2 NDIDEM 11:2 - Edisana ñwed Abasi Ibom

² Edi Jehosheba eyen edidem Joram aŋwan, eyen-ete Ahaziah aŋwan, ada Joash eyen Ahaziah, oyip enye efep ke otu nditɔ edidem oro mmɔ eyomde ndiwot, kpa enye ye edep esie, oduk ke ubet mkpana; ntre ke eda enye edip Athaliah; ndien iwotke enye.

2 NDIDEM 11:2 ပူးပေါင်းရင်းမြစ်များ

1 NDIDEM 11:17

ndien Hadad efehe, kpa enye, ye ndusuk nditɔ Edom ŋko emi edide ikɔt ete esie, aka ke Egypt; Hadad onyuŋ edi ata eyenɔwɔŋ.

1 NDIDEM 6:10

Enye onyuŋ ɔbɔp ufɔk enyɔŋ emi idaha esie edide ibio-idomo-okuk ition, adian ke ŋkaŋ ofuri ufɔk, ndien enye (ufɔk enyɔŋ) omum (ata) ufɔk ke eto cedar.

1 NDIDEM 6:8

Enyin-usuŋ esine-ufɔt ubet odu ke ŋkaŋ ufɔk nnasia: ndien mmɔ eduk ke udigukot emi akabarede esim deck emi esinede ke ufɔt, ndien eto ke esine-ufɔt deck edɔk ke ɔyɔhɔ ita.

2 NDIDEM 11:21

Jehoash ekedi owo isua itiaba kini enye ɔtɔŋɔde ndikara nte edidem.

2 NDIDEM 11:3

Ntre ke eyen odu ye enye ke ufɔk Jehovah, odibe ke isua itiokiet. Ndien Athaliah ada ubɔŋ obio.

2 NDIDEM 12:1

JEHOASH osim isua itiaba ke ini enye adade ubɔŋ. Jehoash ada ubɔŋ ke ɔyɔhɔ isua Jehu itiaba; onyuŋ edi edidem ke Jerusalem ke isua aba. Enyiŋ eka esie onyuŋ ekere Zibiah a Beer-sheba.

2 NDIDEM 8:16

Ekem ke ɔyɔhɔ isua Joram eyen Ahab edidem Israel, ition, ke ini Jehoshaphat edide edidem Judah, Jehoram eyen Jeoshaphat edidem Judah ada ubɔŋ.

2 NDIDEM 8:19

Edi Jehovah inyimeke ndibiat Judah, mbaŋa David owo esie, kpa nte enye ɔkɔŋwɔŋɔde ɔnɔ enye, ete iyeda utuenikaŋ inɔ enye, kpa nditɔ esie, ke nsinsi.

1 CHRONICLES 3:11

Joram eyen esie, Ahaziah eyen esie, Joash eyen esie; Amaziah eyen esie,

2 CHRONICLES 22:11

Edi Jehoshabeath, eyen edidem aŋwan, ada Joash eyen Ahaziah, oyip enye osio ke ufɔt nditɔ edidem oro ekewotde, onyuŋ esin enye ye edep esie ke ubet nna. Ntre ke Jehoshabeath eyen edidem Jehoram aŋwan, ŋwan Jehoiada oku, (koro enye edide eyeneka Ahaziah aŋwan) ada enye odip Athaliah, ndien enye iwotke enye.

EXODUS 8:3

Ndien ikwɔt eyeyɔhɔ ke akpa: eyenyuŋ edɔk eduk ke ufɔk fo, ye ke ubet nna fo, ye ke ufɔk ikɔt fo, ye ke idem mbio-obio fo, ye ke usaŋ-uyo fo, ye ke unuak-uyo fo:

MME ŊKE 21:30

Baba eti ibuot, baba mbufiɔk, baba item eke ekemde ye Jehovah iduhe.

ISAIAH 37:35

Emi edi uyo Jehovah. Ndien ami nyekpeme obio emi nnyuŋ nnyaŋa enye, mbaŋa idem mi, nnyuŋ mbaŋa David owo mi.

JEREMIAH 33:17

Koro ntem ke Jehovah ɔdɔhɔ ete, Owo David iditreke nditie ke ebekpo ufɔk Israel;

JEREMIAH 33:21

ndien eyekeme ndibiat ediomi mi (emi ŋkodiomide) ye David owo mi, man enye okunyene eyen eke edidade ubɔŋ ke ebekpo esie, ye eke mme Levite mme oku ŋko emi esaŋade utom enɔ mi.

JEREMIAH 33:26

ndien nyemen ubon Jacob ye ubon David owo mi ŋko nduɔk, ndinyuŋ nsioho aba owo eke edikarade ubon Abraham, ye Isaac, ye Jacob, ke ubon esie: koro nyeda nditɔ mmɔ emi eketaŋde efep mfiak ndi, nnyuŋ ntua mmɔ mbɔm.

JEREMIAH 35:2

Ka ke ufɔk mme Rechabite, nyuŋ neme ye mmɔ, nyuŋ da mmɔ di ke ufɔk Jehovah ke ubet kiet, ndien nɔ mmɔ wine eŋwɔŋ.

JEREMIAH 36:26

Ndien edidem owuk Jerahmeel eyen edidem, ye Seraiah eyen Azriel, ye Shelemiah eyen Abdeel, ete emum Baruch andiwet ŋwed ye Jeremiah prophet: edi Jehovah odip mmɔ.

EZEKIEL 40:45

Ndien enye ɔdɔhɔ mi, ete, Ubet emi esede edem usuk enyene mme oku emi esaŋade utom ufɔk.

JUDGES 9:5

Ndien enye aka ke ufɔk ete esie ke Ophrah, akada nditɔ-ete esie, nditɔ iren Jerubbaal, owo ata ye duop, owot ke enyɔŋ itiat kiet; edi Jotham ekpri eyen Jerubbaal ɔsuhɔ: koro enye okodibede.