2 NDIDEM 20:10 - Edisana ñwed Abasi Ibom

¹⁰ Ndien Hezekiah ɔdɔhɔ, ete, Emi mfut ɔsuhɔrede ikpat duop edi ekpri ŋkpɔ: Ih ih, edi yak mfut afiak edem ikpat duop.

2 NDIDEM 20:10 ပူးပေါင်းရင်းမြစ်များ

2 NDIDEM 2:10

Ndien enye ɔdɔhɔ ete, Afo emebeŋe ɔkpɔsɔŋ ŋkpɔ: ama okut nte emende mi ebɔ fi, eyesu ntre ɔnɔ fi: edi mukwe, idisuhe.

2 NDIDEM 20:11

Ndien prophet Isaiah eseme ɔnɔ Jehovah, ndien enye anam mfut afiak edem ikpat duop, ekem ye ikpat emi enye ɔsuhɔrede ke dial Ahaz.

2 NDIDEM 20:9

Ndien Isaiah ɔdɔhɔ, ete, Idiɔŋɔ emi eyeto Jehovah ɔnɔ fi, ete ke Jehovah edinam ŋkpɔ emi enye ɔkɔdɔhɔde; nte, afo oyom ete mfut aka iso ikpat duop, mme afiak edem ikpat duop?

2 NDIDEM 3:18

Jehovah onyuŋ abat emi ke ekpri ŋkpɔ: enye eyenyuŋ ada Moab esin mbufo ke ubɔk.

ISAIAH 49:6

Ndien enye ɔdɔhɔ, ete, Emi afo edide owo mi emi edinamde mme esien Jacob edaha ke enyɔŋ, onyuŋ adade nditɔ Israel emi enimde, afiak edi, ekpekpri, ami nyenyuŋ nnim fi ke uŋwana mme idut, man afo ekpedi erinyaŋa mi tutu osim ke utit ererimbot.

JOHN 14:12

Ke akpanikɔ ke ndɔhɔ mbufo, Owo eke ɔbuɔtde idem ye ami eyenyuŋ anam utom eke Ami nnamde; enye eyenyuŋ anam utom eke okponde akan oro: sia Ami nnyɔŋde ntiene Ete.

JOSHUA 10:12

Ndien Joshua ɔdɔhɔ Jehovah ke usen emi Jehovah adade mme Amorite onim ke iso nditɔ Israel, enye onyuŋ ɔdɔhɔ ke iso Israel, ete, Utin, bet ke Gibeon; ɔfiɔŋ,

JOSHUA 10:13

bet ŋko ke itihere Aijalon. Ndien utin ebet, ɔfiɔŋ onyuŋ ebet, tutu mmɔ esio usiene enɔ mme asua mmɔ. Nte iwetke emi isin ke ŋwed Jashar? Ntem ke utin atuak ada ke ufɔt enyɔŋ, inyuŋ iwarake ndisuhɔre ke ofuri usen oro.