2 NDIDEM 17:3 - Edisana ñwed Abasi Ibom

³ Shamaneser edidem Assyria ɔdɔk aka ekɔŋ ye enye; ndien Hoshea akabare edi owo esie, onyuŋ otomo enye utomo.

2 NDIDEM 17:3 ပူးပေါင်းရင်းမြစ်များ

2 SAMUEL 8:2

Enye onyuŋ asuan Moab, onyuŋ ada uruk odomo mmɔ, anam mmɔ ena ke isɔŋ; enye onyuŋ odomo ubak iba eke ediwotde, ye ata akamba ubak eke edinimde ke uwem. Ntre ke nditɔ Moab ekabare edi ifin David, enyuŋ etomo utomo.

2 SAMUEL 8:6

David onyuŋ onim mbon-ekɔŋ ke itie, ke itie, ke Syria Damascus: nditɔ Syria enyuŋ ekabare edi ifin David, enyuŋ etomo utomo. Jehovah onyuŋ anyaŋa David ke kpukpru ebiet emi enye akade.

2 NDIDEM 15:19

Ekem Pul edidem Assyria edi ndiŋwana ekɔŋ ye idut oro: ndien Menahem ɔnɔ Pul tɔsin talent silver, man enye esin ubɔk anam ubɔŋ ɔsɔŋ ada enye ke ubɔk.

2 NDIDEM 15:20

Ndien Menaham anam Israel, kpa mbon inyene, etomo silver oro, man ada ɔnɔ edidem Assyria, owo kiet kiet ɔnɔ shekel silver aba ye duop. Ntre ke edidem Assyria afiak, inyuŋ ibigike do ke isɔŋ.

2 NDIDEM 15:29

Ke eyo Pekah edidem Israel, Tiglath-pileser edidem Assyria edi edida Ijon, ye Abel-beth-maacah, ye Janoah, ye Kedesh, ye Hazor, ye Gilead, ye Galilee, kpa ofuri isɔŋ Naphtali; onyuŋ ataŋ mmɔ ɔnyɔŋ ke Assyria.

2 NDIDEM 17:2

Enye onyuŋ anam idiɔk ke iso Jehovah, edi inamke nte ndidem Israel oro ekebemde enye iso.

2 NDIDEM 17:4

Ekem edidem Assyria ayarare odu ke Hoshea: koro enye ɔkɔdɔŋde mme isuŋ utom ke ɔtɔ So edidem Egypt, ndien itomoke edidem Assyria, nte isua efen: ndien edidem Assyria okuk enye, onyuŋ ɔkɔŋ enye ke ufɔk ŋkpɔkɔbi.

2 NDIDEM 18:31

Ekukop uyo Hezekiah: koro ntem ke edidem Assyria ɔdɔhɔ, ete, Mbufo enam emem ye ami, enyuŋ ewɔŋɔ etiene mi, ndien kpukpru owo edia vine mmɔ, ye fig mmɔ, kpukpru owo enyuŋ eŋwɔŋ mmɔŋ ke obube mmɔ:

2 NDIDEM 18:7

Ndien Jehovah odu ye enye; enye okut unen ke kpukpru ebiet emi enye ɔwɔrɔde: enye onyuŋ ɔsɔŋ ibuot ye edidem Assyria, inyuŋ inamke ŋkpɔ inɔ enye.

NEHEMIAH 9:32

Mbɔk, ndien, O Abasi nnyin, akwa, ye ɔkpɔsɔŋ Abasi emi enyenede ndik, onyuŋ onimde ediomi ye ima, kuse ofuri ukut emi nnyin, ye ndidem nnyin, ye mbɔŋ nnyin, ye mme oku nnyin, ye mme prophet nnyin, ye mme ete nnyin, ye ofuri ikɔt fo ekekutde, toto ke eyo edidem Assyria, tutu osim mfin emi, ke ekpri ŋkpɔ.

ISAIAH 17:4

Ndien ama ekem ke usen oro, ubɔŋ Jacob eyekabare ekpri, mfɔn-idem esie eyenyuŋ akabare edi ndiɔk-idem.

ISAIAH 8:8

ndien enye eyebe oduk ke Judah: eyetɔ onyuŋ asaŋa ebe, eyesim ke itɔŋ; ndien eritara mba esie eyedi se iyɔhɔde ubom isɔŋ fo, O Immanuel.

EZEKIEL 23:5

Ekem Oholah anam use ke ini enye etiede ye ami; itɔŋ mmɔ emi emade enye, kpa nditɔ Assyria emi edide mbɔhiduŋ, onyuŋ ɔdɔŋ enye.

HOSEA 10:14

Ndien ndutime otibe ke otu mbio-obio fo, eyenyuŋ esobo kpukpru mkpɔsɔŋ ebiet fo, kpa nte Shalman okosobode Beth-arbel ke usen ekɔŋ: ekesuok eka ekɔrɔ ye nditɔ esie.

HOSEA 10:4

Mmɔ ke etiŋ ikɔ-ikɔ; ke etomo nsu, ke ediomi ediomi: ndien ufen asiaha ikɔŋ nte poppy ke ibombom iŋwaŋ.

HOSEA 8:10

Ndien ŋko koro mmɔ enɔde mme idut utip, nyebon mmɔ ndo-ndo emi: ndien osuk esisit mbiomo edidem mbɔŋ eyeyat mmɔ.

LEVITICUS 26:25

Nyenyuŋ nda ofut eke edisiode usiene ediomi mi, ntiene mbufo: ndien adaŋemi mbufo ebonode ke obio mbufo, nyedɔŋ idiɔk udɔŋɔ utom ke otu mbufo; ndien mbufo eyesine mme asua mbufo ke ubɔk.