2 NDIDEM 12:9 - Edisana ñwed Abasi Ibom

⁹ Ekem Jehoiada oku ada ekebe kiet, otibi odudu ke okukip esie, onyuŋ ada enye ɔdiɔk ke ŋkaŋ itie-uwa, ke nnasia nte owo odukde ke ufɔk Jehovah: ndien mme oku eke ekpemede usuŋ emen kpukpru silver eke edade esɔk ufɔk Jehovah esin do.

2 NDIDEM 12:9 ပူးပေါင်းရင်းမြစ်များ

2 NDIDEM 12:8

Ndien mme oku enyime, ete idibɔhɔ aba mbio-obio silver, idinyuŋ idiɔŋke ŋwure ufɔk.

2 NDIDEM 22:4

ete, Dɔk ke ɔtɔ Hilkiah akwa oku, ete enye ɔnɔ silver emi edade esɔk ufɔk Jehovah, emi mme ekpeme-inua-otop ebɔde mbio-obio ebon:

2 NDIDEM 23:4

Ndien edidem owuk Hilkiah akwa oku, ye mme oku udiana-akpa udim, ye mme andikpeme enyin-usuŋ, ete esio kpukpru mkpoduoho oro ekenamde enɔ Baal, ye Asherah, ye ofuri udim enyɔŋ, ke ufɔk Jehovah efep: ndien enye ɔfɔp mmɔ ke edem Jerusalem ke iŋwaŋ Kidron, ndien ada ntɔŋ mmɔ aka ke Beth-el

2 NDIDEM 25:18

Etubom mbon ukpeme onyuŋ ada Seraiah akwa oku, ye Zephaniah, adiana-akpa oku, ye mme andikpeme - usuŋ ita:

1 CHRONICLES 15:18

ndien nditɔ-ete mmɔ, ke udiana, kpa Zechariah, ye Ben, ye Jaaziel, ye Shemiramoth, ye Jehiel, ye Unni, ye Eliab, ye Benaiah, ye Maaseiah, ye Mattithiah, ye Eliphelehu, ye Mikneiah, ye Obed-edom, ye Jeiel, mme etie-usuŋ, esaŋa ye mmɔ.

1 CHRONICLES 15:24

Shebaniah ŋko, ye Joshaphat, ye Nethanel, ye Amasai, ye Zechariah, ye Benaiah, ye Eliezer, mme oku, edi mme andifuri ukorowo ke iso ekebe Abasi; Obed-edom ye Jehiah enyuŋ edi mme etie-usuŋ ke eke ekebe.

ŊWED MME PSALM 84:10

Koro usen kiet ke okure fo ɔmɔfɔn akan tɔsin. Mmemek ndida ke asaŋ-udɔk ke ufɔk Abasi mi, akan ndiduŋ ke mme tent mme oburobut owo.

JEREMIAH 35:4

ndien nda mmɔ ndi ke ufɔk Jehovah, ke ubet nditɔ Hanan, eyen Igdaliah, owo Abasi, emi odude ke ŋkaŋ ubet mbɔŋ, emi odude ke enyɔŋ ubet Maaseiah eyen Shallum emi ekpemede inua otop.

JEREMIAH 52:24

Ndien etubom mbon-ukpeme edidem ada Seraiah akpan oku ye Zephaniah udiana oku, ye mme etie usuŋ mbita:

MARK 12:41

Ekem Enye ɔsuhɔre etetie ekem iso ye usin-etibe, onyuŋ okut nte otu owo esinde okuk ke usin-etibe; ediwak mbon inyene enyuŋ esin ediwak okuk.

LUKE 21:1

JESUS emenere enyin okut nte mbon inyene esinde enɔ mmɔ ke usin-etibe.