2 NDIDEM 20:5 - Edisana ñwed Abasi Ibom

⁵ Fiak kɔdɔhɔ Hezekiah, etubom ikɔt mi, ete, Ntem ke Jehovah, Abasi David usɔ, ɔdɔhɔ, ete, Mmokop mkpe-ubɔk fo, mmokut mmɔŋ-eyet fo; sese, nyenam udoŋɔ okure fi: afo eyedɔk ke ufɔk Jehovah ke ɔyɔhɔ usen ita.

2 NDIDEM 20:5 ပူးပေါင်းရင်းမြစ်များ

2 SAMUEL 5:2

Tutuko adaŋemi Saul edide edidem nnyin, edi afo akada Israel ɔwɔrɔ, onyuŋ ada oduk. Jehovah okonyuŋ ɔdɔhɔ fi, ete, Afo eyebɔk ikɔt mi Israel, afo eyenyuŋ edi etubom Israel.

1 NDIDEM 9:3

Ndien Jehovah ɔdɔhɔ enye, ete, Mmokop akam fo, ye mkpe-ubɔk fo oro afo akanamde ke iso mi: mmonim ufɔk emi afo ɔkɔbɔpde, ke edisana, man nnim enyiŋ mi do ke nsinsi: ndien enyin mi ye esit mi eyedu do kpukpru ini.

2 NDIDEM 19:20

Ekem Isaiah eyen Amoz ɔdɔŋ ekedɔhɔ Hezekiah, ete, Ntem ke Jehovah Abasi Israel ɔdɔhɔ, ete, Mmokop se afo ekekpede mi ubɔk abaŋa Sennacherib edidem Assyria.

2 NDIDEM 20:4

Edikem, ke Isaiah mika-iwɔrɔke isim ufɔt obio, Jehovah ɔdɔhɔ enye, ete,

2 NDIDEM 22:19

koro esit fo ememde, afo onyuŋ ɔsuhɔrede idemfo onim ke iso Jehovah, ke ini afo okopde se nkɔdɔhɔde mbaŋa ebiet emi, ye mme andiduŋ ke esit, nte ke mmɔ edidi ŋwure ye isuŋi, ndien afo ama onyuŋ awai edisine-ŋkpɔ fo, onyuŋ atua eyet ke iso mi; ami ŋko mmokop, Jehovah ɔdɔhɔ.

2 CHRONICLES 13:12

Ndien, sese, Abasi odu ye nnyin ke etubom, ye mme oku esie, ye mme ukorowo uyom emi edade enam uyom ebaŋa mbufo. Mbufo, nditɔ Israel, ekuŋwana ekɔŋ ye Jehovah Abasi mme ete mbufo: koro mbufo midikwe unen.

2 CHRONICLES 34:3

Ekem ke ɔyɔhɔ isua ubɔŋ esie itiaita, ke edide kaŋa eyenɔwɔŋ, enye ɔtɔŋɔ nditiene Abasi David ete esie: ndien osim ke ɔyɔhɔ isua duopeba, enye ɔtɔŋɔ ndisioŋo mme edikoŋ ebiet, ye mme eto-mkpe, ye mme edisɔi mbiet, ye mme editara mbiet infep, onyuŋ anam Judah ye Jerusalem esana.

ŊWED MME PSALM 107:20

onyuŋ anam udɔŋɔ okure mmɔ, ndien ayak mmɔ ebɔhɔ mme nsobo mmɔ.

ŊWED MME PSALM 119:26

Mmobuk usuŋ mi: afo omonyuŋ eyere mi: kpep mi mme ewuhɔ fo.

ŊWED MME PSALM 126:5

Mmɔ eke etɔde ŋkpɔ ke mmɔŋeyet eyekpeŋe ke idara. Owo eke obiomde akpan mkpasip, aka atua eyet,

ŊWED MME PSALM 147:3

Edi enye ɔkɔk mmɔ eke esit mmɔ anuahade, onyuŋ ofuk mmɔ unan.

ŊWED MME PSALM 34:18

Jehovah emekpere mmɔ eke esit ɔbuŋɔde mmɔ; onyuŋ anyaŋa mmɔ eke esit ɔduɔde.

ŊWED MME PSALM 39:12

O Jehovah, kop mkpeubɔk mi, nyuŋ kpaŋ utɔŋ ke eseme mi; kudop uyo unɔ mmɔŋeyet mi: koro ami ndide esen owo ye afo, ye oduduŋ, kpa nte kpukpru mme ete mi ekedide.

ŊWED MME PSALM 56:8

Afo omobuk eriyo mi: da mmɔŋeyet mi sin ke ekpeme fo: nte mmɔ iduhe ke ŋwed fo?

ŊWED MME PSALM 56:9

Ndien mme asua mi eyefiak edem ke usen eke ndisemede: mmɔfiɔk emi, koro Abasi adade ye ami.

ŊWED MME PSALM 6:10

Kpukpru mme asua mi eyekut but, enyuŋ enyek idem; mmɔ eyefiak edem, enyuŋ ekut but ke idaha kiet.

ŊWED MME PSALM 65:2

Afo emi okopde akam, kpukpru obukidem eyetiene fi.

ŊWED MME PSALM 65:3

Ikɔ isop esɔŋɔ ekan mi: afo eyesio isop ndudue nnyin efep.

EXODUS 15:26

onyuŋ ɔdɔhɔ ete, edieke afo editimde okop uyo Jehovah Abasi fo, onyuŋ anamde se inende enye ke enyin, onyuŋ akpaŋde utɔŋ ɔnɔ mbet esie, onyuŋ onimde kpukpru ewuhɔ esie, ndidaha baba udɔŋɔ kiet emi ŋkanamde etiene Egypt, ntiene fi: koro edi ami Jehovah nnam udɔŋɔ okure fi.

EXODUS 3:7

Ndien Jehovah ɔdɔhɔ ete, Mmotim ŋkut ukut ikɔt mi emi edude ke Egypt, mmonyuŋ ŋkop eseme mmɔ ebaŋa mme otuk mmɔ; koro mfiɔkde ubiak mmɔ;

EXODUS 3:9

Ndien, sese, eseme nditɔ Israel omosim mi: mmonyuŋ ŋkut ufik emi nditɔ Egypt efikde mmɔ.

ISAIAH 19:22

Jehovah eyenyuŋ amia Egypt; amia, onyuŋ ɔkɔk: ndien mmɔ eyekabare etiene Jehovah, ndien enye eyekop ɔnɔ mmɔ, onyuŋ ɔkɔk mmɔ.

ISAIAH 38:22

Hezekiah onyuŋ ɔdɔhɔ, ete, Nsidi idiɔŋɔ ete ke ami ndidɔk ke ufɔk Jehovah?

ISAIAH 38:5

Ka kɔdɔhɔ Hezekiah, ete, Ntem ke Jehovah, Abasi David usɔ ɔdɔhɔ, ete, Mmokop mkpe-ubɔk fo, mmokut mmɔŋeyet fo: sese, nyekɔt isua efut ke mme usen fo.

ISAIAH 55:3

Mbufo ekpaŋ utɔŋ mbufo, enyuŋ edi etiene mi: ekop, ndien ukpɔŋ mbufo eyedu uwem; ndien nyenam nsinsi ediomi ye mbufo, kpa ŋkpɔ ima David eke edide akpanikɔ.

MATTHEW 22:32

Ami ndi Abasi Abraham ye Abasi Isaac, ye Abasi Jacob? Enye idige Abasi mme akpa-mkpa, edi edi eke mme odu-uwem.

LUKE 1:13

Edi angel ɔdɔhɔ enye ete, Kufehe ndik, Zechariah; koro ema ekop mkpe-ubɔk fo; ndien ŋwan fo Elizabeth eyeman eyen eren ɔnɔ fi, afo eyeyuŋ osio enye enyiŋ John.

LUKE 18:10

ete, Owo iba ekɔdɔk ke temple ndibɔŋ akam: kiet edi Pharisee, enye eken edi publican.

JOHN 5:14

Edikem Jesus okut enye ke temple, onyuŋ ɔdɔhɔ enye ete, Sese, omokop nsɔŋidem; kunam aba idiɔk-ŋkpɔ, mbak se idiɔkde ikan oko edisim fi.

DEUTERONOMY 32:39

Mbufo ese, ndien, ete ke ami, ami, ndi enye, abasi inyuŋ iduhe idian ye ami: ami ŋwot, nnyuŋ nnim owo uwem; ami nnɔ unan, nnyuŋ nsiri: baba owo kiet eke osiode ke ubɔk mi, inyuŋ iduhe.

MME HEBREW 2:10

Koro odotde Enye, emi kpukpru ŋkpɔ esuŋɔde ye Enye, kpukpru ŋkpɔ enyuŋ etode ke Enye, ke erida ediwak nditɔ nduk ubɔŋ ndinam asiakusuŋ eriyaŋa mmɔ asaŋa ke ndutuhɔ akabare ɔfɔn ama

ERIYARARE 7:17

eyo mme ufiop ekededi idinyuŋ imiaŋa mmɔ: koro Eyen-erɔŋ emi etiede ke ufɔt ebekpo eyedi Andikpeme mmɔ, eyenyuŋ ada mmɔ aka ke idim mmɔŋ uwem: ndien Abasi eyekwɔhɔre kpukpru mmɔŋ eyet ke enyin mmɔ efep.

1 SAMUEL 10:1

NDIEN Samuel ada ekpeme aran ɔtɔhɔ enye ke ibuot, ndien otim enye inua, onyuŋ ɔdɔhɔ ete, Nte idige koro Jehovah eyetde fi aran onim ke etubom udeme esie?

1 SAMUEL 9:16

Adaŋemi mkpɔŋ nyedɔŋ owo oto ke isɔŋ Benjamin etiene fi, ndien da aran yet enye nim ke etubom ikɔt mi Israel; ndien enye eyenyaŋa ikɔt mi osio mme Philistine ke ubɔk: koro mmese ikɔt mi, koro eseme mmɔ omosim mi.