2 NDIDEM 18:24 - Edisana ñwed Abasi Ibom

²⁴ Afo edinam didie ndien akabare iso adidaha kiet ke otu ŋkpri ikɔt ete mi, onyuŋ ɔbuɔt idem fo ye Egypt ke ikɔ chariot ye mbon horse?

2 NDIDEM 18:24 ပူးပေါင်းရင်းမြစ်များ

GENESIS 50:9

Chariot ye horse enyuŋ esaŋa ye enye edɔk: udim oro onyuŋ

1 NDIDEM 20:10

Ndien Ben-hadad ɔdɔŋ ekedɔhɔ enye, ete, Yak mme abasi enam mi ntem, yak enyuŋ enam eka iso, ke ntɔŋ Samaria ama ekem nte kpukpru mmɔ emi esaŋade ye ami ewobide ke eka-ubɔk.

2 NDIDEM 18:21

Sese, afo ke ɔbuɔt idemfo ke esaŋ nnyanyaŋa emi anuahade, kpa Egypt, emi owo ekpeberi idemesie ke esit, eyeduk enye ke ubɔk okim: ntem ke Pharaoh edidem Egypt etie kpukpru mmɔ eke ebuɔtde idem mmɔ ye enye.

2 NDIDEM 18:23

Di, ndien, di ŋwana ye ɔbɔŋ mi, edidem Assyria, ndien nyenɔ fi tɔsin horse iba, edieke afo ekemede ndidori owo ke esit ke idem fo.

2 NDIDEM 18:25

Nte ndɔk ndi ŋko ke ebiet emi ndisobo enye, ke mitoho Jehovah? Jehovah ɔkɔdɔhɔ mi, ete, Dɔk ka isɔŋ emi, nyuŋ sobo enye.

ISAIAH 10:8

Koro enye eyedɔhɔ, ete, Nte ikpɔ owo emi idige ndidem ŋko-ŋko?

ISAIAH 30:1

JEHOVAH ɔdɔhɔ ete, Ifɔnke fɔn inɔ nditɔ nsɔŋ-ibuot, emi enamde uduak, edi itoho mi: enyuŋ ediomide ediomo, edi itoho spirit mi, man ekɔt idiɔk ido ke idiɔk ido.

ISAIAH 31:1

IFƆNKE fɔn inɔ mmɔ eke esuhɔrede ke Egypt eyom owo eke aŋwamde mmɔ; enyuŋ eberede idem ke horse, enyuŋ ebuɔtde idem mmɔ ke chariot, koro ewakde; ye ke mbio horse, koro mmɔ esɔŋɔde eti-eti; edi mmɔ isehe Edisana Abasi Israel, inyuŋ iyomke Jehovah!

ISAIAH 31:3

Edi Egypt edi owo, idige Abasi; ndien mme horse mmɔ edi obukidem, idige spirit. Ndien Jehovah eyemenere ubɔk esiemɔ, ndien owo eke aŋwamde eyetuak ukot, ndien owo eke enye aŋwamde eyenyuŋ ɔduɔ, ndien eyesobo kpukpru mmɔ ɔtɔ kiet.

ISAIAH 36:6

Sese, afo ke eberi edem ke mbuŋɔ esaŋ nnyanyaŋa-isantim emi, kpa Egypt; emi owo ama ebere ke esit, eyeduk enye ke ubɔk, onyuŋ okim enye: ntem ke Pharaoh edidem Egypt etie ye kpukpru mmɔ eke eberede idem ye enye.

ISAIAH 36:9

Afo edinam didie, ndien, ekeme ndisin etubom kiet ke otu ŋkpri ikɔt ete mi akabare iso? Afo ebere idem fo ndien ye Egypt ke ikɔ chariot ye horse!

JEREMIAH 37:7

Ntem ke Jehovah Abasi Israel ɔdɔhɔ, ete, Mbufo edɔhɔ ntem ye edidem Judah emi ɔdɔŋde mbufo utom ke ɔtɔ mi ndibup mi ŋkpɔ, ete, Sese, mbon-ekɔŋ Pharaoh emi eketode edi ndiŋwam mbufo, eyenyɔŋ ke Egypt isɔŋ mmɔ.

EZEKIEL 17:15

Ndien enye ɔsɔŋ ibuot ye enye, onyuŋ ɔdɔŋ mme isuŋ esie utom ke Egypt, ete enɔ imɔ horse ye ediwak owo. Nte enye eyekut unen? Nte owo eke anamde ŋkpɔ emi eyebɔhɔ? Nte owo eyebiat ediomi, ndien ɔbɔhɔ?

EZEKIEL 17:17

Ndien Pharaoh ŋko ididaha akwa udim ye ediwak otu owo inam ŋkpɔ inɔ enye ke ekɔŋ, ke erikubi ibombom ye ke erikɔŋ akwa ufɔk ekɔŋ, man esibe ediwak ukpɔŋ efep:

EZEKIEL 29:6

Ndien kpukpru mme andiduŋ Egypt eyefiɔk ete ke ami ndi Jehovah, koro mmɔ edide esaŋ nnyanyaŋa ufɔk Israel.

DANIEL 4:22

O edidem, edi enye emi oforode onyuŋ ɔsɔŋɔde, uforo fo onyuŋ ɔdɔdiɔŋ aka iso tutu osim ikpaenyɔŋ, ubɔŋ fo onyuŋ osim utit ererimbot.

DANIEL 4:37

Ke emi ami Nebuchadnezzar ŋkɔm nnyuŋ ntoro nnyuŋ ŋkpono Edidem enyɔŋ, emi kpukpru se enye anamde edide akpanikɔ; mme usuŋ esie enyuŋ edi ikpe: ndien enye emekeme ndisuhɔre mmɔ eke esaŋade ke iseri.

DEUTERONOMY 17:16

Edi yak enye okukɔ ediwak horse ke idem esie, okunyuŋ anam mbon emi afiak eka ke Egypt, man ekɔ ediwak horse: koro Jehovah ɔkɔdɔhɔde mbufo, ete, Mbufo ekufiak aba usuŋ oro.