2 NDIDEM 18:6 - Edisana ñwed Abasi Ibom

⁶ Ndien enye eyire ye Jehovah, inyuŋ itreke nditiene enye, edi onim mbet esie oro Jehovah eketemede Moses.

2 NDIDEM 18:6 ပူးပေါင်းရင်းမြစ်များ

2 NDIDEM 17:13

Edi Jehovah ada inua kpukpru prophet, ye eke kpukpru mbon ŋkukut, asua ɔnɔ Israel ye Judah, ete, Mbufo ekabare ekpɔŋ mme idiɔk usuŋ mbufo, enyuŋ enim ibet mi, ye item mi, ekem ke kpukpru mme ewuhɔ emi ŋkowukde mme ete mbufo, emi ŋkonyuŋ ntobode mbufo ke ubɔk ikɔt mi mme prophet.

2 NDIDEM 17:16

Edi mmɔ ekpɔŋ kpukpru ibet Jehovah Abasi mmɔ, enyuŋ enam editara mbiet ke idem mmɔ, kpa nditɔ-enaŋ iba, enyuŋ enam eto-mkpe, enyuŋ ebɔŋ akam enɔ ofuri udim enyɔŋ, enyuŋ enam ŋkpɔ Baal.

2 NDIDEM 17:19

Judah ŋko inyuŋ inimke mbet Jehovah Abasi mmɔ, edi asaŋa ke ido Israel emi mmɔ enamde.

2 NDIDEM 20:3

O Jehovah mbɔk, ti nte nsaŋade ke iso fo ke akpanikɔ, ye ke ofuri esit, mma nnyuŋ nnam se ifɔnde ke iso fo. Hezekiah onyuŋ atua eyet eti-eti.

ISAIAH 38:3

Ndien enye ɔdɔhɔ ete, Mbɔk, mbɔk, Jehovah, mbɔk, ti nte nsaŋade ke iso fo ke akpanikɔ ye ke ofuri esit, nyuŋ nam se ifɔnde fi ke enyin; ndien Hezekiah atua eyet eti-eti.

JEREMIAH 11:4

Kpa se ŋkowukde mme ete mbufo ke usen oro ŋkosiode mmɔ ke isɔŋ Egypt, ke akwa ikaŋ ukwak, nte, Mbufo ekop uyo mi, enyuŋ enam mmɔ, kpa nte asaŋade ye kpukpru se ŋkowukde mbufo: ndien mbufo eyedi ikɔt mi, ndien ami nyedi Abasi mbufo:

JOHN 14:15

Mbufo ema ema Mi, eyenim mbet Mi.

JOHN 14:21

Owo eke enyenede mbet Mi, onyuŋ onimde mmɔ, enye edi owo eke amade Mi: ndien owo eke amade Mi, Ete Mi eyema enye, Ami nyenyuŋ mma enye, nnyuŋ nyarare Idem Min ɔ enye.

JOHN 15:10

Edieke mbufo enimde mbet Mi, mbufo eyeduŋ ke ima Mi; kpa nte ami ŋkonimde mbet Ete Mi, nnyuŋ nduŋde ke ima Esie.

JOHN 15:14

Mbufo edi mme ufan Mi edieke mbufo enamde ŋkpɔ eke ntemede mbufo.

UTOM MME APOSTLE 11:23

ndien ke adaŋemi enye akade onyuŋ okutde mfɔn Abasi, enye adat esit; onyuŋ ekpe ye mmɔ kpukpru ete mmɔ eda iwukesit ediana ye Ɔbɔŋ:

DEUTERONOMY 10:12

Nso ŋkpɔ ndien, O Israel, ke Jehovah Abasi fo oyom ye afo, ke mibɔhɔke eribak Jehovah Abasi fo, nnyuŋ nsaŋa ke kpukpru usuŋ esie, nnyuŋ mma enye, nnyuŋ nnam ŋkpɔ Jehovah Abasi fo, ke ofuri esit fo, ye ke ofuri ukpɔŋ fo,

DEUTERONOMY 10:20

Bak Jehovah Abasi fo; nam ŋkpɔ esie, nyuŋ yire ye enye, nyuŋ tomo enyiŋ esie.

JOSHUA 23:8

ekunyuŋ enuhɔ enɔ mmɔ: edi mbufo eyire ye Jehovah Abasi mbufo, kpa nte ŋkanamde tutu osim mfin emi;

1 JOHN 5:3

Koro ndima Abasi edi emi, ete, nnyin inim mbet Esie; ndien mbet Esie ibiakke owo idem.