2 NDIDEM 15:16 - Edisana ñwed Abasi Ibom

¹⁶ Ndien Menahem oto ke Tirzah ɔwɔrɔ aka akasuan Tiphsah ye kpukpru se idude ke esit, ye mme adaŋa esie: koro mmɔ misioho usuŋ inɔ enye, mmɔdo enye asuande mmɔ: onyuŋ asiak kpukpru iban mmɔ eke eyomode idibi.

2 NDIDEM 15:16 ပူးပေါင်းရင်းမြစ်များ

1 NDIDEM 4:24

Koro enye akarade ofuri edem akpa emi, ɔtɔŋɔde ke Tiphsah tutu osim ke Gaza, onyuŋ akara kpukpru ndidem ke edem akpa emi; onyuŋ etie ke emem ke edem esie kpukpru.

2 NDIDEM 15:15

Ndien ama edi ikɔ Shallum eke esuhɔde, ye odu emi enye odukde, sese, ewet mmɔ esin ke ŋwed ikɔ eyo ndidem Israel.

2 NDIDEM 8:12

Ndien Hazael obup ete, Ɔbɔŋ mi atua nso? Ndien enye ete, Koro mfiɔkde mme idiɔk-ŋkpɔ emi afo edinamde nditɔ Israel; afo eyekim ikaŋ ke mkpɔsɔŋ ebiet mmɔ, onyuŋ owot mkparawa mmɔ ke ofut, onyuŋ oyibi nditɔwɔŋ mmɔ, onyuŋ asiak iban mmɔ eke eyomode idibi.

HOSEA 13:16

Samaria eyesio isop; koro enye ɔsɔŋde ibuot ye Abasi esie: mmɔ eyeduɔŋɔ ke ofut. Eyesuok abak-inua mmɔ mbai-mbai, enyuŋ esiak iban mmɔ eke eyomode idibi.

AMOS 1:13

Ntem ke Jehovah ɔdɔhɔ, ete, Idiɔk ido nditɔ Ammon ita ye inan iyakke mi ŋkabare enye (ufen) mfep; koro mmɔ esiakde iban idibi ke Gilead, man esehere adaŋa mmɔ.

JUDGES 9:52

Ndien Abimelech aka ke tower oro, akaŋwana ye enye, onyuŋ asaŋa ekpere enyin-usuŋ tower, ete ifɔp enye ke ikaŋ.