Nyenyuŋ ŋkɔrɔ isua efut ke mme usen fo; nnyuŋ nnyaŋa fi ye obio emi nsio ke ubɔk edidem Assyria: nyenyuŋ ŋkpeme obio emi, mbaŋa idem mi, ye David owo mi.
Ubɔŋ ye emem ididopke ndikɔri ke ebekpo David, ye ke itie ubɔŋ esie, man onim enye, onyuŋ ɔsɔŋ owuk enye ke ikpe ye ke edinen ido, ke emi ye ke nsinsi. Ufup Jehovah mme udim eyenam ŋkpɔ emi.
ndien nyemen ubon Jacob ye ubon David owo mi ŋko nduɔk, ndinyuŋ nsioho aba owo eke edikarade ubon Abraham, ye Isaac, ye Jacob, ke ubon esie: koro nyeda nditɔ mmɔ emi eketaŋde efep mfiak ndi, nnyuŋ ntua mmɔ mbɔm.
Ndien nyenam nna-ekɔŋ ŋkan ufɔk mi ŋkuk mbak udim-ekɔŋ, ke ini enye asaŋade ebe, onyuŋ ɔnyɔŋde edi: baba owo utuk idinyuŋ isaŋke aba ke otu mmɔ ibe: koro ke emi ke nda enyin mi nse.