2 NDIDEM 19:22 - Edisana ñwed Abasi Ibom

²² Afo okosuŋi, okonyuŋ ɔtɔk anie? okonyuŋ emenere uyo fo ke enyɔŋ abaŋa anie? Okonyuŋ emenere enyin fo ke enyɔŋ? ke abaŋa Edisana Abasi Israel.

2 NDIDEM 19:22 ပူးပေါင်းရင်းမြစ်များ

2 NDIDEM 19:4

Ndusuk Jehovah Abasi fo eyekop kpukpru ikɔ Rabshakeh emi ete esie, edidem Assyria, ɔkɔdɔŋde ete edisuene Abasi uwem; eyenyuŋ asua ɔnɔ ikɔ emi Jehovah Abasi fo okokopde: menere ndien uyo fo kpe enye ubɔk nɔ nsuhɔ emi esuhɔde mi.

2 NDIDEM 19:6

Ndien Isaiah ɔbɔrɔ mmɔ, ete, Ntem ke mbufo edidɔhɔ ete mbufo, ete, Ntem ke Jehovah ɔdɔhɔ, ete, Kufehe ikɔ oro afo okokopde, emi ikɔt edidem Assyria ekedade etɔk mi.

ŊWED MME PSALM 71:22

Ami ŋko nyekɔm, fi, ye akpanikɔ fo, ke psaltery, O Abasi mi: nyeda harp ŋkwɔ nnɔ fi, O Edisana Abasi Israel,

ŊWED MME PSALM 73:9

Enim inua mmɔ ese enyɔŋ, edeme mmɔ onyuŋ asaŋa ke ererimbot.

ŊWED MME PSALM 78:41

Enyuŋ etɔŋɔ ntak edomo Abasi, enyuŋ esuene Edisana Abasi Israel.

EXODUS 5:2

Ndien Pharaoh ɔdɔhɔ ete, Jehovah edi anie, eke ŋkopde uyo esie, nnyuŋ nyak Israel eka?

EXODUS 9:17

Afo ke osuk emen idem fo ɔbiɔŋɔ ikɔt mi, unyuŋ usanake mmɔ uyak.

MME ŊKE 30:13

Emana odu: ekoŋ didie enyin mmɔ! Didie ke mmɔ etan enyin!

ISAIAH 10:13

Koro enye ɔdɔhɔde, ete: “Nnam emi ke odudu ubɔk mi, ye ke ifiɔk mi; koro mmenyene eti ibuot: ndien nsehere adaŋa mme idut, nnyuŋ mbume inyene emi mmɔ enimde, ndien, nte ɔkpɔsɔŋ owo, nsuhɔre mme andiduŋ:

ISAIAH 10:15

Nte ekuri ekeme ndibure mbure ŋkan andida enye ŋkpi? Nte uyɔk-ŋkpɔ ekeme ndimenere idem ŋkan andida enye nyɔk? Eto ikemeke ndimen andikama enye, esaŋ ikemeke ndimen se midige eto.

ISAIAH 30:15

Koro ntem ke Ɔbɔŋ Jehovah, Edisana Abasi Israel, ɔdɔhɔ, ete, Ke erikabare ye ke nduɔk-odudu ke mbufo edikeme ndibɔhɔ; ke eritie suŋ, ye ke mbuɔtidem, ke odudu mbufo edidu: edi mbufo ikonyimeke.

ISAIAH 5:24

Mmɔdo nte edemikaŋ atade etak nnyanyaŋa, ye nte edisak mbiet ɔduɔde, kpa ntre oruŋ mmɔ edibiet mbumbu eto, ikɔŋ mmɔ eyenyuŋ ɔdɔk nte obu: koro mmɔ emende ibet Jehovah mme udim eduɔk, enyuŋ esinde uyo Edisana Abasi Israel ke ndek.

JEREMIAH 51:5

Koro midige Abasi Israel ye Judah esin mmɔ etie nte ebe-akpa, minyuŋ idige Jehovah mme udim; koro isop emi mmɔ eduede ye Edisana Abasi Israel ɔyɔhɔde ke isɔŋ mmɔ.

DANIEL 8:11

Enye onyuŋ emenere idem esie tutu osim ɔbɔŋ udim oro, onyuŋ esin esio nsinsi uwa efep, onyuŋ esin ewuri ebiet edisana iduŋ esie.

2 ŊWED CORINTH 10:5

Nnyin iwuri ekikere esit owo, ye kpukpru edikoŋ ŋkpɔ eke emenerede idem ke enyɔŋ eŋwana ye ifiɔk Abasi; inyuŋ imum kpukpru ekikere nte mbuot-ekɔŋ, inam mmɔ esuk ibuot enɔ Christ;

2 ŊWED THESSALONICA 2:4

eyen nsobo, kpa enye emi ɔbiɔŋɔde Abasi, onyuŋ emenerede idem onim kenyɔŋ ɔbiɔŋɔ kpukpru se ekotde Abasi enyuŋ etuakde ibuot enɔ; tutu enye etie ke temple Abasi osio idem owut, ete idi Abasi.