2 NDIDEM 20:1 - Edisana ñwed Abasi Ibom

¹ KE ini oro Hezekiah ɔdɔŋɔ udɔŋɔ mkpa. Ndien prophet Isaiah eyen Amoz aka ke ɔtɔ esie, ɔkɔdɔhɔ enye, ete, Ntem ke Jehovah ɔdɔhɔ, ete, Tim ŋkpɔ ufɔk fo: koro afo eyekpa, ududuhe uwem.

2 NDIDEM 20:1 ပူးပေါင်းရင်းမြစ်များ

2 SAMUEL 17:23

Ekem, adaŋemi Ahithophel okutde ete ke itieneke item imɔ, enye ɔdiɔŋ ass esie, adaha ke enyɔŋ, aka ke ufɔk esie, ke obio esie, okotim ŋkpɔ ufɔk esie, ndien eyire akpa, onyuŋ ɔbuhɔ ke udi ete esie.

2 NDIDEM 1:16

Ndien enye ɔdɔhɔ enye, Ntem ke Jehovah ɔdɔhɔ ete, Koro afo ɔkɔdɔŋde mme isuŋ-utom ekebup Baal-zebub abasi Ekron, ndi koro Abasi miduhe ke Israel eke ekpebupde uyo esie? Mmɔdo mudutoho ke bed emi afo ɔkɔdɔkde, usuhɔre, edi udutreke ndikpa.

2 NDIDEM 1:4

Mmɔdo ntem ke Jehovah ɔdɔhɔ ete, Afo udutoho ke bed oro afo ɔkɔdɔkde, usuhɔre, edi eyekpa mkpa. Ndien Elijah adaha.

2 NDIDEM 19:2

oduk ke ufɔk Jehovah. Enye onyuŋ ɔdɔŋ Eliakim, emi edide etubom ufɔk esie, ye Shebna andiwet ŋwed, ye mbiowo mme oku, ete esine ɔfɔŋ-ikpo ke idem, eka ke ɔtɔ prophet Isaiah eyen Amoz.

2 NDIDEM 19:20

Ekem Isaiah eyen Amoz ɔdɔŋ ekedɔhɔ Hezekiah, ete, Ntem ke Jehovah Abasi Israel ɔdɔhɔ, ete, Mmokop se afo ekekpede mi ubɔk abaŋa Sennacherib edidem Assyria.

2 NDIDEM 20:2

Ndien enye akabare iso ese ibibene, onyuŋ ekpe Jehovah ubɔk, ete,

DEUTERONOMY 31:14

Ndien Jehovah ɔdɔhɔ Moses, ete, Sese usen mkpa fo emekpere: kot Joshua edi, ndien mbufo edi edida ke efe esop, man nteme enye ŋkpɔ. Ndien Moses ye Joshua eka ekeda ke efe esop.

DEUTERONOMY 31:16

Ndien Jehovah ɔdɔhɔ Moses, ete, Sese, afo ɔmɔŋ edina ye mme usɔ; ndien mbio emi eyedaha ke enyɔŋ eketieŋe mme isen abasi mme idut emi mmɔ ekade do ndi duk ke otu mmɔ, eyenyuŋ ekpɔŋ mi, enyuŋ ebiat ediomi mi emi nnamde ye mmɔ.

ŊWED MBON PHILIPPI 2:27

Ke akpanikɔ enye ɔkɔdɔŋɔ ekpere ndikpa: edi Abasi atua enye mbɔm; inyuŋ ituaha enye ikpɔŋ mbɔm, edi atua mi mbɔm ŋko, mbak ndida mfuhɔ ŋkɔrɔ ye mfuhɔ.

ŊWED MBON PHILIPPI 2:30

koro osuk esisit enye ndikpa ke erinam utom Christ, ikereke uwem esie, man enye anam se isuhɔde mbufo ndinam nnɔ mi ɔyɔhɔ.