2 NDIDEM 19:7 - Edisana ñwed Abasi Ibom

⁷ Sese, nyesin enye spirit ke idem, ndien enye eyekop etop, onyuŋ afiak ke edem mmɔ; ndien nyenam enye ɔduɔ ke ofut ke edem mmɔ.

2 NDIDEM 19:7 ပူးပေါင်းရင်းမြစ်များ

2 NDIDEM 19:28

Koro afo ayatde esit ye ami, koro iseri fo ama onyuŋ ɔdɔk ediduk mi ke utɔŋ; mmɔdo ndisinde fi mkpanuen mi ke ibuo, ye uruk mi ke mkpɔk-inua fo; ndien nyenam fi afiak ke usuŋ oro afo akasaŋade ke esit edi.

2 NDIDEM 19:33

Enye eyesaŋa ɔnyɔŋ ke usuŋ oro akasaŋade edi, ndien ididukke ke obio emi: uyo Jehovah edi emi.

2 NDIDEM 7:6

Koro ɔbɔŋ akanamde nna-ekɔŋ Syria ekop uyom chariot, ye uyom horse, uyom akamba udim-ekɔŋ: ndien kiet ɔdɔhɔ kiet, ete, Sese, edidem Israel ama ada inyene ɔnɔ ndidem mme Hittite, ye ndidem Egypt, abaŋa nnyin, ete edi ediŋwana ye nnyin.

2 CHRONICLES 32:21

Ndien Jehovah ɔdɔŋ angel okosobo kpukpru mbon uko, ye mbɔŋ ye mme etubom nna-ekɔŋ edidem Assyria. Ndien enye ada but ke iso ɔnyɔŋ ke idut esie. Ekem adaŋemi enye odukde ke ufɔk abasi esie, mmɔ emi eketode enye ke idem ewot enye do ke ofut.

ŊWED JOB 15:21

Uyom ndik odu enye ke utɔŋ: ke ini emem ke andisobo edisim enye.

ŊWED JOB 4:9

Ibifik Abasi osobo mmɔ, oyobio iyaresit esie onyuŋ asuan mmɔ.

ŊWED MME PSALM 11:6

Enye eyenam afia edep anam mme idiɔk owo; ikaŋ, ye brimstone, ye edifiop ofum edi udeme cup mmɔ.

ŊWED MME PSALM 50:3

Abasi nnyin eyedi, idinyuŋ idopke uyo: ikaŋ eyebem enye iso ata, oyobio onyuŋ ofime ɔkpɔsɔŋ akan enye okuk.

ŊWED MME PSALM 94:23

Ndien enye eyenam ukwaŋ-ŋkpɔ mmɔ afiak etiene mmɔ, onyuŋ osibe mmɔ efep ke idiɔk ido mmɔ; Jehovah Abasi nnyin eyesibe mmɔ efep.

ISAIAH 11:4

edi eyekpe ikpe mme ubuene esin ke edinen, onyuŋ ebiere ikɔ nte enende ɔnɔ suŋ-suŋ mbio isɔŋ: onyuŋ amia isɔŋ ke eto inua esie, onyuŋ owot mme idiɔk owo ke ibifik mkpɔk-inua esie.

JEREMIAH 49:14

Mma ŋkop etop emi otode Jehovah, enyuŋ edɔŋ mme isuŋutom ke otu mme idut, ete, Mbufo esop idem, edi ekɔŋ ye enye, enyuŋ edaha ke enyɔŋ eyi ke ekɔŋ.

JEREMIAH 51:1

NTEM ke Jehovah ɔdɔhɔ, ete, Sese, ami mmɔŋ ndemere ofum nsobo nnam Babylon ye mme andiduŋ ke otu mmɔ emi enamde ikɔ ye ami;

JEREMIAH 51:46

Ndien ekuyak esit emem mbufo, ekunyuŋ edikhe ebaŋa etop eke edikopde ke isɔŋ, etop eyenyuŋ edi mbun, etop eyenyuŋ etiene edem ke ebem, ndien afai eyedu ke isɔŋ, andikara aŋwana ye andikara.

OBADIAH 1:1

NKUKUT OBADIAH. Ntem ke Ɔbɔŋ Jehovah ɔdɔhɔ abaŋa Edom; ete, Nnyin imekop etop emi otode Jehovah; emenyuŋ edɔŋ mme isuŋ utom ke otu mme idut, ete, Mbufo edaha ke enyɔŋ, nnyin idaha ke enyɔŋ ika ekɔŋ ye enye.