2 NDIDEM 17:6 - Edisana ñwed Abasi Ibom

⁶ Ke ɔyɔhɔ isua Hoshea usukkiet, edidem Assyria ada Samaria, onyuŋ ataŋ Israel ɔnyɔŋ ke Assyria, okonim mmɔ ke Halah, ye ke Habor, ke mben akpa Gozan, ye ke mme obio nditɔ Media.

2 NDIDEM 17:6 ပူးပေါင်းရင်းမြစ်များ

GENESIS 10:2

Nditɔ-iren Japhet: Gomer, ye Magog, ye Madai, ye Javan, ye Tubal, ye Meshech, ye Tiras.

1 NDIDEM 8:46

Adaŋemi mmɔ ediduede fi, (koro owo baba kiet eke miduehe fi miduhe), ndien afo ama ayat esit ye mmɔ, onyuŋ ayak mmɔ ɔnɔ mme asua mmɔ, ndien mmɔ eke emumde mmɔ etaŋ mmɔ efep, enyɔŋ ke isɔŋ mme asua mmɔ, edide anyan usuŋ, onyuŋ edide mkpet-mkpet;

2 NDIDEM 15:29

Ke eyo Pekah edidem Israel, Tiglath-pileser edidem Assyria edi edida Ijon, ye Abel-beth-maacah, ye Janoah, ye Kedesh, ye Hazor, ye Gilead, ye Galilee, kpa ofuri isɔŋ Naphtali; onyuŋ ataŋ mmɔ ɔnyɔŋ ke Assyria.

2 NDIDEM 17:23

tutu Jehovah osio Israel ke iso esie efep, kpa nte enye ɔkɔdɔhɔde ke inua kpukpru ikɔt esie mme prophet. Ntem ke enye ataŋ Israel efep ke isɔŋ mmɔ ɔnyɔŋ ke Assyria, tutu osim mfin emi.

2 NDIDEM 18:34

Enye mme abasi Hamath, ye eke Arpad? Enye mme abasi Sepharvaim, ye eke Hena, ye eke Ivvah? Nte mmɔ ema enyaŋa Samaria esio mi ke ubɔk?

2 NDIDEM 19:12

Nte mme abasi mme idut oro mme ete mi ekebiatde, ekenyaŋa mmɔ, kpa Gozan, ye Haran, ye Rezeph, ye nditɔ Eden emi edude ke Telassar?

2 NDIDEM 21:13

Nyenyuŋ nda uruk Samaria, ye plummet ufɔk Ahab nnyanare ke Jerusalem: nyenyuŋ ŋkwɔhɔre Jerusalem, nte owo ɔkwɔhɔre usan, ke ɔkwɔhɔre, onyuŋ akabare okubi.

1 CHRONICLES 5:22

Koro ediwak owo ekedade unan eduɔŋɔ: koro ekɔŋ oro otode Abasi. Ndien mmɔ eduŋ ke itie mmɔ tutu osim ini ntaŋ-mfep.

1 CHRONICLES 5:26

Ekem Abasi Israel edemere esit Pul edidem Assyria, ye spirit Tilgath-pilneser edidem Assyria, ndien enye ataŋ mmɔ efep, kpa mme Reubenite, ye mme Gadite, ye ibio esien Manasseh, onyuŋ ada mmɔ aka ke Halah, ye ke Habor, ye ke Hara, ye ke mben akpa Gozan, tutu osim mfin emi.

EZRA 6:2

Ekem mmɔ ekut ikpa kiet ke Achmetha, ke ufɔk ubɔŋ emi odude ke province Media, emi ewetde ŋwed ke esit ntem:

NEHEMIAH 9:32

Mbɔk, ndien, O Abasi nnyin, akwa, ye ɔkpɔsɔŋ Abasi emi enyenede ndik, onyuŋ onimde ediomi ye ima, kuse ofuri ukut emi nnyin, ye ndidem nnyin, ye mbɔŋ nnyin, ye mme oku nnyin, ye mme prophet nnyin, ye mme ete nnyin, ye ofuri ikɔt fo ekekutde, toto ke eyo edidem Assyria, tutu osim mfin emi, ke ekpri ŋkpɔ.

ISAIAH 10:9

Nte Calno ibietke Carchemish? Nte Hamath ibietke Arpad? Nte Samaria ibietke Damascus?

ISAIAH 13:17

Sese, mmɔŋ ndemere mme Mede nnɔ mmɔ, ndien mmɔ idikereke silver; gold idinyuŋ inemke mmɔ esit.

ISAIAH 17:4

Ndien ama ekem ke usen oro, ubɔŋ Jacob eyekabare ekpri, mfɔn-idem esie eyenyuŋ akabare edi ndiɔk-idem.

ISAIAH 21:2

Ke ewut mi ɔkpɔsɔŋ ŋkukut; andibume ke obume, andibiat ke abiat. Elam, dɔk: Media, kankuk. Mmanam ofuri eseme esie odop.

ISAIAH 36:17

tutu ami ndi ndida mbufo ŋka isɔŋ eke ebietde isɔŋ mbufo, isɔŋ ibokpot ye wine, isɔŋ udia ye eke iŋwaŋ vine.

ISAIAH 36:19

Enye mme abasi Hamath ye eke Arpad? Enye mme abasi Sepharvaim? Ndien ini ewe ke mmɔ ekesio Samaria ke ubɔk mi?

ISAIAH 37:18

Ke akpanikɔ, O Jehovah, ndidem Assyria ema esuan kpukpru mme obio ye isɔŋ mmɔ;

ISAIAH 8:4

Koro ke eyenɔwɔŋ emi mika-ifiɔkke nte okotde, ete, Ete mi, ye eka mi! mmɔ eyemen inyene Damascus, ye mbume Samaria, ebiom ke iso edidem Assyria.

JEREMIAH 50:17

Israel edi erɔŋ eke esuanade: mme lion emebin enye efep: edidem Assyria ama ebem iso adia enye; ndien ke emi Nebucha-drezzar edidem Babylon emi etiene edem obuŋ enye ɔkpɔ.

DANIEL 5:28

PERES: emebahare ubɔŋ fo, enyuŋ emen enye enɔ Media ye Persia.

HOSEA 1:4

Ndien Jehovah ɔdɔhɔ enye, ete, Sio enye enyiŋ Jezreel (Abasi eyewari): koro osuk esisit, ndien nda iyip Jezreel ndori ufɔk Jehu, nnyuŋ nnam ubɔŋ ufɔk Israel etre.

HOSEA 1:6

Ndien enye ɔtɔŋɔ ntak oyomo, onyuŋ aman eyen-aŋwan. Ndien Abasi ɔdɔhɔ enye, Sio enye enyiŋ Lo-ruhamah (Ituaha enye mbɔm): koro mmendituaha aba ufɔk Israel mbɔm: koro mmenditreke ndimen mmɔ mfep.

HOSEA 1:9

Ndien enye (Abasi) ɔdɔhɔ, ete, Sio enye enyiŋ, ete, Lo-ammi (idige ikɔt mi): koro mbufo midige ikɔt mi, ami ndinyuŋ ndige eke mbufo.

HOSEA 13:16

Samaria eyesio isop; koro enye ɔsɔŋde ibuot ye Abasi esie: mmɔ eyeduɔŋɔ ke ofut. Eyesuok abak-inua mmɔ mbai-mbai, enyuŋ esiak iban mmɔ eke eyomode idibi.

HOSEA 8:8

Ememen Israel esin ke idibi: ke emi mmɔ eyedu ke otu mme idut nte mkpoduoho ufɔk eke baba inemesit miduhe ke esit.

HOSEA 9:3

Mmɔ ididuŋke ke isɔŋ Jehovah; edi Ephraim eyefiak ke Egypt, enyuŋ eta mbubiam ŋkpɔ ke Assyria.

LEVITICUS 26:38

Mbufo eyenyuŋ etak ke otu mme idut, isɔŋ mme asua mbufo eyenyuŋ adia mbufo.

AMOS 5:27

Ndien nyetaŋ mbufo mfep nnim ke edem Damascus oko; Jehovah, emi enyiŋ esie edide Abasi mme udim, ɔdɔhɔ ntre.

AMOS 7:17

Mmɔdo ntem ke Jehovah ɔdɔhɔ, ete, Ŋwan fo eyedi akpara ke obio, nditɔ-iren fo ye nditɔ fo iban eyenyuŋ eduɔŋɔ ke ofut: ndien eyeda uruk edeme isɔŋ fo; afo eyenyuŋ akpa ke edidehe isɔŋ: eyenyuŋ etaŋ Israel ke idut mmɔ efep.

DEUTERONOMY 28:36

Jehovah eyeda fi, ye edidem fo eke afo edinimde ke idem fo, aka idut eke afo ye mme usɔ mikɔfiɔkke; ndien do ke afo edinam ŋkpɔ mme abasi efen, eke eto ye itiat.

DEUTERONOMY 28:64

Ndien Jehovah eyesuan fi ke oto kpukpru mme idut, ɔtɔŋɔde ke utit ererimbot oko, tutu osim ke utit ererimbot eken; ndien do ke afo edinam ŋkpɔ mme abasi efen, eke afo ye mme usɔ mikɔfiɔkke, eke eto ye itiat.

DEUTERONOMY 30:18

mmotim ndɔhɔ mbufo mfin emi, nte ke mbufo iditreke nditak, mme usen fo idinyuŋ ibigike ke isɔŋ emi mbufo ebede Jordan eka do ndida enye