2 NDIDEM 16:4 - Edisana ñwed Abasi Ibom

⁴ Enye onyuŋ awa uwa, onyuŋ ɔfɔp incense ke mme edikoŋ ebiet, ye ke ikpɔ obot, ye ke idak kpukpru awawa eto.

2 NDIDEM 16:4 ပူးပေါင်းရင်းမြစ်များ

1 NDIDEM 14:23

Ndien mmɔ enyuŋ enam edikoŋ ebiet ŋko-ŋko, ye mme adaha, ye eto mkpe, ke enyɔŋ kpukpru ŋkokoŋo obot, ye ke idak kpukpru awawa eto.

2 NDIDEM 12:4

Ekem Jehoash ɔdɔhɔ mme oku, ete, Ofuri silver emi ekam edade esɔk ufɔk Jehovah, kpa silver mmɔ eke ebatde, ye silver ufak owo nte ekɔmde enɔ enye, ye ofuri silver eke odukde owo ke esit ndida nsɔk ufɔk Jehovah,

2 NDIDEM 14:4

Edi ibiatke mme edikoŋ ebiet ifep: mbio-obio esuk ewa uwa enyuŋ efɔp incense ke mme edikoŋ ebiet oro.

ŊWED MME PSALM 78:58

Enyuŋ eyat enye esit ke edikoŋ ebiet mmɔ, enyuŋ esin enye ofibe ufup ke edisɔi mbiet mmɔ.

ISAIAH 65:4

emi etiede ke mme udi, enyuŋ edaŋde ke ndibe ebiet ke okoneyo, eta unam edi, ndien ŋkpri mbai edidehe unam edu ke eso mmɔ; emi edɔhɔde, ete,

ISAIAH 66:17

Mmɔ eke edianarede idem mmɔ enyuŋ enamde idem mmɔ esana enɔ mme iŋwaŋ-esa, etiene kiet ke edem ke ufɔt, eke etade unam edi ye ŋkpɔ mbubiam ye usine, eyetak, ɔtɔ kiet. Uyo Jehovah edi emi.

JEREMIAH 17:2

ke ini nditɔ mmɔ etide mme itie-uwa mmɔ, ye mme eto-mkpe mmɔ, ekpere awawa eto, ye ke enyɔŋ ikpɔ obot.

EZEKIEL 43:7

Ndien enye ɔdɔhɔ mi, ete, Eyen owo, emi edi ebiet ebekpo mi, ye ebiet ikpat-ukot mi, emi ndiduŋde ke esit ke otu nditɔ Israel ke nsinsi. Ndien ufɔk Israel ye ndidem mmɔ idisabakede aba edisana enyiŋ mi, ke use mmɔ, ye ke mme okpo ndidem mmɔ ke ŋkokoŋo ebiet mmɔ.

EZEKIEL 6:13

Ndien mbufo eyefiɔk ete ke ami ndi Jehovah, ke adaŋemi owo mmɔ emi ekpaŋade enade ke ufɔt mme ibɔk mmɔ, ekan mme itie-uwa mmɔ ekuk, ke enyɔŋ kpukpru ŋkokoŋo obot, ke ibuot kpukpru ikpɔ obot, ye ke idak kpukpru awawa eto, ye ke idak kpukpru edibaŋ ofriyo, ebiet emi mmɔ ekefɔpde edinem incense do enɔ kpukpru mme ibɔk mmɔ.

DEUTERONOMY 12:2

Mbufo etim esobo kpukpru ebiet eke mme idut emi mbufo edidade, enamde ido mme abasi mmɔ, ke enyɔŋ ŋkokoŋo obot, ye ke enyɔŋ ŋkpri obot, ye ke idak kpukpru awawa eto: