2 NDIDEM 16:10 - Edisana ñwed Abasi Ibom

¹⁰ Ekem Ahaz edidem aka okosobo ye Tiglath-pileser, edidem Assyria, ke Damascus, ndien enye okut itie-uwa kiet emi odude ke Damascus: ndien edidem Ahaz ɔnɔ mbiet itie-uwa oro ye oruk esie, kpa nte ekenamde enye kpukpru, esɔk Urijah oku.

2 NDIDEM 16:10 ပူးပေါင်းရင်းမြစ်များ

2 NDIDEM 15:29

Ke eyo Pekah edidem Israel, Tiglath-pileser edidem Assyria edi edida Ijon, ye Abel-beth-maacah, ye Janoah, ye Kedesh, ye Hazor, ye Gilead, ye Galilee, kpa ofuri isɔŋ Naphtali; onyuŋ ataŋ mmɔ ɔnyɔŋ ke Assyria.

2 NDIDEM 16:11

Ndien Urijah oku anam itie-uwa, etie kpa nte eke kpukpru se edidem Ahaz eketiede ke Damascus otobo enye: ntem ke Urijah oku anam, ke edidem Ahaz mika-itoho ke Damascus idi.

2 NDIDEM 21:4

Enye onyuŋ anam itie-uwa ke ufɔk Jehovah, emi Jehovah ɔkɔdɔhɔde, ete, Ke Jerusalem ke ndinim enyiŋ mi.

1 CHRONICLES 28:19

(David ete,) Jehovah akasian mi kpukpru mmɔ emi ke ŋwed eke otode enye ke ubɔk, kpa ofuri utom ŋwed oruk emi.

ŊWED MME PSALM 106:39

Ntre ke mmɔ esabare idem-mmɔ ke ŋkpɔ eke mmɔ ekenamde, enyuŋ enam use ke idiɔk ido mmɔ.

EXODUS 24:4

Ndien Moses ewet kpukpru ikɔ Jehovah, onyuŋ abak edemere ke usenubɔk, anam itie-uwa ke ukot obot, ye ndaha duopeba, ekem ke mme esien Israel duopeba.

EXODUS 39:43

Ndien Moses ese kpukpru utom oro, ndien, sese, ema ekenam enye, kpa nte emi Jehovah eketemede, kpa ntre ke mmɔ ema ekenam enye. Ndien Moses ɔkɔm mmɔ.

ISAIAH 8:2

Ndien nyeda ntiense akpanikɔ ndian idem, man etie ese, kpa Uriah oku, ye Zechariah eyen Jeberechiah.

JEREMIAH 10:2

ntem ke Jehovah ɔdɔhɔ, ete, Mbufo ekukpep usuŋ mme idut, ekunyuŋ eyomo nsia ebaŋa mme idiɔŋɔ ikpa-enyɔŋ: koro nsia oyomode mme idut ebaŋa mmɔ.

EZEKIEL 16:28

Afo okonyuŋ anam use ye nditɔ Assyria: koro midige nte eyuhɔde fi; ŋkɔm afo anam use ye mmɔ; unyuŋ uyuhɔke ŋko.

EZEKIEL 43:11

Ndien edieke but anamde mmɔ ebaŋa kpukpru se mmɔ ekenamde, wut mmɔ oruk ufɔk emi ye mbiet esie, ye mme ebiet emi ewɔrɔde, ye mme ebiet emi edukde, ye ofuri oruk esie, ye kpukpru mme ewuhɔ esie, kpa ofuri oruk esie, ye kpukpru ido esie: nyuŋ wet ke iso mmɔ, man mmɔ ekpeme ofuri oruk esie ye kpukpru mme ewuhɔ esie, enyuŋ enam mmɔ.

EZEKIEL 43:8

Koro mmɔ enimde asaŋduɔk mmɔ ke ɔtɔ asaŋudɔk mi, ye obubɔk enyin-usuŋ mmɔ ke ŋkaŋ obubɔk enyin-usuŋ mi, enyuŋ esinde ibibene ke ufɔt mi ye mmɔ, mmɔ esabare edisana enyiŋ mi ke mbubiam mmɔ emi mmɔ ekenamde: ndien ami nta mmɔ ke iyaresit mi.

EZEKIEL 44:12

Koro mmɔ ekenamde ŋkpɔ enɔ mmɔ ke iso mme ibɔk mmɔ: enyuŋ edide se inamde nditɔ Israel eduɔŋɔ ke idiɔk ŋkpɔ: mmɔdo mmemen ubɔk mi mbaŋa mmɔ, ndien mmɔ eyebiom idiɔk ido mmɔ: Ɔbɔŋ Jehovah ɔdɔhɔ.

MATTHEW 15:6

Ntre ke mbufo ema enam ikɔ Abasi akabare edi ikpikpu kabaŋa item mbufo.

MATTHEW 15:9

Edi mmɔ ekpono Mi ikpikpu, Sia ekpepde item owo ke ukpep-ŋkpɔ mmɔ.

ŊWED MBON ROME 12:2

Ekunyuŋ ekabare ebiet eyo emi, edi eyak mbufo ekpuhɔre, oto ke erinam emi enamde esit mbufo edi obufa, man mbufo edomo efiɔk se uduak Abasi edide, uduak Abasi eke edide eti, onyuŋ enemde owo esit, onyuŋ ɔfɔnde ama.

DEUTERONOMY 12:30

kpeme idem fo, mbak afia edimum fi esin fi aka eketiene mmɔ, ke ema esobo mmɔ ema ke iso fo efep; mbak afo edinyuŋ obup abaŋa mme abasi mmɔ, ete, Ewe usuŋ ke mme idut emi ekenam ŋkpɔ mme abasi mmɔ? ami nyenam kpa ntre ŋko ke idem mi.

JOSHUA 22:28

Ndien nnyin ikɔdɔhɔ ite, Ama ekem, adaŋemi mmɔ edidɔhɔde (ntem) ye nnyin ye nditɔ nnyin, ke ini iso, nnyin iyebɔrɔ, ndien, ite, Mbufo ese mbiet itie-uwa Jehovah emi mme ete nnyin ekenamde, idige ke eke edifɔp uwa, inyuŋ idige ke eke uwa efen; edi enye edi ntiense ke ufɔt nnyin ye mbufo.

1 PETER 1:18

sia efiɔkde ete, ikadaha mbiara ŋkpɔ, kpa silver ye gold, ifak mbufo isio ke ndisime edu uwem oro ekotode mme ete ebe osim mbufo;