2 NDIDEM 18:4 - Edisana ñwed Abasi Ibom

⁴ Enye abiat mme edikoŋ ebiet efep, onyuŋ obom mme adaha, onyuŋ asiak mme eto-mkpe, onyuŋ ada urukikɔt okpoho oro Moses akanamde, anuak mbai-mbai, koro nditɔ Israel ekam efɔpde incense enɔ enye tutu osim usen oro: ndien enye okot enye, ete Nehustan (okpoho).

2 NDIDEM 18:4 ပူးပေါင်းရင်းမြစ်များ

1 NDIDEM 22:43

Enye onyuŋ asaŋa ke kpukpru usuŋ Asa ete esie; ikabakede ikpɔŋ enye, edi anam se inende ke iso Jehovah: edi isioho mme edikoŋ ebiet ifep; mbio-obio esuk ewa uwa, enyuŋ efɔp incense ke mme edikoŋ ebiet.

2 NDIDEM 10:26

Ndien mmɔ eduk ke ɔkpɔsɔŋ ebiet ufɔk Baal; ekesioŋo mbio-eto ufɔk Baal, efɔp;

2 NDIDEM 11:18

Ekem kpukpru mbio-obio eka ke ufɔk Baal, ekewuri enye; mmɔ etim ebom mme itie-uwa esie ye mbiet esie, enyuŋ ewot Mattan oku Baal ke iso mme itie-uwa esie.

2 NDIDEM 12:3

Edi mmɔ ibiatke mme edikoŋ ebiet ifep: edi mbio-obio esuk ewa uwa, enyuŋ efɔp incense ke ŋkokoŋo ebiet.

2 NDIDEM 14:4

Edi ibiatke mme edikoŋ ebiet ifep: mbio-obio esuk ewa uwa enyuŋ efɔp incense ke mme edikoŋ ebiet oro.

2 NDIDEM 15:35

Edi enye imenke mme edikoŋ ebiet ifep: mbio-obio esuk ewa uwa enyuŋ efɔp incense ke mme edikoŋ ebiet.

2 NDIDEM 15:4

edi mmɔ imenke mme ŋkokoŋo ebiet ifep: mbio-obio esuk ewa uwa enyuŋ efɔp incense ke mme ŋkokoŋo ebiet.

2 NDIDEM 16:15

Edikem Ahaz onyuŋ eteme oku Urijah, ete, Fɔp edifɔp uwa usenbɔk ke akwa itie-uwa, ye inuak-udia mbubreyo, ye edifɔp uwa edidem, ye inuak-udia esie, ye edifɔp uwa kpukpru mbio-obio, ye inuak-udia mmɔ, ye ediŋwɔŋ uwa mmɔ; nyuŋ da ofuri iyip edifɔp uwa, ye ofuri iyip uwa efen sime ke esit: ndien itie-uwa okpoho eyedi se ami ndikerede mbaŋa.

2 NDIDEM 18:22

Ndien emi mbufo edidɔhɔde mi, ete, Nnyin ke ibuot idem nnyin ye Jehovah Abasi nnyin, nte idige enye ke Hezekiah okosio mme edikoŋ ebiet esie ye mme itie-uwa esie efep, okonyuŋ ɔdɔhɔ Judah ye Jerusalem, ete, Mbufo ebɔŋ akam ke iso itie-uwa emi ke Jerusalem.

2 NDIDEM 21:3

Koro enye ɔtɔŋɔde ntak ɔbɔp mme edikoŋ ebiet oro Hezekiah ete esie okowuride; onyuŋ anam itie-uwa ɔnɔ Baal, onyuŋ anam edisɔi ŋkpɔ Asherah, kpa nte Ahab edidem Israel akanamde; onyuŋ atuak ibuot ɔnɔ ofuri udim-enyɔŋ, onyuŋ anam ŋkpɔ mmɔ.

2 NDIDEM 23:14

Enye onyuŋ obom mme adaha, onyuŋ asiak mme eto-mkpe, onyuŋ esin ɔkpɔ owo ke itie mmɔ ɔyɔhɔ.

2 NDIDEM 23:4

Ndien edidem owuk Hilkiah akwa oku, ye mme oku udiana-akpa udim, ye mme andikpeme enyin-usuŋ, ete esio kpukpru mkpoduoho oro ekenamde enɔ Baal, ye Asherah, ye ofuri udim enyɔŋ, ke ufɔk Jehovah efep: ndien enye ɔfɔp mmɔ ke edem Jerusalem ke iŋwaŋ Kidron, ndien ada ntɔŋ mmɔ aka ke Beth-el

2 CHRONICLES 19:3

Edi emekut nti ŋkpɔ ke idem fo, ke oro afo okosioŋode mme eto-mkpe ke isɔŋ efep, onyuŋ owukde esit fo oyom Abasi.

2 CHRONICLES 31:1

EKEM adaŋemi mmɔ ema ekema kpukpru ŋkpɔ emi, ofuri Israel eke edude do, ewɔŋɔ eka ke mme obio Judah, ekenuak mme adaha, enyuŋ esiak mme eto-mkpe, enyuŋ ewuri mme edikoŋ ebiet, ye mme itie-uwa, efep ke ofuri Judah, ye Benjamin, ye Ephraim, ye Manasseh, tutu ekure ema. Ndien kpukpru nditɔ Israel efiak kiet kiet ke ebiet esie, ke mme obio mmɔ.

2 CHRONICLES 33:3

Ndien enye ɔtɔŋɔ ntak ɔbɔp mme edikoŋ ebiet oro Hezekiah ete esie okowuride, onyuŋ ɔdiɔŋ itie-uwa ɔnɔ Baalim, onyuŋ anam mbiet Asheroth, onyuŋ atuak ibuot ɔnɔ ofuri udim enyɔŋ, onyuŋ anam ŋkpɔ mmɔ.

ŊWED MME PSALM 78:58

Enyuŋ eyat enye esit ke edikoŋ ebiet mmɔ, enyuŋ esin enye ofibe ufup ke edisɔi mbiet mmɔ.

EXODUS 23:24

nyenyuŋ nsobo mmɔ. Kunuhɔ unɔ abasi mmɔ, kunyuŋ unam ŋkpɔ mmɔ, kunyuŋ unam nte mmɔ enamde; edi tim sobo mmɔ fap-fap, nyuŋ bom mme adaha-itiat mmɔ mbak-mbak.

EXODUS 34:13

Edi mbufo ewuri mme itie uwa mmɔ, ebom mme adaha mmɔ, enyuŋ esiak mme eto-mkpe mmɔ:

ISAIAH 36:7

Edi edieke afo ɔdɔhɔde mi, ete, Ke edi Jehovah Abasi nnyin ke nnyin ibere idem ke esit: nte idige Enye ke Hezekiah okosio edikoŋ ebiet esie, ye mme itie-uwa esie efep, onyuŋ ɔdɔhɔ Judah ye Jerusalem, ete,

LEVITICUS 26:30

Nyenyuŋ nsobo mme edikoŋ ebiet mbufo, nnyuŋ nsobo mbiet-utin mbufo mfep, nnyuŋ mmen mbukpit mbufo nduɔŋɔ ke mbukpit owo eto mbufo, mbufo eyenyuŋ etek mi esit.

DEUTERONOMY 5:5

(Ami ŋkada ke ufɔt Jehovah ye mbufo ke ini oro, man ntiŋ ikɔ Jehovah nnɔ mbufo: koro ndik ikaŋ oro akanamde mbufo, mufo ikonyuŋ idɔkke obot) ete,

DEUTERONOMY 7:5

Edi mbufo enam ntem ye mmɔ; ewuri mme itie-uwa mmɔ, enyuŋ ebom mme adaha mmɔ, enyuŋ esiak eto-mkpe mmɔ, enyuŋ efɔp edisɔi mbiet mmɔ ke ikaŋ.

JUDGES 6:25

Edikem ke okoneyo oro, Jehovah ɔdɔhɔ enye, ete, Da ayara enaŋ emi enyenede usɔ, kpa udiana-akpa enaŋ isua itiaba, ndien wuri itie-uwa Baal emi enyenede usɔ, nyuŋ siak eto mkpe emi ɔwuhɔde enye ke ŋkaŋ:

JUDGES 6:28

Ndien adaŋemi mbio-obio edemerede ke usenbɔk, sese, itie uwa Baal omowure, ema enyuŋ esiak eto-mkpe emi odude enye ke ŋkaŋ, udiana-akpa enaŋ onyuŋ ɔfɔbɔ ke enyɔŋ itie-uwa oro ekenamde.