2 NDIDEM 12:18 - Edisana ñwed Abasi Ibom

¹⁸ Ndien Jehoash edidem Judah emen kpukpru edisana ŋkpɔ oro Jehoshaphat, ye Jehoram, ye Ahaziah, mme ete esie, ndidem Judah, ekenimde, ye ndisana ŋkpɔ esiemɔ, ye ofuri gold eke ekutde ke ebiet unim-ŋkpɔ ufɔk Jehovah, ye ke eke ufɔk edidem ɔnɔ esɔk Hazael edidem Syria: ndien enye ɔdɔk ɔkpɔŋ Jerusalem.

2 NDIDEM 12:18 ပူးပေါင်းရင်းမြစ်များ

1 NDIDEM 14:26

onyuŋ ada ŋkpɔ-uto ufɔk Jehovah, ye ŋkpɔ-uto ufɔk edidem efep; enye ada kpukpru: onyuŋ emen kpukpru otu-ekɔŋ o gold oro Solomon akanamde, ɔnyɔŋ.

1 NDIDEM 15:18

Ndien Asa ada kpukpru silver ye gold emi ɔsuhɔde ke ebiet-unim ŋkpɔ-uto ufɔk Jehovah, ye ke ebiet unim ŋkpɔ uto ufɔk edidem, ada mmɔ esin ikɔt esie ke ubɔk: ndien edidem Asa ɔnɔ mmɔ esɔk Benhadad eyen Tabrimmon, eyen Hezion, edidem Syria, emi oduŋde ke Damascus, ete,

2 NDIDEM 12:19

Ndien ama edi ikɔ Joash emi esuhɔde, ye kpukpru se enye akanamde, nte ikewetke mmɔ isin ke ŋwed eyo ndidem Judah?

2 NDIDEM 12:4

Ekem Jehoash ɔdɔhɔ mme oku, ete, Ofuri silver emi ekam edade esɔk ufɔk Jehovah, kpa silver mmɔ eke ebatde, ye silver ufak owo nte ekɔmde enɔ enye, ye ofuri silver eke odukde owo ke esit ndida nsɔk ufɔk Jehovah,

2 NDIDEM 14:14

Enye onyuŋ ada ofuri gold ye silver, ye kpukpru mkpɔduɔhɔ emi mmɔ ekutde ke ufɔk Jehovah, ye ke ebiet unim-ŋkpɔ ufɔk edidem, ye mbon ubiɔŋ, ndien ɔnyɔŋ ke Samaria.

2 NDIDEM 16:8

Ndien Ahaz ada silver ye gold oro ekutde ke ufɔk Jehovah, ye ke ebiet unim-ŋkpɔ ufɔk edidem, ɔnɔ esɔk edidem Assyria ke enɔ.

2 NDIDEM 8:12

Ndien Hazael obup ete, Ɔbɔŋ mi atua nso? Ndien enye ete, Koro mfiɔkde mme idiɔk-ŋkpɔ emi afo edinamde nditɔ Israel; afo eyekim ikaŋ ke mkpɔsɔŋ ebiet mmɔ, onyuŋ owot mkparawa mmɔ ke ofut, onyuŋ oyibi nditɔwɔŋ mmɔ, onyuŋ asiak iban mmɔ eke eyomode idibi.

2 CHRONICLES 16:2

Ndien asa osio silver ye gold ke unim-ŋkpɔ ufɔk Jehovah, ye eke ufɔk edidem, ɔnɔ esɔk Ben-hadad edidem Syria, emi oduŋde ke Damascus, ete,

2 CHRONICLES 24:17

Ekem ke ini Jehoiada akpade, mme etubom Judah edi edituak ibuot enɔ edidem. Ndien edidem okop uyo mmɔ.

JOEL 3:5

Koro mbufo ekemende silver mi ye gold mi efep, enyuŋ emen ndiye ŋkpɔ-uto mi, ekesin ke mme temple mbufo.