2 NDIDEM 18:7 - Edisana ñwed Abasi Ibom

⁷ Ndien Jehovah odu ye enye; enye okut unen ke kpukpru ebiet emi enye ɔwɔrɔde: enye onyuŋ ɔsɔŋ ibuot ye edidem Assyria, inyuŋ inamke ŋkpɔ inɔ enye.

2 NDIDEM 18:7 ပူးပေါင်းရင်းမြစ်များ

GENESIS 21:22

Edikem ke ini oro ndien, Abimelech, ye Phicol etubom mbon ekɔŋ esie, edidɔhɔ Abraham, ete, Abasi odudu ye afo ke kpukpru se afo anamde.

2 SAMUEL 8:14

Enye onyuŋ onim mbon-ekɔŋ ke itie, ke itie, ke Edom; ke ofuri Edom ke enye onim mbon-ekɔŋ ke itie, ofuri Edom enyuŋ ekabare edi ifin David. Jehovah onyuŋ anyaŋa David ke kpukpru ebiet emi enye akade.

2 SAMUEL 8:6

David onyuŋ onim mbon-ekɔŋ ke itie, ke itie, ke Syria Damascus: nditɔ Syria enyuŋ ekabare edi ifin David, enyuŋ etomo utomo. Jehovah onyuŋ anyaŋa David ke kpukpru ebiet emi enye akade.

2 NDIDEM 16:7

Ekem Ahaz ɔdɔŋ mme isuŋ-utom etiene Tiglath-pileser edidem Assyria, ete, Ami ndi owo fo, ye eyen fo: dɔk di nyaŋa mi sio ke ubɔk edidem Syria, ye ke ubɔk edidem Israel, emi enamde ikɔ ye ami.

2 NDIDEM 17:3

Shamaneser edidem Assyria ɔdɔk aka ekɔŋ ye enye; ndien Hoshea akabare edi owo esie, onyuŋ otomo enye utomo.

2 NDIDEM 18:14

Ndien Hezekiah edidem Judah ɔdɔŋ ekedɔhɔ edidem Assyria ke Lachish, ete, Mma ndue; fiak edem kpɔŋ mi; nyebiom se afo edidoride mi. Ndien edidem Assyria odori Hezekiah edidem Judah talent silver ikie ita, ye talent gold edip ye duop.

2 NDIDEM 18:20

Afo ɔdɔhɔ (edi edi ikɔ ikpɔk-inua) ete, Mmenyene item ye odudu ekɔŋ. Afo ɔbuɔt idem fo ye anie, ndien, eke esinde fi ɔsɔŋɔ ibuot ye ami?

2 CHRONICLES 15:2

ndien enye ɔwɔrɔ okosobo ye Asa, onyuŋ ɔdɔhɔ enye, ete: Asa ye ofuri Judah ye Benjamin, mbufo ekop uyo mi, Jehovah ada ye mbufo ke ini mbufo ededa ye enye; ndien edieke mbufo ediyomde enye, mbufo eyekut enye; edi edieke mbufo edikpɔŋde enye, enye eyekpɔŋ mbufo.

2 CHRONICLES 31:21

Ye ke kpukpru se enye ɔtɔŋɔde ndinam ke utom ufɔk Abasi, ye ke mme ewuhɔ, ye ke mbet, ke eritiene Abasi esie, enye anam ke ofuri esit esie, onyuŋ okut unen.

2 CHRONICLES 32:30

Enye Hezekiah onyuŋ esiri enyɔŋ-enyɔŋ udiɔŋ mmɔŋ Gihon, onyuŋ anam enye eneŋere ewet ke idak-idak aka edem usop-utin obio David. Hezekiah onyuŋ okut unen ke kpukpru se enye anamde.

ŊWED MME PSALM 1:3

Ndien enye ebiet eto eke etɔde ke mben akpa mmɔŋ, eke osioŋode mfri esie ke ekem ini; ikɔŋ esie inyuŋ ikeŋeke; ndien kpukpru se enye anamde ɔwɔrɔ usuŋ.

ŊWED MME PSALM 46:11

Jehovah mme udim odu ye nnyin; Abasi Jacob edi ebiet-ubɔhɔ nnyin. [Selah.]

ŊWED MME PSALM 60:12

Nnyin iyeda Abasi inam uko: ndien enye eyedigi mme asua nnyin.

ISAIAH 33:6

Ndien Enye eyedi ifure eyo fo, odudu erinyaŋa, ye ɔniɔŋ, ye ifiɔk: uteŋe Jehovah eyedi inyene esie.

ISAIAH 36:5

Mmɔdɔhɔ nte, Item ye odudu ekɔŋ (fo) edi ikɔ mkpɔk-inua ikpɔŋ-ikpɔŋ. Anie ndien ke afo eberi edem fo ke esit eke esinde fi ɔsɔŋ ibuot ye ami?

MATTHEW 1:23

Sese, eyenɔwɔŋ aŋwan eyeyomo, onyuŋ aman eyeneren; Enyeyuŋ esio enye enyiŋ Immanuel, oro ɔwɔrɔ ete, Abasi ke ododu ye nnyin.

MATTHEW 28:20

enyuŋ ekpep mmɔ enam kpukpru ŋkpɔ eke ŋketemede mbufo: ndien sese, Ami ndodu ye mbufo kpukpru ini, tutu osim utit ererimbot. Amen.

ŊWED MBON ROME 8:31

Nso ke ididɔhɔ ndien ibaŋa ŋkpɔ emi? Edieke Abasi adade ye nnyin, anie edikeme ndibiɔŋɔ nnyin?

JUDGES 1:19

Ndien Jehovah odu ye Judah; ndien enye ada edem obot enyene; koro enye mikwe nte osioŋode mme andiduŋ itihere efep, koro mmɔ enyenede chariot ukwak.

1 SAMUEL 18:14

David onyuŋ okut unen ke kpukpru usuŋ esie; Jehovah onyuŋ odu ye enye.

1 SAMUEL 18:5

Ndien David ɔwɔrɔ aka kpukpru utom eke Saul ɔdɔŋde enye, ɔdiɔŋ anam ŋkpɔ; ndien Saul onim enye ke etubom mbom-ekɔŋ: ndien kpukpru owo ye ikɔt Saul ema enye.