2 NDIDEM 20:12 - Edisana ñwed Abasi Ibom

¹² Ke ini oro Berodach-baladan, eyen Baladan, edidem Babylon, ɔnɔ ŋwed ye enɔ esɔk Hezekiah; koro enye okokopde ete ke Hezekiah ɔkɔdɔŋɔ.

2 NDIDEM 20:12 ပူးပေါင်းရင်းမြစ်များ

GENESIS 10:10

Ndien editɔŋɔ ubɔŋ esie ekedi Babel, ye Erech, ye Accad, ye Calneh, ke isɔŋ Shinar.

GENESIS 11:9

Mmɔdo enyiŋ esie ekerede Babel; koro Jehovah etimerede usem ofuri ererimbot do: Jehovah onyuŋ anam mmɔ edaha do esuana ke iso ofuri ererimbot.

2 SAMUEL 10:2

Ndien David ɔdɔhɔ ete, Nyenam mfɔn-ido ye Hanun eyen Nahash, kpa nte ete esie akanamde mfɔn-ido ye ami. Ndien David ɔdɔŋ ikɔt esie, ete eka ekedɔŋ enye esit ebaŋa ete esie.

2 SAMUEL 8:10

Ndien Toi ɔdɔŋ Joram eyen esie utom ke ɔtɔ edidem David ete ɔkɔm enye, onyuŋ otoro enye: koro enye akaŋwanade ekɔŋ ye Hadadezer, okonyuŋ asuande enye: koro Hadadezer akam aŋwanade ekɔŋ ye Toi. Ŋkpɔ silver, ye ŋkpɔ gold, ye ŋkpɔ okpoho enyuŋ edu enye (Joram) ke ubɔk:

2 CHRONICLES 32:25

Edi Hezekiah inamke usiene ke ufɔŋ emi efɔnde enye; koro esit esie emenerede ke enyɔŋ: mmɔdo iyaresit odorode enye ke idem, ye ke idem Judah ye Jerusalem.

2 CHRONICLES 32:31

Edi ke ikɔ mme isuŋutom mbɔŋ Babylon oro ekedɔŋde ekebup ŋkpɔ ndyɔ oro ekenamde ke isɔŋ, Abasi, ɔkpɔŋ enye, ete idomo ifiɔk kpukpru se idude enye ke esit.

ISAIAH 13:1

UYO Abasi emi ke Isaiah eyen Amoz okokut abaŋa Babylon.

ISAIAH 13:19

Ndien Babylon, uyai mme idut, mbana ye ŋkpɔ iseri mme Chaldee, eyebiet nsobo oro Abasi okosobode Sodom ye Gomorrah.

ISAIAH 14:4

ndien afo eyemenere ikwɔ emi abaŋa edidem Babylon; onyuŋ ɔdɔhɔ ete,