2 NDIDEM 18:32 - Edisana ñwed Abasi Ibom

³² tutu ami ndi ndida mbufo nnyɔŋ ke isɔŋ emi ebietde isɔŋ mbufo, kpa isɔŋ ibokpot, ye eke wine, isɔŋ uyo ye eke iŋwaŋ-vine, isɔŋ aran-olive ye eke aran-ɔkwɔk, man mbufo edu uwem, ekukpaŋa: mbufo ekukop, ndien, uyo Hezekiah, ke ini enye atapde mbufo, ete, Jehovah eyenyaŋa nnyin.

2 NDIDEM 18:32 ပူးပေါင်းရင်းမြစ်များ

GENESIS 49:11

enye. Ke eyiri ass esie ke vine, ye eyen ass esie ke eti vine; ke eyet edisine-ŋkpɔ esie ke wine, ye ɔfɔŋ-idem esie ke iyip etuek vine.

2 NDIDEM 17:23

tutu Jehovah osio Israel ke iso esie efep, kpa nte enye ɔkɔdɔhɔde ke inua kpukpru ikɔt esie mme prophet. Ntem ke enye ataŋ Israel efep ke isɔŋ mmɔ ɔnyɔŋ ke Assyria, tutu osim mfin emi.

2 NDIDEM 17:6

Ke ɔyɔhɔ isua Hoshea usukkiet, edidem Assyria ada Samaria, onyuŋ ataŋ Israel ɔnyɔŋ ke Assyria, okonim mmɔ ke Halah, ye ke Habor, ke mben akpa Gozan, ye ke mme obio nditɔ Media.

2 NDIDEM 18:11

Ndien edidem Assyria ataŋ Israel ɔnyɔŋ ke Assyria, okonim mmɔ ke Halah, ye ke Habor, ke mben akpa Gozan; ye ke mme obio Media:

2 NDIDEM 19:10

Ntem ke mbufo edidɔhɔ Hezekiah, edidem Judah, ete, Kuyak Abasi fo emi afo ɔbuɔtde idemfo ye enye, abiaŋa fi, ete, Ididaha Jerusalem isin edidem Assyria ke ubɔk.

2 NDIDEM 25:11

Nebuzaradan etubom mbon-ukpeme edidem onyuŋ ataŋ mmɔ eken emi esuhɔde ke obio, ye mbon-itɔk emi ediande idem ye edidem Babylon, ye mbio-obio emi esuhɔde, ɔnyɔŋ.

ŊWED MME PSALM 3:3

Ndien afo, Jehovah, edi otuekɔŋ eke akande mi okuk; ubɔŋ mi, ye andimenere ibuot mi ke enyɔŋ.

ŊWED MME PSALM 42:4

Nyeti ŋkpɔ emi, nnyuŋ ŋŋwaŋa ukpɔŋ mi ke idem mi, ke ini ndisaŋade ke akwa otu owo, ntiene mmɔ ŋka ke ufɔk Abasi, ke mkpo idara ye ekɔm, ke otu akwa udim eke enimde ederi.

EXODUS 3:8

mmonyuŋ nsuhɔre ndisio mmɔ nditɔ Egypt ke ubɔk, ndinyuŋ nda mmɔ ŋwɔrɔ ke isɔŋ oro, ndɔk ŋka isɔŋ emi ɔfɔnde, onyuŋ aŋwaŋade, ke isɔŋ emi ɔfiɔrɔde mmɔŋ-eba ye aran-ɔkwɔk; ke ɔtɔ mme Canaanite, ye mme Hittite, ye mme Amorite, ye mme Perizzite, ye mme Hivite, ye mme Jebusite.

ISAIAH 36:17

tutu ami ndi ndida mbufo ŋka isɔŋ eke ebietde isɔŋ mbufo, isɔŋ ibokpot ye wine, isɔŋ udia ye eke iŋwaŋ vine.

NUMBERS 14:8

Edieke nnyin inemde Jehovah esit, enye eyeda nnyin oduk ke isɔŋ oro, onyuŋ ada enye ɔnɔ nnyin; isɔŋ emi ɔfiɔrɔde mmɔŋ-eba ye aran-ɔkwɔk.

DEUTERONOMY 11:12

isɔŋ emi Jehovah Abasi fo akamade: Jehovah Abasi fo onyuŋ etiŋ enyin ke esit kpukpru ini, ɔtɔŋɔde ke eritɔŋɔ isua, tutu osim utit isua.