2 NDIDEM 19:23 - Edisana ñwed Abasi Ibom

²³ Afo amada inua mme isuŋutom fo esuene Ɔbɔŋ, onyuŋ ɔdɔhɔ, ete, Ami nda ata ediwak chariot mi ndɔk ke enyɔŋ ikpɔ obot, ye ke ŋkaŋ Lebanon; ndien nyekpeŋe edikoŋ cedar esie, ye edimek fir esie; nyenyuŋ nsim ata nsom esie, ye eti iŋwaŋ akai esie.

2 NDIDEM 19:23 ပူးပေါင်းရင်းမြစ်များ

2 NDIDEM 18:17

Ekem, edidem Assyria etie ke Lachish ɔdɔŋ Tartan, ye Rabsaris, ye Rab-shakeh, ete eda akwa udim-ekɔŋ eka ke ɔtɔ edidem Hezekiah ke Jerusalem. Ndien mmɔ edɔk eka ke Jerusalem. Ekem adaŋemi mmɔ edɔkde esim do, mmɔ eda ke mben udiɔŋ mmɔŋ enyɔŋ-enyɔŋ mkpɔdiɔhɔ-mmɔŋ emi odude ke ɔkpɔ-usuŋ iŋwaŋ ɔdiɔŋ-ɔfɔŋ.

2 NDIDEM 18:23

Di, ndien, di ŋwana ye ɔbɔŋ mi, edidem Assyria, ndien nyenɔ fi tɔsin horse iba, edieke afo ekemede ndidori owo ke esit ke idem fo.

2 NDIDEM 19:4

Ndusuk Jehovah Abasi fo eyekop kpukpru ikɔ Rabshakeh emi ete esie, edidem Assyria, ɔkɔdɔŋde ete edisuene Abasi uwem; eyenyuŋ asua ɔnɔ ikɔ emi Jehovah Abasi fo okokopde: menere ndien uyo fo kpe enye ubɔk nɔ nsuhɔ emi esuhɔde mi.

2 CHRONICLES 26:10

Enye onyuŋ ɔbɔp tower ke wilderness, onyuŋ otibi ediwak obube mmoŋ; koro enye enyenede ediwak ufene ke una-isɔŋ edem inyaŋ, ye ke una-isɔŋ edem Jordan; ye mme andifuŋ isɔŋ ye mbon-udiɔŋ vine ke ikpɔ obot, ye ke Carmel: koro enye edide ama-iŋwaŋ.

2 CHRONICLES 32:17

Enye onyuŋ ewet ŋwed esuene Jehovah Abasi Israel, onyuŋ ɔdɔhɔ abaŋa enye, ete, Kpa nte mme abasi mme idut efen etide, emi mikekemeke ndisio ikɔt mmɔ ke ubɔk mi, kpa ntre Abasi Hezekiah idisioho ikɔt esie ke ubɔk mi.

ŊWED MME PSALM 20:7

Ndusuk ebure ke chariot, ndusuk ke horse: edi nnyin iyebure ke enyiŋ Jehovah Abasi nnyin.

ŊWED MME PSALM 20:8

Mmɔ ebeŋere eduɔŋɔ: edi nnyin idaha ke enyɔŋ ineŋere ida.

ISAIAH 10:13

Koro enye ɔdɔhɔde, ete: “Nnam emi ke odudu ubɔk mi, ye ke ifiɔk mi; koro mmenyene eti ibuot: ndien nsehere adaŋa mme idut, nnyuŋ mbume inyene emi mmɔ enimde, ndien, nte ɔkpɔsɔŋ owo, nsuhɔre mme andiduŋ:

ISAIAH 10:14

ndien ubɔk mi onyuŋ osime inyene mme idut nte efɔk: ndien kpa nte etaŋde nsen inuen eke ekpɔŋde, kpa ntre ke ami ŋkataŋ ofuri ererimbot: ndien baba kiet iduhe eke enyeŋede mba, onyuŋ atatde inua, onyuŋ osiorode uyo.”

ISAIAH 10:18

onyuŋ ata ubɔŋ akai esie, ye eke eti iŋwaŋ esie, ukpɔŋ ye obukidem: ndien enye eyebiet ndiɔk-idem owo udɔŋɔ.

DANIEL 8:11

Enye onyuŋ emenere idem esie tutu osim ɔbɔŋ udim oro, onyuŋ esin esio nsinsi uwa efep, onyuŋ esin ewuri ebiet edisana iduŋ esie.