2 NDIDEM 15:19 - Edisana ñwed Abasi Ibom

¹⁹ Ekem Pul edidem Assyria edi ndiŋwana ekɔŋ ye idut oro: ndien Menahem ɔnɔ Pul tɔsin talent silver, man enye esin ubɔk anam ubɔŋ ɔsɔŋ ada enye ke ubɔk.

2 NDIDEM 15:19 ပူးပေါင်းရင်းမြစ်များ

2 NDIDEM 12:18

Ndien Jehoash edidem Judah emen kpukpru edisana ŋkpɔ oro Jehoshaphat, ye Jehoram, ye Ahaziah, mme ete esie, ndidem Judah, ekenimde, ye ndisana ŋkpɔ esiemɔ, ye ofuri gold eke ekutde ke ebiet unim-ŋkpɔ ufɔk Jehovah, ye ke eke ufɔk edidem ɔnɔ esɔk Hazael edidem Syria: ndien enye ɔdɔk ɔkpɔŋ Jerusalem.

2 NDIDEM 14:5

Edikem adaŋemi ubɔŋ ɔsɔŋɔde enye ke ubɔk, enye owot ikɔt esie oro ekewotde ete esie, edidem.

2 NDIDEM 15:18

Enye onyuŋ anam idiɔk ke iso Jehovah: ke ofuri eyo esie enye ikabakede ikpɔŋ mme idiɔk ido Jeroboam eyen Nebat, emi akanamde Israel ediɔk.

2 NDIDEM 15:20

Ndien Menaham anam Israel, kpa mbon inyene, etomo silver oro, man ada ɔnɔ edidem Assyria, owo kiet kiet ɔnɔ shekel silver aba ye duop. Ntre ke edidem Assyria afiak, inyuŋ ibigike do ke isɔŋ.

2 NDIDEM 15:29

Ke eyo Pekah edidem Israel, Tiglath-pileser edidem Assyria edi edida Ijon, ye Abel-beth-maacah, ye Janoah, ye Kedesh, ye Hazor, ye Gilead, ye Galilee, kpa ofuri isɔŋ Naphtali; onyuŋ ataŋ mmɔ ɔnyɔŋ ke Assyria.

2 NDIDEM 16:8

Ndien Ahaz ada silver ye gold oro ekutde ke ufɔk Jehovah, ye ke ebiet unim-ŋkpɔ ufɔk edidem, ɔnɔ esɔk edidem Assyria ke enɔ.

2 NDIDEM 18:16

Ke ini oro Hezekiah osibe gold efep ke mme itim temple Jehovah, ye ke mme obubɔk enyin-usuŋ, emi Hezekiah edidem Judah okokubide, onyuŋ ada enye ɔnɔ edidem Assyria.

NEHEMIAH 9:32

Mbɔk, ndien, O Abasi nnyin, akwa, ye ɔkpɔsɔŋ Abasi emi enyenede ndik, onyuŋ onimde ediomi ye ima, kuse ofuri ukut emi nnyin, ye ndidem nnyin, ye mbɔŋ nnyin, ye mme oku nnyin, ye mme prophet nnyin, ye mme ete nnyin, ye ofuri ikɔt fo ekekutde, toto ke eyo edidem Assyria, tutu osim mfin emi, ke ekpri ŋkpɔ.

ŊWED MME PSALM 83:8

Assyria nde edian idem ye mmɔ: mmɔ edi ubɔk nditɔ Lot. [Selah.]

ISAIAH 9:1

KORO enye (isɔŋ) emi okokutde ukut midikimke. Kpa nte akpa ini ɔkɔsuhɔrede isɔŋ Zebulun ye isɔŋ Naphtali, kpa ntre ini iso eyefori usuŋ inyaŋ, ye edem Jordan oko, ye Galilee mme idut.

JEREMIAH 17:5

Ntem ke Jehovah ɔdɔhɔ, ete, Osuk ɔdɔdiɔk ɔnɔ owo eke edibuɔtde idem ye owo, onyuŋ onimde obukidem ke ubɔk esie, esit esie onyuŋ ɔwɔŋɔrede ɔkpɔŋ Jehovah.

JEREMIAH 50:17

Israel edi erɔŋ eke esuanade: mme lion emebin enye efep: edidem Assyria ama ebem iso adia enye; ndien ke emi Nebucha-drezzar edidem Babylon emi etiene edem obuŋ enye ɔkpɔ.

EZEKIEL 23:5

Ekem Oholah anam use ke ini enye etiede ye ami; itɔŋ mmɔ emi emade enye, kpa nditɔ Assyria emi edide mbɔhiduŋ, onyuŋ ɔdɔŋ enye.

HOSEA 10:6

Mmɔ eyenyuŋ eda enye eka Assyria, esɔk edidem Jareb ke enɔ: Ephraim eyeda esuene, but eyenyuŋ anam Israel abaŋa item esiemɔ.

HOSEA 5:13

Ndien Ephraim okut udɔŋɔ esie, Judah onyuŋ okut unan esie, ndien Ephraim aka ke Assyria, onyuŋ ɔdɔŋ owo utom ke ɔtɔ edidem Jareh (usua); edi enye ikekwe nte anamde udɔŋɔ okure mbufo, inyuŋ ikɔkke mbufo unan.