2 NDIDEM 18:19 - Edisana ñwed Abasi Ibom

¹⁹ Ndien Rabshakeh ɔdɔhɔ mmɔ, ete, Mbufo edɔhɔ ndien Hezekiah, ete, Ntem ke akwa edidem, kpa edidem Assyria ɔdɔhɔ, ete, Ewe mbuɔtidem edi emi afo ɔbuɔtde?

2 NDIDEM 18:19 ပူးပေါင်းရင်းမြစ်များ

2 NDIDEM 18:17

Ekem, edidem Assyria etie ke Lachish ɔdɔŋ Tartan, ye Rabsaris, ye Rab-shakeh, ete eda akwa udim-ekɔŋ eka ke ɔtɔ edidem Hezekiah ke Jerusalem. Ndien mmɔ edɔk eka ke Jerusalem. Ekem adaŋemi mmɔ edɔkde esim do, mmɔ eda ke mben udiɔŋ mmɔŋ enyɔŋ-enyɔŋ mkpɔdiɔhɔ-mmɔŋ emi odude ke ɔkpɔ-usuŋ iŋwaŋ ɔdiɔŋ-ɔfɔŋ.

2 NDIDEM 18:22

Ndien emi mbufo edidɔhɔde mi, ete, Nnyin ke ibuot idem nnyin ye Jehovah Abasi nnyin, nte idige enye ke Hezekiah okosio mme edikoŋ ebiet esie ye mme itie-uwa esie efep, okonyuŋ ɔdɔhɔ Judah ye Jerusalem, ete, Mbufo ebɔŋ akam ke iso itie-uwa emi ke Jerusalem.

2 NDIDEM 18:5

Enye ɔbuɔt idemesie ye Jehovah Abasi Israel; baba owo kiet inyuŋ ibietke enye ke otu kpukpru ndidem Judah oro etienede enye ke edem, ye ke otu mmɔ oro ekebemde enye iso.

2 NDIDEM 19:10

Ntem ke mbufo edidɔhɔ Hezekiah, edidem Judah, ete, Kuyak Abasi fo emi afo ɔbuɔtde idemfo ye enye, abiaŋa fi, ete, Ididaha Jerusalem isin edidem Assyria ke ubɔk.

ŊWED MME PSALM 4:2

Nditɔ owo, adaŋa didie ke ubɔŋ mi editie nte ŋkpɔ but? Adaŋa didie ke mbufo edima ikpikpu ŋkpɔ, enyuŋ ebine nsu? [Selah.]

ISAIAH 36:4

Ndien Rabshakeh eneme ye mmɔ, ete, Mbufo edɔhɔ ndien Hezekiah, ete, Ntem ke akwa edidem, kpa edidem Assyria ɔdɔhɔ ete, Nsidi iberedem emi afo ɔbuɔtde idem fo ke esit ntem?

ISAIAH 36:6

Sese, afo ke eberi edem ke mbuŋɔ esaŋ nnyanyaŋa-isantim emi, kpa Egypt; emi owo ama ebere ke esit, eyeduk enye ke ubɔk, onyuŋ okim enye: ntem ke Pharaoh edidem Egypt etie ye kpukpru mmɔ eke eberede idem ye enye.

ISAIAH 36:7

Edi edieke afo ɔdɔhɔde mi, ete, Ke edi Jehovah Abasi nnyin ke nnyin ibere idem ke esit: nte idige Enye ke Hezekiah okosio edikoŋ ebiet esie, ye mme itie-uwa esie efep, onyuŋ ɔdɔhɔ Judah ye Jerusalem, ete,

ISAIAH 37:10

Ntem ke mbufo edidɔhɔ Hezekiah edidem Judah, ete, Kuyak Abasi fo emi afo eberede idem ke esit, abiaŋa fi, ete Ididaha Jerusalem isin ke ubɔk edidem Assyria.

ISAIAH 37:13

Enye edidem Hamath, ye edidem Ar-pad, ye edidem obio Sepharvaim, ye Hena, ye eke Ivvah?

DANIEL 4:30

Edikem ɔbɔrɔ onyuŋ ɔdɔhɔ, ete, Nte idige emi edi akamba Babylon emi ndade akwa odudu mi mbɔp nnim ke ufɔk ubɔŋ mi, ye ke eke uyai ubɔŋ mi?