2 NDIDEM 17:32 - Edisana ñwed Abasi Ibom

³² Ntem ke mmɔ ebak Jehovah, enyuŋ esio owo ke otu idem mmɔ, enim ke oku mme edikoŋ ebiet, emi enamde ŋkpɔ enɔ mmɔ ke ufɔk edikoŋ ebiet oro.

2 NDIDEM 17:32 ပူးပေါင်းရင်းမြစ်များ

1 NDIDEM 12:31

Enye onyuŋ ɔbɔp ufɔk ke edikoŋ ebiet, onyuŋ osio owo eke midige nditɔ Levi ke ofuri obio, onim ke oku.

1 NDIDEM 12:33

Ntre ke enye awa uwa ke itie-uwa oro enye akanamde ke Bethel ke ɔyɔhɔ usen efut, ke ɔyɔhɔ ɔfiɔŋ itiaita, ke ɔfiɔŋ oro enye akaduakde ke idem esie; enye onyuŋ anam usɔrɔ ɔnɔ nditɔ Israel; onyuŋ awa uwa ke itie-uwa, onyuŋ ɔfɔp incense.

1 NDIDEM 13:31

Edikem ke adaŋemi enye ama okobuk enye, enye ɔdɔhɔ nditɔ esie, ete, Adaŋemi ndikpade, mbufo ebuk mi ke udi emi owo Abasi oro ɔbuhɔde ke esit; enim mme ɔkpɔ mi ke ŋkaŋ mme ɔkpɔ esie:

1 NDIDEM 13:33

Ke ini ŋkpɔ emi ebede, Jeroboam ifiakke edem ikpɔŋ idiɔk usuŋ esie, edi enye ɔtɔŋɔ ntak osio owo ke ofuri obio onim ke oku edikoŋ ebiet: ndien ama edi owo ekededi eke oyomde, enye ɔyɔhɔ owo oro ubɔk, ndien enye akabare edi kiet ke otu mme oku edikoŋ ebiet.

2 NDIDEM 17:25

Edikem ke eritɔŋɔ iduŋ mmɔ do mmɔ ibakke Jehovah, ndien Jehovah ɔdɔŋ lion utom ke otu mmɔ, eke ewotde ndusuk mmɔ.

2 NDIDEM 17:29

Edi kpukpru mme idut enam mme abasi mmɔ, enim ke ufɔk edikoŋ ebiet oro mme Samaritan ekenamde, kpukpru mme idut ke mme obio mmɔ emi mmɔ eduŋde do.

2 NDIDEM 17:33

Mmɔ ebak Jehovah, enyuŋ enam ŋkpɔ mme abasi idem mmɔ, ekem ke ido mme idut oro eketaŋde mmɔ ke esit edi.

2 NDIDEM 17:41

Ntre ke mme idut emi ekebak Jehovah, enyuŋ enam ŋkpɔ enɔ edisɔi mbiet mmɔ, kpa nditɔ mmɔ, ye nditɔ nditɔ mmɔ: kpa nte mme ete mmɔ ekenamde, kpa ntre ke mmɔ enam tutu osim mfin emi.

2 NDIDEM 23:19

Ndien ŋko ama edi mme ufɔk edikoŋ ebiet oro edude ke mme obio Samaria, mmɔ oro ndidem Israel ekenamde, enyuŋ eyat Jehovah esit, oro ke Josiah osio efep, onyuŋ anam mmɔ, kpa nte enye akanamde Beth-el kpukpru ŋkpɔ.

EZRA 4:2

mmɔ edi ke ɔtɔ Zerubbabel, ye eke mme etubom mme ete, edidɔhɔ mmɔ, ete, Yak nnyin itiene mbufo ibɔp; koro nnyin ibinede Abasi mbufo, kpa nte mbufo enamde; inyuŋ iwa uwa inɔ enye, toto ke eyo Esar-haddon edidem Assyria, emi akadade nnyin ɔdɔk edi ken.

ZEPHANIAH 1:5

ye mmɔ eke etuakde ibuot enɔ mbon ikpa-enyɔŋ ke enyɔŋ ɔkɔm ufɔk; ye mmɔ eke etuakde ibuot enyuŋ eŋwɔŋɔde enɔ Jehovah, enyuŋ eŋwɔŋɔde enɔ Malcam;