2 NDIDEM 17:24 - Edisana ñwed Abasi Ibom

²⁴ Ekem edidem Assyria ada owo ke Babylon, ye ke Cuthah, ye ke Avva, ye ke Hamath, ye ke Sepharvaim, edi edinim mmɔ ke mme obio Samaria ke ibuot nditɔ Israel: ndien mmɔ eda Samaria enyene, enyuŋ eduŋ ke mme obio esie.

2 NDIDEM 17:24 ပူးပေါင်းရင်းမြစ်များ

1 NDIDEM 8:65

Ndien ke ini oro Solomon ye ofuri Israel nde, kpa akwa esop, ɔtɔŋɔde ke ebiet emi edukde Hamath tutu osim ke akpa Egypt, enam usɔrɔ ke iso Jehovah Abasi nnyin, ke usen itiaba, ye usen itiaba, kpa usen duopenaŋ.

2 NDIDEM 17:6

Ke ɔyɔhɔ isua Hoshea usukkiet, edidem Assyria ada Samaria, onyuŋ ataŋ Israel ɔnyɔŋ ke Assyria, okonim mmɔ ke Halah, ye ke Habor, ke mben akpa Gozan, ye ke mme obio nditɔ Media.

2 NDIDEM 18:31

Ekukop uyo Hezekiah: koro ntem ke edidem Assyria ɔdɔhɔ, ete, Mbufo enam emem ye ami, enyuŋ ewɔŋɔ etiene mi, ndien kpukpru owo edia vine mmɔ, ye fig mmɔ, kpukpru owo enyuŋ eŋwɔŋ mmɔŋ ke obube mmɔ:

2 NDIDEM 18:34

Enye mme abasi Hamath, ye eke Arpad? Enye mme abasi Sepharvaim, ye eke Hena, ye eke Ivvah? Nte mmɔ ema enyaŋa Samaria esio mi ke ubɔk?

2 NDIDEM 19:13

Enye edidem Hamath, ye edidem Arpad, ye edidem obio Sepharvaim, ye Hena, ye Ivvah?

2 CHRONICLES 33:11

Ekem Jehovah ada mme etubom udim-ekɔŋ edidem Assyria edi etiene mmɔ, ndien mmɔ emum Manasseh ke uwem, enyuŋ ekɔbi enye ufat-ubɔk ndien eda enye enyɔŋ ke Babylon.

ISAIAH 10:9

Nte Calno ibietke Carchemish? Nte Hamath ibietke Arpad? Nte Samaria ibietke Damascus?

ISAIAH 11:11

Ndien ama ekem ke usen oro, Ɔbɔŋ eyetɔŋɔ ntak esin ubɔk afak nsuhɔ ikɔt esie, emi Asshur, ye Egypt, ye Pathros, ye Cush, ye Elam, ye Shinar, ye Hamath, ye mme isuo inyaŋ esuhɔde.

ISAIAH 36:19

Enye mme abasi Hamath ye eke Arpad? Enye mme abasi Sepharvaim? Ndien ini ewe ke mmɔ ekesio Samaria ke ubɔk mi?

ISAIAH 37:13

Enye edidem Hamath, ye edidem Ar-pad, ye edidem obio Sepharvaim, ye Hena, ye eke Ivvah?

ISAIAH 37:18

Ke akpanikɔ, O Jehovah, ndidem Assyria ema esuan kpukpru mme obio ye isɔŋ mmɔ;

JEREMIAH 21:2

Mbɔk, bup Jehovah baŋa nnyin: koro Nebuchadrezzar edidem Babylon ke aŋwana ekɔŋ ye nnyin; mme Jehovah eyenam ye nnyin nte asaŋade ye kpukpru mme utibe ŋkpɔ esie, man enye ɔkpɔŋ nnyin ɔdɔk.

JEREMIAH 50:1

UYO emi ke Jehovah ɔkɔdohɔ abaŋa Babylon ye isɔŋ mme Chaldean ke ubɔk Jeremiah prophet.

MATTHEW 10:5

Jesus osio owo duopeba emi ɔdɔŋ mmɔ utom, onyuŋ eteme mmɔ ete, Ekuwaha eduk ke usuŋ mme Gentile, ekunyuŋ eduk ke obio mbon Samaria baba kiet;