2 NDIDEM 16:12 - Edisana ñwed Abasi Ibom

¹² Ekem edidem oto ke Damascus edi, edidem onyuŋ okut itie-uwa oro: edidem onyuŋ asaŋa ekpere itie-uwa oro, onyuŋ awa uwa ke esit.

2 NDIDEM 16:12 ပူးပေါင်းရင်းမြစ်များ

1 NDIDEM 12:33

Ntre ke enye awa uwa ke itie-uwa oro enye akanamde ke Bethel ke ɔyɔhɔ usen efut, ke ɔyɔhɔ ɔfiɔŋ itiaita, ke ɔfiɔŋ oro enye akaduakde ke idem esie; enye onyuŋ anam usɔrɔ ɔnɔ nditɔ Israel; onyuŋ awa uwa ke itie-uwa, onyuŋ ɔfɔp incense.

1 NDIDEM 13:1

EKEM, sese, owo Abasi kiet okoto ke Judah ke uyo Jehovah, aka ke Bethel, ndien Jeroboam ke ada ke iso itie-uwa oro ɔfɔp incense.

2 NDIDEM 16:11

Ndien Urijah oku anam itie-uwa, etie kpa nte eke kpukpru se edidem Ahaz eketiede ke Damascus otobo enye: ntem ke Urijah oku anam, ke edidem Ahaz mika-itoho ke Damascus idi.

2 NDIDEM 16:13

Enye onyuŋ ɔfɔp edifɔp uwa esie, ye inuak-udia esie, onyuŋ ɔtɔhɔ ediŋwɔŋ uwa esie, onyuŋ osime iyip uwa ekɔm esie ke itie-uwa oro.

2 CHRONICLES 28:23

Enye onyuŋ awa uwa ɔnɔ mme abasi Damascus emi esuande enye: onyuŋ ɔdɔhɔ ete, Koro mme abasi ndidem Syria eŋwamde mmɔ, nyewa uwa nnɔ mmɔ, man eŋwam mi. Edi mmɔ esin enye ye ofuri Israel eduɔŋɔ.

2 CHRONICLES 28:25

Ndien ŋko enye anam edikoŋ ebiet ke kpukpru obio Judah kiet kiet, man ɔfɔp uwa ɔnɔ abasi efen, ndien ayat Jehovah Abasi mme ete esie esit.