2 NDIDEM 17:15 - Edisana ñwed Abasi Ibom

¹⁵ Ndien mmɔ esin item esie, ye ediomi esie emi enye akanamde ye mme ete mmɔ, ye ikɔ ntiense esie emi enye eketiŋde ke otu mmɔ; ndien mmɔ etiene ikpikpu ŋkpɔ, enyuŋ enam oburobut ido, enyuŋ etiene mme idut eke ekande mmɔ ekuk, emi Jehovah eketemede mmɔ, ete ekunam nte mmɔ enamde.

2 NDIDEM 17:15 ပူးပေါင်းရင်းမြစ်များ

1 NDIDEM 11:11

Ndien Jehovah ɔdɔhɔ Solomon, ete, Koro edide ntem ye afo, mukonyuŋ unimke ediomi mi, ye mme ewuhɔ mi, emi ŋkowukde fi, nditreke ndiwai fi ubɔŋ ke ubɔk mbɔ, nnyuŋ nda enye nnɔ owo fo.

1 NDIDEM 16:13

ɔdɔhɔ abaŋa Baasha; ke abaŋa kpukpru mme idiɔk ido Baasha, ye mme idiɔk ido Elah eyen esie, emi mmɔ ekenamde, enyuŋ edade esin Israel ediɔk, enyuŋ eyat Jehovah Abasi Israel esit, ke ndisime ido mmɔ.

2 NDIDEM 17:8

enyuŋ esaŋa ke mme ewuhɔ mme idut oro Jehovah ekebinde ke iso nditɔ Israel efep, ye eke ndidem Israel emi mmɔ ekenamde;

2 CHRONICLES 24:19

Edi enye ɔdɔŋ prophet utom ke ɔtɔ mmɔ: ete eda mmɔ efiak etiene Jehovah; ndien mmɔ esua enɔ mmɔ: edi mmɔ ikpaŋke utɔŋ.

2 CHRONICLES 33:2

enye onyuŋ anam se idiɔkde ke iso Jehovah, ebiet mbubiam-ŋkpɔ mme idut oro Jehovah ekebinde efep ke iso nditɔ Israel.

2 CHRONICLES 33:9

Ntre ke Manasseh akanam Judah ye mme andiduŋ Jerusalem edue, enyuŋ enam idiɔk ekan mme idut oro Jehovah okosobode ke iso nditɔ Israel efep.

NEHEMIAH 9:26

Ekem mmɔ emiom, emiom, enyuŋ esɔŋ ibuot ye afo, enyuŋ emen ewuhɔ fo eduɔk ke edem mmɔ, enyuŋ ewot mme prophet fo oro ekesuade enɔ mmɔ, ete ida mmɔ ifiak isɔk fi, mmɔ enyuŋ enam ikpɔ ŋkpɔ but.

ŊWED MME PSALM 115:8

Mmɔ eke enamde mmɔ eyebiet mmɔ, kpa kpukpru owo eke ebuɔtde idem ke esit.

ŊWED MME PSALM 78:10

Mmɔ inimke ediomi Abasi; edi esin ndisaŋa ke mbet esie.

EXODUS 16:28

Ndien Jehovah ɔdɔhɔ Moses ete, Adaŋa didie ke mbufo edisin ndinim mme ewuhɔ mi ye mme mbet mi?

JEREMIAH 10:15

Mmɔ edi ikpikpu, ŋkpɔ nsahi, eyetak ke ini ufen mmɔ. Udeme Jacob ibietke mmɔ emi ŋkpɔ:

JEREMIAH 10:8

Ndien mmɔ etie nte unam, enyuŋ edi ndisime ɔtɔ kiet: ikpikpu item! ke edi eto!

JEREMIAH 2:5

ntem ke Jehovah ɔdɔhɔ ete, Mme ete mbufo ekekut nso ukwaŋ-ŋkpɔ ye ami eke mmɔ ekpɔŋde mi anyan usuŋ, enyuŋ ebinede ikpikpu ŋkpɔ, enyuŋ ekabare edi oburobut? Inyuŋ idɔhɔke ite,

JEREMIAH 31:32

idibietke ediomi oro ŋkodiomide ye mme ete mmɔ, ke usen oro ŋkomumde mmɔ ubɔk, nnyuŋ nsioŋo mmɔ ke isɔŋ Egypt; kpa ediomi mi oro mmɔ ekebiatde, ndien ami ŋkenyene mmɔ: Jehovah ɔdɔhɔ:

JEREMIAH 44:22

Ndien Jehovah ikemeke aba ndiyɔ idiɔk ido mbufo, ye ŋkpɔ mbubiam emi mbufo enamde; ndien isɔŋ mbufo amakabare edi nsobo, ye ndobo, ye isuŋi, ndien owo eke oduŋde iduhe du, kpa nte edide mfin emi.

JEREMIAH 44:23

Koro mbufo ekefɔpde ŋkpɔ, koro enyuŋ enamde idiɔk ye Jehovah, minyuŋ ikopke uyo Jehovah, minyuŋ isaŋake ke mbet esie, ye ke mme ewuhɔ esie, ye ke mme item esie; mmɔdo idiɔk-ŋkpɔ emi osimde mbufo, kpa nte edide mfin emi.

JEREMIAH 44:4

Ndien ŋkɔdɔŋ kpukpru ikɔt mi mme prophet utom ke ɔtɔ mbufo, mbabak ndɔŋ mmɔ, nte, Mbɔk mbufo ekunam ŋkpɔ mbubiam emi ami nsuade.

JEREMIAH 44:8

Enyuŋ eyat mi esit ke se ubɔk mbufo enamde, enyuŋ efɔp ŋkpɔ enɔ abasi efen ke isɔŋ Egypt emi mbufo edide ndiduŋ do, man esibe idem mbufo efep, man mbufo enyuŋ edi ŋkpɔ isuŋi ye esuene ke otu kpukpru mme idut ke ererimbot?

JEREMIAH 7:26

ndien mmɔ ikopke uyo mi, inyuŋ ikpaŋke utɔŋ mmɔ, edi esɔŋ obot-itɔŋ mmɔ: ediɔk ekan mme ete mmɔ.

JEREMIAH 8:9

But anam mme enyene-ibuot owo, nsia oyomo mmɔ, ndien owo emum mmɔ: sese, mmɔ eduɔk uyo Jehovah: ndien nso ifiɔk ke mmɔ enyene?

EZEKIEL 12:2

Eyen owo, afo ke oduŋ ke otu ufɔk nsɔŋ-ibuot, emi enyenede enyin eke ekutde, ndien ikwe; enyuŋ enyenede utɔŋ eke ekopde, ndien ikopke: koro mmɔ edide ufɔk nsɔŋ-ibuot.

EZEKIEL 2:3

Ndien enye ɔdɔhɔ mi, ete, Eyen owo, ami mmɔŋ ndɔŋ fi utom ke ɔtɔ nditɔ Israel, ke ɔtɔ mbon idut enyene nsɔŋ-ibuot emi esɔŋɔde ibuot ye ami: mmɔ ye mme ete mmɔ emenam idiɔk ye ami, tutu osim idem mfin emi.

LEVITICUS 26:15

ema enyuŋ esin mme ewuhɔ mi ke ndek, mme item mi ema enyuŋ efek mbufo ukpɔŋ, nte mbufo midinimke kpukpru mbet mi, edi ebiat ediomi mi:

JONAH 2:8

Mmɔ eke enimde nsu-nsu ye ikpikpu ŋkpɔ eduɔk mfɔn mmɔ.

JOHN 2:8

Ekem Enye ɔdɔhɔ mmɔ ete, Ekoi naŋa, eda esɔk etubom udia. Mmɔ eda esɔk enye.

1 ŊWED CORINTH 8:4

Kabaŋa eridia ŋkpɔ eke ekawade enɔ ndem ndien; nnyin imɔfiɔk ite, idem baba kiet iduhe ke ererimbot, Abasi baba inyuŋ iduhe, ibɔhɔke kiet.

DEUTERONOMY 18:10

Kuyak ekut owo ke otu fo eke adade eyen-eren esie, mme eyen esie aŋwan esin ke ikaŋ kuyak ekut abia-idiɔŋ, ye abia-inuen, ye abiamfa, ye abia-ibɔk,

DEUTERONOMY 29:24

ndien kpukpru mme idut eyedɔhɔ ete, Ke didie ke Jehovah akanam isɔŋ emi ntem? Nsinam akamba ikaŋ iyaresit emi?

DEUTERONOMY 32:21

Mmɔ ema eda se midige Abasi esin mi mfibe ufup; ema eda mbukpo ŋkpɔ mmɔ eyat mi esit: ami ŋko nyeda se midige idut nsin mmɔ efibe ufup; nyeda ndisime obio nyat mmɔ esit.

DEUTERONOMY 32:31

Koro itiat mmɔ mibietke Akwa Itiat nnyin, edi mme asua nnyin edomo ese.

1 SAMUEL 12:21

koro ekpebinede ikpikpu ŋkpɔ eke midoroke minyuŋ inyaŋake; koro mmɔ edide ikpikpu ŋkpɔ.