2 NDIDEM 17:25 - Edisana ñwed Abasi Ibom

²⁵ Edikem ke eritɔŋɔ iduŋ mmɔ do mmɔ ibakke Jehovah, ndien Jehovah ɔdɔŋ lion utom ke otu mmɔ, eke ewotde ndusuk mmɔ.

2 NDIDEM 17:25 ပူးပေါင်းရင်းမြစ်များ

1 NDIDEM 13:24

Ekem lion kiet osim enye ke ɔkpɔ-usuŋ, onyuŋ owot enye: ndien okpo esie ɔduɔ ana ke usuŋ, ass onyuŋ ada enye ke ŋkaŋ, lion onyuŋ ada okpo ke ŋkaŋ ŋko.

1 NDIDEM 20:36

Ndien enye eken ɔdɔhɔ enye, ete, Koro afo mukokopke uyo Jehovah, sese, ke ini afo ɔnyɔŋde ɔkpɔŋ mi, lion kiet eyewot fi. Ndien adaŋemi enye adianarede ɔkpɔŋ enye, lion kiet osim enye owot.

2 NDIDEM 17:26

Ekem mmɔ etiŋ enɔ edidem Assyria, ete, Mme idut emi afo akataŋde edi edinim ke mme obio Samaria, ifiɔkke ido Abasi edem emi; ndien enye ɔmɔdɔŋ lion utom ke otu mmɔ, ndien, sese, ke ewot mmɔ, koro mmɔ mifiɔkke ido Abasi edem emi.

2 NDIDEM 17:28

Ekem owo mme oku kiet emi mmɔ eketaŋde ke Samaria efep, edi ediduŋ ke Beth-el, onyuŋ eteme mmɔ usuŋ nte ebakde Jehovah.

2 NDIDEM 17:32

Ntem ke mmɔ ebak Jehovah, enyuŋ esio owo ke otu idem mmɔ, enim ke oku mme edikoŋ ebiet, emi enamde ŋkpɔ enɔ mmɔ ke ufɔk edikoŋ ebiet oro.

2 NDIDEM 17:34

Tutu osim mfin emi mmɔ enam akpa ido mmɔ: mmɔ ibakke Jehovah, inyuŋ inamke mme ewuhɔ mmɔ, ye ido mmɔ, ye mme item ye ibet oro Jehovah okowukde nditɔ Jacob, emi enye akadade enyiŋ Israel osio enye;

2 NDIDEM 17:41

Ntre ke mme idut emi ekebak Jehovah, enyuŋ enam ŋkpɔ enɔ edisɔi mbiet mmɔ, kpa nditɔ mmɔ, ye nditɔ nditɔ mmɔ: kpa nte mme ete mmɔ ekenamde, kpa ntre ke mmɔ enam tutu osim mfin emi.

2 NDIDEM 2:24

Ndien enye akabare iso ese mmɔ, onyuŋ osuŋi mmɔ ke enyiŋ Jehovah. Ndien uman bear iba eto ke akai, ediwai nditɔ oro, owo aba ye iba, mbai-mbai.

ISAIAH 15:9

Koro iyip ɔyɔhɔde ke mmɔŋ Dimon: koro ndidade idiɔk-ŋkpɔ efen ŋkɔrɔ Dimon, nyeda lion ntiene nditɔ Moab emi ebɔhɔde, ye ubak isɔŋ emi ɔsuhɔde.

JEREMIAH 10:7

Anie midibakke fi, O Edidem mme idut? Koro odotde fi: koro baba kiet eke ebietde fi miduhe ke otu kpukpru mme ɔfiɔkŋkpɔ owo mme idut, ye ke kpukpru mme obio mmɔ.

JEREMIAH 15:3

Jehovah ɔdɔhɔ, ete, Nyeda oruk ŋkpɔ inaŋ nnɔ mmɔ ufen: ofut eke owotde, ye ebua eke edudide, ye mme inuen enyɔŋ, ye mme unam ikɔt eke etade enyuŋ ebiatde.

JEREMIAH 5:6

Mmɔdo lion eyeto ke akai owot mmɔ, wolf mbubreyo eyesobo mmɔ: ekpe eyekpeme obio mmɔ: eyeta kpukpru owo eke ewɔŋɔde ke esit: koro mme idiɔk ido mmɔ ewakde, mfiakedem mmɔ onyuŋ ɔdɔdiɔŋ ɔsɔŋ.

EZEKIEL 14:15

Edieke nnamde mme idiɔk unam esaŋa ke isɔŋ ebe, ndien mmɔ ebiet enye, ndien anana owo, onyuŋ akabare edi ndobo: koro mme unam miyakke owo asaŋa ebe:

EZEKIEL 14:21

Koro ntem ke Ɔbɔŋ Jehovah ɔdɔhɔ, ete, Edidi ntem ke akpan-ikɔ, adaŋemi ndidade idiɔk ufen mi mbinaŋ, ofut, ye biɔŋ, ye idiɔk unam, ye idiɔk udɔŋɔ, ndɔŋ mmɔ utom ke Jerusalem, man nsibe owo ye unam ke esit mfep.

DANIEL 6:26

Mmowuk ewuhɔ nte ke kpukpru ebiet eke ndide ɔbɔŋ ye edidem, yak owo ebak enyuŋ efehe Abasi Daniel: koro edi enye edi Abasi uwem, enye onyuŋ ebigi ke nsinsi, ubɔŋ esie onyuŋ edi se midibiarake, ndien enye eyedi edidem ke nsinsi.

LEVITICUS 26:22

Nnyuŋ ndɔŋ mme unam ikɔt ke otu mbufo, eke edibɔde mbufo nditɔ, enyuŋ esobo ufene mbufo, enyuŋ enam mbufo ekpri; ndien ɔkpɔ-usuŋ mbufo eyedobo.

JONAH 1:9

Ndien enye ɔbɔrɔ mmɔ, ete, Ami ndi eyen Hebrew; ami nnyuŋ mbak Jehovah Abasi enyɔŋ, emi akanamde inyaŋ ye obot.

JOSHUA 22:25

Koro Jehovah onimde akpa Jordan ke adaŋa ke ufɔt nnyin ye mbufo, nditɔ Reuben, ye nditɔ Gad; mbufo inyeneke udeme ke Jehovah: ndien nditɔ mbufo eyenam nditɔ nnyin etre ndibak Jehovah.