2 NDIDEM 2:3 - Edisana ñwed Abasi Ibom

³ Ntre ke mmɔ esuhɔre eka ke Beth-el. Ndien nditɔ mme prophet oro edude ke Beth-el ewɔŋɔ etiene Elisha, enyuŋ edɔhɔ enye, ete, Nte afo ɔmɔfiɔk ete ke Jehovah eyemen usɔ ɔbɔ fi mfin emi? Ndien enye ete, Ih, ami mmɔfiɔk;

2 NDIDEM 2:3 ပူးပေါင်းရင်းမြစ်များ

1 NDIDEM 18:4

koro edikem adaŋemi Jezebel okowotde mme prophet Jehovah, Obadiah ada prophet ikie, odip mmɔ owo aba ye duop, aba ye duop, ke aba itiat, onyuŋ ɔbɔk mmɔ ke uyo ye mmɔŋ.)

1 NDIDEM 20:35

Ekem owo kiet ke otu nditɔ mme prophet ɔdɔhɔ mbɔhiduŋ esie ke uyo Jehovah, ete, Mbɔk, kam tɔ mi. Edi owo oro inyimeke nditɔ enye.

2 NDIDEM 2:15

Ndien adaŋemi nditɔ mme prophet oro edude ke Jericho ke edem oko ekutde, mmɔ edɔhɔ ete, spirit Elijah odu Elisha ke idem. Ndien mmɔ eka ekesobo ye enye, enyuŋ enuhɔ ke isɔŋ enɔ enye.

2 NDIDEM 2:5

Ndien nditɔ mme prophet emi edude ke Jericho etiene Elisha, ekedɔhɔ enye, ete, Nte afo ɔmɔfiɔk ete ke Jehovah eyemen usɔ ɔbɔ fi mfin emi? Ndien enye ɔdɔhɔ ete, Ih, ami mmɔfiɔk ŋko; mbufo edop uyo.

2 NDIDEM 2:7

Ndien nditɔ mme prophet, owo aba ye duop, eka ekeda nsan nsan, esak iso ese mmɔ: ndien mmɔ mbiba eda ke mben Jordan.

2 NDIDEM 4:1

EKEM ŋwan kiet ke otu iban nditɔ mme prophet eseme ɔnɔ Elisha, ete, Ebe mi, owo fo, amakpa; afo omonyuŋ ɔfiɔk ete ke owo fo edi owo eke abakde Jehovah: ndien owo-ebuɔt esie emedi ndida nditɔ-iren mi iba ke idemesie nnim ke ifin.

2 NDIDEM 4:38

Ekem Elisha afiak aka ke Gilgal; akaŋ onyuŋ odu ke isɔŋ; nditɔ mme prophet enyuŋ etie enye ke iso: ndien enye ɔdɔhɔ owo esie, ete, Tem akamba eso ke ikaŋ, nyuŋ tem udia nɔ nditɔ mme prophet.

2 NDIDEM 5:22

Ndien enye ɔbɔrɔ ete, Ɔfɔn. Ete mi ɔmɔdɔŋ mi utom, ete, Sese, mkparawa iba emi etode ke nditɔ mme prophet, emeto ke obot Ephraim edi ke ɔtɔ mi, ke idahemi: mbɔk, nɔ mmɔ talent silver kiet, ye ukpuhɔ ɔfɔŋidem iba.

2 NDIDEM 6:1

EKEM nditɔ mme prophet edɔhɔ Elisha, ete, Sese, ebiet emi nnyin itiede mi ke iso fo afaha akan nnyin.

2 NDIDEM 9:1

EKEM Elisha prophet okot eyen mme prophet kiet, onyuŋ ɔdɔhɔ enye, ete, Bɔbɔ mbɔbɔ fo ke isin, nyuŋ da ekpeme aran emi ke ubɔk fo, ka ke Ramoth-gilead:

ISAIAH 8:18

Sese ami ye nditɔ emi Jehovah ɔnɔde mi, idi mme idiɔŋɔ ye ŋkpɔ ndyɔ ke Israel, ito Jehovah mme udim emi oduŋde ke obot Zion.

AMOS 7:14

Ndien Amos ɔbɔrɔ, onyuŋ ɔdɔhɔ Amaziah, ete, Ami ndige prophet, ami nnyuŋ ndige eyen prophet; koro ami ndide ekpeme-erɔŋ ye okibi mfri eto sycamore:

UTOM MME APOSTLE 22:3

Ndi Jew, ŋkamana ke Tarsus ke Cilicia, edi ŋkɔkɔri ke obio emi, ntie ke ukot Gamaliel, ŋkpep ɔkpɔsɔŋ ibet mme ete nnyin, mma nnyuŋ nnyene ufup mbaŋa Abasi, kpa nte kpukpru mbufo enyenede mfin emi.

DEUTERONOMY 33:3

Ŋkɔm enye amama mme idut; edisana ikɔt esie edu fi ke ubɔk: mmɔ enyuŋ esuhɔre etie fi ke ukot; mmɔ eyebɔ ikɔ fo.

1 SAMUEL 10:5

Oro ama ebe afo eyesim ke obot Abasi, emi mbon-ukpeme mme Philistine edude do: ama ekem, adaŋemi afo edisimde do ke obio, eyesim udim prophet eke etode ke edikoŋ ebiet esuhɔre, psaltery, ye ekɔmɔ, ye obukpoŋ, ye harp enyuŋ ebem mmɔ iso; ndien mmɔ eyenam prophecy:

1 SAMUEL 19:20

Ndien Saul ɔdɔŋ mme isuŋutom, ete ekemum David: edi ke ini mmɔ ekutde udim mme prophet, nte enamde prophecy, nte Samuel onyuŋ adade ke etubom mmɔ, spirit Abasi oduk mme isuŋutom Saul ke idem, ndien mmɔ enyuŋ enam prophecy.