2 NDIDEM 19:4 - Edisana ñwed Abasi Ibom

⁴ Ndusuk Jehovah Abasi fo eyekop kpukpru ikɔ Rabshakeh emi ete esie, edidem Assyria, ɔkɔdɔŋde ete edisuene Abasi uwem; eyenyuŋ asua ɔnɔ ikɔ emi Jehovah Abasi fo okokopde: menere ndien uyo fo kpe enye ubɔk nɔ nsuhɔ emi esuhɔde mi.

2 NDIDEM 19:4 ပူးပေါင်းရင်းမြစ်များ

GENESIS 22:14

Ndien Abraham osio ebiet oro enyiŋ Jehovah-jireh: nte emi edɔhɔde ke eyo mfin emi, Ke obot Jehovah ke eyekut.

2 SAMUEL 16:12

Ndusuk Jehovah eyese idiɔk ido mi, Jehovah eyenyuŋ ɔnɔ mi se ifɔnde ke ibuot isuŋi esie mfin emi.

2 NDIDEM 18:13

Ekem ke ɔyɔhɔ isua edidem Hezekiah duopenaŋ, Sennacherib edidem Assyria ɔdɔk edi ekɔŋ ye kpukpru obio Judah emi enyenede ibibene, onyuŋ ada mmɔ.

2 NDIDEM 19:16

Kpaŋ utɔŋ fo, O Jehovah, nyuŋ kop: tat enyin fo, O Jehovah, nyuŋ se: nyuŋ kop uyo Sennacherib, emi enye ɔkɔdɔhɔde edisuene Abasi uwem.

2 NDIDEM 19:22

Afo okosuŋi, okonyuŋ ɔtɔk anie? okonyuŋ emenere uyo fo ke enyɔŋ abaŋa anie? Okonyuŋ emenere enyin fo ke enyɔŋ? ke abaŋa Edisana Abasi Israel.

2 NDIDEM 19:23

Afo amada inua mme isuŋutom fo esuene Ɔbɔŋ, onyuŋ ɔdɔhɔ, ete, Ami nda ata ediwak chariot mi ndɔk ke enyɔŋ ikpɔ obot, ye ke ŋkaŋ Lebanon; ndien nyekpeŋe edikoŋ cedar esie, ye edimek fir esie; nyenyuŋ nsim ata nsom esie, ye eti iŋwaŋ akai esie.

2 NDIDEM 19:3

Ndien mmɔ edɔhɔ enye, ete, Ntem ke Hezekiah ɔdɔhɔ ete, Mfin emi edi usen ukut, ye ufen, ye esuene: koro nnyin itie nte ŋwan oyomde ndiman eyen, ndien odudu uman iduhe.

2 NDIDEM 19:30

Ndien ubak ufɔk Judah emi ɔbɔhɔde, onyuŋ ɔsuhɔde, eyetɔŋɔ ntak omum oduŋ esie ke isɔŋ, onyuŋ oŋwum idem ke enyɔŋ:

2 NDIDEM 19:31

koro mmɔ eke esuhɔde eyeto ke Jerusalem; ubak eke ɔbɔhɔde eyenyuŋ oto ke obot Zion, ufup Jehovah eyenam emi.

2 NDIDEM 19:5

Ntem ikɔt edidem Hezekiah eka ke ɔtɔ Isaiah.

2 CHRONICLES 32:20

Ndien oro esin Hezekiah edidem ye Isaiah prophet, eyen Amoz, enam mkpe-ubɔk, mmɔ enyuŋ eseme enɔ enyɔŋ.

ŊWED MME PSALM 50:15

nyuŋ sio mme akaŋa fo nɔ Ata Edikoŋ. Ndien seme nɔ mi ke usen ukut: nyebabare fi mbaba, ndien afo eyekpono mi.

ŊWED MME PSALM 50:21

Ntem ke afo akanam, edi ami ndop uyo; afo ese ete ke mbebiet fi: edi nyetɔhɔ ye afo, nnyuŋ mmen (mme idiɔk ido fo) ndiɔŋ nnim ke iso fo.

ŊWED MME PSALM 74:18

Ti emi, usua ke esuene, O Jehovah; mbon ndisime esin enyiŋ fo ke ndek.

ISAIAH 1:9

Ke mikpedige Jehovah mme udim ɔsuhɔ ata ekpri nsuhɔ ɔnɔ nnyin, nnyin ikpekabare itie nte Sodom, ibiet Gomorrah.

ISAIAH 10:6

Nyedɔŋ enye utom ke oburobut idut, nnyuŋ ntobo enye etop nnɔ mbio iyaresit mi, nte enye obume mbume, onyuŋ owo ŋwo, onyuŋ onim mmɔ ke se edigide nte mbat efak.

JEREMIAH 23:36

Ndien mbufo iditiŋke aba uyo Jehovah: koro ikɔ owo eyedi uyo (Jehovah) esie; ndien mbufo emeyut ikɔ Abasi uwem, kpa eke Jehovah mme udim, Abasi nnyin.

JEREMIAH 33:3

Seme kot mi, ndien nyeyere fi, nnyuŋ ŋwut fi ikpɔ ye ata mkpɔsɔŋ ŋkpɔ eke afo mufiɔkke mmɔ.

JEREMIAH 42:9

ndien ɔdɔhɔ mmɔ, ete, Ntem ke Jehovah Abasi Israel emi mbufo ekedɔŋde mi utom ke ɔtɔ esie, ete nsuhɔre mkpe-ubɔk mbufo nnim enye ke iso, ɔdɔhɔ, ete,

EZEKIEL 36:37

Ntem ke Ɔbɔŋ Jehovah ɔdɔhɔ ete, Eyesuk ebeŋe mi ŋkpɔ emi enɔ ufɔk Israel, ete nnam nnɔ mmɔ. Nyenam mmɔ ewak owo nte otu ufene.

ŊWED MBON ROME 11:5

Ntre ŋko ke nsuhɔ odu ke emi emekde mmɔ oto ke mfɔn.

ŊWED MBON ROME 9:27

Edi Isaiah ofiori abaŋa Israel ete, Ibat nditɔ Israel akpawakde nte ntan mben inyaŋ, edi nsuhɔ ke edinyaŋa:

DEUTERONOMY 32:36

Koro Jehovah eyekpe ikpe ikɔt esie, eyenyuŋ ɔkpuhɔre ido ye ifin esie, ke ini enye okutde nte odudu ɔbɔhɔde mmɔ, ye nte ofin ye eyen isɔŋ miduhe aba.

JOSHUA 14:12

Kam nɔ mi, ndien, obot emi, nte Jehovah ɔkɔdɔhɔde ke usen oro: koro afo ama okop ke usen oro: koro mme Anakim edudu do, mme obio enyuŋ ekponi, enyuŋ enyene ibibene; Jehovah ama odu ye ami, ndien nyekeme ndibɔ mmɔ itie, kpa nte Jehovah ɔkɔdɔhɔde.

JOSHUA 3:10

Ndien Joshua ɔdɔhɔ ete, Ntem ke mbufo edifiɔk ete ke Abasi uwem odudu ke ufɔt mbufo, idinyuŋ itreke ndibin mme Canaanite, ye mme Hittite, ye mme Hivite, ye mme Perizzite, ye mme Girgashite, ye mme Amorite, ye mme Jebusite, ke iso mbufo mfep.

1 SAMUEL 14:6

Ndien Jonathan ɔdɔhɔ akparawa oro obiomde ŋkpɔ-ekɔŋ esie, ete, Di, yak nnyin ibe ika ke itie mbon-ekɔŋ mme edut emi: ndusuk Jehovah eyenam ŋkpɔ ɔnɔ nnyin: koro ŋkpɔ baba kiet mikpanke Jehovah ndida uwak mme esisit nnyaŋa.

1 SAMUEL 17:10

Ndien Philistine oro ɔdɔhɔ ete, Ami nsin mbon-ekɔŋ mme Israel ke ndek mfin emi: mbufo enɔ mi owo man nnyin iwana ye enye.

1 SAMUEL 17:26

Ndien David ɔdɔhɔ mmɔ emi edade ye enye, ete, Edinam nso enɔ owo eke ediwotde Philistine emi, onyuŋ odorore Israel but emi? Koro edut Philistine emi edi anie owo, eke enye ekpesinde mbon-ekɔŋ Abasi uwem ke ndek?

1 SAMUEL 17:45

Ndien David ɔdɔhɔ Philistine, ete, Afo ada ofut, ye eduat, ye onyim etiene mi: edi ami nda enyiŋ Jehovah mme udim, Abasi mbon-ekɔŋ; Israel, emi afo esinde ke ndek, ntiene fi.