2 NDIDEM 17:31 - Edisana ñwed Abasi Ibom

³¹ mme Avvite enyuŋ enam Nibhaz ye Tartak, mbio Sepharvaim enyuŋ efɔp nditɔ mmɔ ke ikaŋ enɔ Adrammelech ye Annammelech, mme abasi Sepharvaim.

2 NDIDEM 17:31 ပူးပေါင်းရင်းမြစ်များ

2 NDIDEM 17:17

Mmɔ enyuŋ enam nditɔ-iren mmɔ ye nditɔ-iban mmɔ ebe eduk ke ikaŋ, enyuŋ ebre idiɔŋ ye mfa, enyuŋ enyam idem mmɔ ndinam idiɔk ke iso Jehovah, enyuŋ eyat enye esit.

2 NDIDEM 17:24

Ekem edidem Assyria ada owo ke Babylon, ye ke Cuthah, ye ke Avva, ye ke Hamath, ye ke Sepharvaim, edi edinim mmɔ ke mme obio Samaria ke ibuot nditɔ Israel: ndien mmɔ eda Samaria enyene, enyuŋ eduŋ ke mme obio esie.

2 NDIDEM 19:37

Ekem ke ini enye ɔbɔŋde akam ke ufɔk Nisroch abasi esie, Adrammelech ye Sharezer nditɔ esie ewot enye ke ofut; ndien mmɔ ebɔhɔ eka isɔŋ Ararat. Ndien Esar-haddon eyen esie ada ubɔŋ ke itie esie.

EZRA 4:9

ke ini oro Rehum ekpeme-ŋwed-ewuhɔ, ye Shimshai andiwet-ŋwed, ye mme nsaŋa mmɔ efen, mme Dinaite, mme Apharsath-chite, ye mme Tarpelite, ye mme Apharsite, ye mme Archevite, ye mme Babylonian, ye mme Shushanchite, ye mme Dehaite, ye mme Elamite,

JEREMIAH 2:28

Ndien mme abasi fo oro afo akanamde ɔnɔ idem fo edu mmɔŋ? Yak mmɔ edaha ke enyɔŋ, edieke mmɔ edikemede ndinyaŋa fi ke ini ukut fo: koro mme abasi fo ekemde ibat mme obio fo, O Judah.

LEVITICUS 18:21

Kunyuŋ uda ubon fo unɔ Molech man ebe oduk (ke ikaŋ), kunyuŋ ubiat enyiŋ Abasi fo: ami ndi Jehovah.

DEUTERONOMY 12:28

Kpeme, nyuŋ kop kpukpru ikɔ emi ntemede fi, man ɔfɔn fi, ye nditɔ fo emi editienede fi ke nsinsi, ke ini afo anamde se inende ke enyin Jehovah Abasi fo.

DEUTERONOMY 12:31

Kunam ntre ye Jehovah Abasi fo: koro mmɔ enamde kpukpru oruk mbubiam emi Jehovah asuade enɔ mme abasi mmɔ: koro mmɔ efɔpde idem nditɔ-iren mmɔ ye nditɔ mmɔ iban enɔ mme abasi mmɔ.