2 NDIDEM 2:1 - Edisana ñwed Abasi Ibom

¹ EDIKEM adaŋemi Jehovah oyomde ndida idio mmen Elijah nnim ke heaven, Elijah ye Elisha edaha ke Gilga.

2 NDIDEM 2:1 ပူးပေါင်းရင်းမြစ်များ

GENESIS 5:24

Enoch onyuŋ asaŋa ye Abasi: ndien iduhe; koro Abasi akadade enye ɔnyɔŋ.

1 NDIDEM 18:12

Ndien ama ekem ke ini ami ndinyɔŋɔde ŋkpɔŋ fi, spirit Jehovah eyemen fi aka ke ebiet eke mmendifiɔkke; ndien ke ini ŋkade ŋketiŋ nnɔ Ahab, ndien enye midikwe fi, enye eyewot mi; edi owo fo edi andibak Jehovah toto ke ini uyen mi.

1 NDIDEM 19:11

Ndien enye ɔdɔhɔ ete, Wɔrɔ, kada ke obot ke iso Jehovah. Ndien, sese, Jehovah ke ebe, ndien akamba ye ɔkpɔsɔŋ oyobio asiak ikpɔ obot, onyuŋ anuak mme itiat ke iso Jehovah; edi Jehovah iduhe ke oyobio. Ndien ke oyobio ama ekebe, isɔŋ enyek; edi Jehovah iduhe ke unyek-isɔŋ.

1 NDIDEM 19:4

Ndien enye ada isaŋ usen kiet oduk ke wilderness, ndien aka eketie ke idak eto juniper kiet: onyuŋ ebeŋe ke idem esie ete ikpa; onyuŋ ɔdɔhɔ ete, Ekem, ndien; O Jehovah, kam bɔ mi uwem: koro mme-mfɔnke ŋkan mme ete mi.

2 NDIDEM 1:18

Ndien ama edi ikɔ Ahaziah emi ɔsuhɔde, emi enye akanamde, nte ikewetke mmɔ isin ke ŋwed ikɔ eyo ndidem Israel?

2 NDIDEM 2:11

Edikem ke mmɔ esaŋade eka iso, eneme nneme, sese, chariot ikaŋ ye horse ikaŋ edibahare mmɔ kiet ye kiet; ndien Elijah ɔdɔk ke heaven ke idio oro.

2 NDIDEM 4:38

Ekem Elisha afiak aka ke Gilgal; akaŋ onyuŋ odu ke isɔŋ; nditɔ mme prophet enyuŋ etie enye ke iso: ndien enye ɔdɔhɔ owo esie, ete, Tem akamba eso ke ikaŋ, nyuŋ tem udia nɔ nditɔ mme prophet.

ŊWED JOB 38:1

NDIEN Jehovah etie ke oyobio ɔbɔrɔ Job, ete,

LUKE 9:51

Edikem, ke ini nme usen eke edimende Enye edɔk ekperede,

UTOM MME APOSTLE 1:9

Ndien ke Enye ama eketiŋ ikɔ oro ama, nte mmɔ esuk esede, emen Enye edɔk ke enyɔŋ; ndien ikpa-enyɔŋ ofuk Enye, mmɔ inyuŋ ikwe Enye aba.

MME HEBREW 11:5

Oto mbuɔtidem emen Enoch edɔk ke enyɔŋ, man enye okukut mkpa; owo inyuŋ ikwe enye, sia Abasi ekemende enye ɔnyɔŋ; koro ke ini mimenke enye kaŋa idɔk ekedi ntiense ebaŋa enye ete, enye enem Abasi esit:

JOSHUA 4:19

Ndien mbio oro eto ke Jordan edɔk ke ɔyɔhɔ usen akpa ɔfiɔŋ duop, ndien mmɔ eka ekena ke Gilgal, ke edem usiaha-utin Jericho.

JOSHUA 5:9

Ndien Jehovah ɔdɔhɔ Joshua, ete, Mfin emi mmakpat mbufo esuene Egypt ke idem mfep. Mmɔdo enyiŋ ebiet oro ekerede Gilgal tutu osim mfin emi.

ERIYARARE 11:12

Ndien mmɔ ekop ɔkpɔsɔŋ uyo otode ke enyɔŋ ɔdɔhɔ mmɔ ete, Edɔk edi ken. Mmɔ enyuŋ esaŋa ke obubit enyɔŋ edɔk eduk ke heaven, mme asua mmɔ enyuŋ ekut mmɔ.