔkɔdɔhɔde ke inua ikɔt esie mme prophet.

2 CHRONICLES 15:2

ndien enye ɔwɔrɔ okosobo ye Asa, onyuŋ ɔdɔhɔ enye, ete: Asa ye ofuri Judah ye Benjamin, mbufo ekop uyo mi, Jehovah ada ye mbufo ke ini mbufo ededa ye enye; ndien edieke mbufo ediyomde enye, mbufo eyekut enye; edi edieke mbufo edikpɔŋde enye, enye eyekpɔŋ mbufo.

ŊWED MME PSALM 37:28

Koro Jehovah amade edinen ikpe, ndien ikpɔŋke mbon-ima esie; eyekpeme mmɔ ke nsinsi: edi eyesibe ubon mme idiɔk owo efep.

ŊWED MME PSALM 74:1

O ABASI, nsinam afo emende nnyin ɔduɔk ke nsinsi? Nte iyaresit fo ɔwɔrɔ nsuŋikaŋ ye ufene emi afo ɔbɔkde?

ISAIAH 10:6

Nyedɔŋ enye utom ke oburobut idut, nnyuŋ ntobo enye etop nnɔ mbio iyaresit mi, nte enye obume mbume, onyuŋ owo ŋwo, onyuŋ onim mmɔ ke se edigide nte mbat efak.

JEREMIAH 12:7

Mmɔkpɔŋ ufɔk mi, mmemen udeme mi nduɔk; mmada enye emi ukpɔŋ mi amade nsin mme asua esie ke ubɔk.

JEREMIAH 19:7

Ndien nyesuan uduak Judah ye eke Jerusalem ke ebiet emi, nnyuŋ nnam mmɔ eduɔŋɔ ke ofut ke iso mme asua mmɔ, ye ke ubɔk mmɔ eke eyomde uwem mmɔ: nyenyuŋ nda mme okpo mmɔ nnɔ inuen enyɔŋ ye mme unam isɔŋ eta.

JEREMIAH 23:33

Ndien ke ini mbio-obio emi edide prophet, onyuŋ edide oku, edibupde fi, ete, Nsidi uyo Jehovah? Dɔhɔ mmɔ, ndien, ete, Nso uyo? Ŋkɔm nyekpɔŋ mbufo: Jehovah ɔdɔhɔ.

JEREMIAH 44:27

Sese, ami nyekpeme mmɔ nnɔ idiɔk, ŋkpemeke nnɔ eti ŋkpɔ: ndien ofut ye biɔŋ eyesobo kpukpru nditɔ Judah, emi edude ke isɔŋ Egypt, tutu mmɔ ekure.

ŊWED ESEME 1:10

Asua ama anyan ubɔk esie otuk kpukpru ŋkpɔ uto esie: ŋkɔm enye ama okut nte mme idut edukde ke edisana ebiet esie, kpa mme idut emi afo okowukde, ete edukde ke edisana ebiet esie, kpa mme idut emi afo okowukde, ete ekuduk ke esop fo.

ŊWED ESEME 1:5

Mbon udi esie ekabare edi ibuot, mme asua esie ekut unen; koro Jehovah otukde enye abaŋa uwak mme idiɔk ido esie: nditɔ-ɔwɔŋ esie ebem mme asua iso eka nte mbuot-ekɔŋ.

ŊWED ESEME 5:20

Nsinam afo efrede nnyin ke nsinsi? Nsinyuŋ inam afo ɔkpɔŋde nnyin ke anyan ini?

LEVITICUS 26:17

Nyenyuŋ ŋkwaŋa iso mi ye mbufo, ndien mbufo eyesuana ke iso mme asua mbufo; mme mmɔ emi esuade mbufo eyekara mbufo: ndien mbufo eyefeŋe itɔk, ke baba owo kiet mibineke mbufo.

AMOS 5:2

Adiaha Israel ɔmɔduɔ, idinyuŋ idahake aba ke enyɔŋ: eduɔk enye ke isɔŋ esie; baba owo kiet eke emenerede enye ke enyɔŋ iduhe.

DEUTERONOMY 28:25

Jehovah eyenim fi ke iso mme usua fo, ete esuan fi: afo eyewɔrɔ aka ekɔŋ ye mmɔ ke usuŋ kierakiet, ndien eyefehe ke iso mmɔ ke usuŋ itiaba: ndien afo eyedi se kpukpru mme idut ererimbot enukde.

DEUTERONOMY 28:48

ndien afo eyenam ŋkpɔ mme asua fo eke Jehovah edidɔŋde etiene fi, ke biɔŋ, ye ke nsat-itɔŋ ye ke iferi, ye ke unana kpukpru ŋkpɔ: ndien enye eyekɔŋɔ fi ŋkpɔ ukwak ke itɔŋ, tutu enye osobo fi ama.

DEUTERONOMY 31:17

Ndien iyaresit mi eyefiop ye mmɔ ke usen oro, ndien nyekpɔŋ mmɔ, nnyuŋ ndip mmɔ iso mi, ndien mmɔ eyedi se ediade, ediwak mkpɔsɔŋ mme idiɔk-ŋkpɔ eyenyuŋ enam mmɔ; ndien mmɔ eyedɔhɔ ke usen oro, ete, Nte idige koro Abasi nnyin miduhe ke otu nnyin esin mme idiɔk-ŋkpɔ emi esim nnyin: