2 NDIDEM 18:14 - Edisana ñwed Abasi Ibom

¹⁴ Ndien Hezekiah edidem Judah ɔdɔŋ ekedɔhɔ edidem Assyria ke Lachish, ete, Mma ndue; fiak edem kpɔŋ mi; nyebiom se afo edidoride mi. Ndien edidem Assyria odori Hezekiah edidem Judah talent silver ikie ita, ye talent gold edip ye duop.

2 NDIDEM 18:14 ပူးပေါင်းရင်းမြစ်များ

1 NDIDEM 20:4

Ndien edidem Israel ɔbɔrɔ ete, Ekem ke uyo fo, ɔbɔŋ mi edidem, ami ye kpukpru okim inyene fi.

2 NDIDEM 10:5

Ndien etubom ufɔk, ye etubom obio, ye mbiowo, ye mme andibɔk, edɔŋ ekedɔhɔ Jehu, ete, Nnyin idi ikɔt fo, iyenyuŋ inam kpukpru se afo edidɔhɔde nnyin; nnyin idinimke baba owo kiet ke edidem: nam se ifɔnde fi ke enyin.

2 NDIDEM 14:19

Ekem mmɔ eduk odu ebaŋa enye ke Jerusalem: ndien enye efehe aka Lachish; edi mmɔ edɔŋ ebine enye ke Lachish, enyuŋ ewot enye do.

2 NDIDEM 15:20

Ndien Menaham anam Israel, kpa mbon inyene, etomo silver oro, man ada ɔnɔ edidem Assyria, owo kiet kiet ɔnɔ shekel silver aba ye duop. Ntre ke edidem Assyria afiak, inyuŋ ibigike do ke isɔŋ.

2 NDIDEM 18:7

Ndien Jehovah odu ye enye; enye okut unen ke kpukpru ebiet emi enye ɔwɔrɔde: enye onyuŋ ɔsɔŋ ibuot ye edidem Assyria, inyuŋ inamke ŋkpɔ inɔ enye.

2 NDIDEM 19:8

Ekem Rabshakeh afiak okosim edidem Assyria nte enye aŋwanade ekɔŋ ye Libnah: koro enye okokopde ete ke enye ama adaha ke Lachish.

MME ŊKE 29:25

Uteŋe owo ɔkɔk afia onim: edi eda owo eke ɔbuɔtde idem esie ye Jehovah emenere enye enim ke enyɔŋ.

JEREMIAH 34:7

ndien mbon-ekɔŋ edidem Babylon eŋwana ekɔŋ ye Jerusalem, ye kpukpru mme obio Judah eke esuhɔde, kpa ye Lachish ye Azekah; koro mmɔ oro esuhɔde ke otu mme obio Judah eke edide obio ibibene.

LUKE 14:32

Ndien edieke enye mikemeke, ke ini enye eken osuk odude kaŋa anyan ebiet, enye ɔdɔŋ mme isuŋutom, ete ebup se idinamde man emem odu.