2 NDIDEM 15:25 - Edisana ñwed Abasi Ibom

²⁵ Ekem Pekah eyen Remaliah, adidaha owo esiemɔ kiet, oduk odu abaŋa enye, onyuŋ owot enye ke Samaria, ke ɔkpɔsɔŋ ɔtɔ ufɔk edidem, adian Argob ye Arieh, ye nditɔ Gilead owo aba ye duop emi edude ye enye: ntre ke ewot enye, onyuŋ ada ubɔŋ ke itie esie.

2 NDIDEM 15:25 ပူးပေါင်းရင်းမြစ်များ

1 NDIDEM 16:18

Edikem adaŋemi Zimri okutde nte ema ekeda obio, enye oduk ke ufɔk-enyɔŋ ufɔk edidem, onyuŋ ɔfɔp ufɔk edidem ke ikaŋ, abaha idemesie, ndien akpa.

1 NDIDEM 16:9

Ekem owo esie Zimri, etubom ubak mme chariot esie, oduk odu abaŋa enye. Ndien ke ini enye odude ke Tirzah, ɔŋwɔŋ mmin akpa ke ufɔk Arza etubom ufɔk esie ke Tirzah;

2 NDIDEM 15:10

Ekem Shallum eyen Jabesh oduk odu abaŋa enye, onyuŋ ɔtɔ enye owot ke iso kpukpru owo, ndien ada ubɔŋ ke itie esie.

2 NDIDEM 15:24

Enye onyuŋ anam idiɔk ke iso Jehovah: ikpɔŋke mme idiɔk ido Jeroboam eyen Nebat, emi akanamde Israel ekabare ediɔk.

2 NDIDEM 15:26

Ndien ama edi ikɔ Pekahiah eke esuhɔde, ye kpukpru se enye akanamde, sese, ewet mmɔ ke ŋwed ikɔ eyo ndidem Israel.

2 NDIDEM 15:27

Ke ɔyɔhɔ isua Azariah edidem Judah aba ye duopeba, Pekah eyen Remaliah ada ubɔŋ Israel ke Samaria, ke isua edip.

2 NDIDEM 9:14

Ntre ke Jehu eyen Jehoshaphat, eyen Nimshi, oduk odu abaŋa Joram. (Ndien Joram ye ofuri Israel eketie ekpeme ke Ramoth-gilead, ebaŋa Hazael edidem Syria.

2 NDIDEM 9:5

Ekem ke ini enye edide, sese, mme etubom mbon-ekɔŋ ke etie do; ndien enye ɔdɔhɔ ete, Mmenyene ikɔ eke ndɔhɔde ye afo, etubom. Ndien Jehu ɔdɔhɔ ete, Ye anie nnyin kpukpru? Ndien enye, ete ye afo, etubom.

2 CHRONICLES 28:6

Ndien Pekah enyen Remaliah owot tɔsin owo itie ikie ye edip ke Judah, ke usen kiet, kpukpru mmɔ mbon-uko: koro mmɔ ekekpɔŋde Jehovah Abasi mme ete mmɔ.

ISAIAH 7:1

EDIKEM ke eyo Ahaz eyen Jotham, eyen Uzziah, edidem Judah, Rezin edidem Syria, ye Pekah eyen Ramaliah, edidem Israel, edɔk ke Jerusalem eka ekɔŋ ye enye; edi mmɔ ikemke ubɔk ekɔŋ ye enye.