27 enyuŋ ebom mme adaha Baal, enyuŋ ewuri ufɔk Baal, ndien enim enye ke ufɔk-ekwe tutu osim mfin emi.
Enye onyuŋ anam itie-uwa ɔnɔ Baal ke ufɔk Baal oro enye ɔkɔbɔpde ke Samaria.
Ntre ke Jehu osobo Baal ke Israel efep.
Ekem kpukpru mbio-obio eka ke ufɔk Baal, ekewuri enye; mmɔ etim ebom mme itie-uwa esie ye mbiet esie, enyuŋ ewot Mattan oku Baal ke iso mme itie-uwa esie.
Enye abiat mme edikoŋ ebiet efep, onyuŋ obom mme adaha, onyuŋ asiak mme eto-mkpe, onyuŋ ada urukikɔt okpoho oro Moses akanamde, anuak mbai-mbai, koro nditɔ Israel ekam efɔpde incense enɔ enye tutu osim usen oro: ndien enye okot enye, ete Nehustan (okpoho).
Ndien enye anam idiɔk ke iso Jehovah; edi inamke nte ete esie ye eka esie: enye onyuŋ emen adaha Baal oro ete esie akanamde, efep.
Ami mmonyuŋ ŋwuk ewuhɔ, nte, Yak esio eto ke ufɔk owo ekededi eke ɔkpuhɔrede ikɔ emi, ewuk, enyuŋ eyiri enye ke esit; enyuŋ enim ufɔk esie ke ufɔk ekwe, ebaŋa ŋkpɔ emi.
Edi mbufo ewuri mme itie uwa mmɔ, ebom mme adaha mmɔ, enyuŋ esiak mme eto-mkpe mmɔ:
Edidem ɔbɔrɔ onyuŋ ɔdɔhɔ mme Chaldean, ete, Ŋkpɔ emi amadaha ɔkpɔŋ mi: mbufo miyarakede ndap oro inɔ mi, minyuŋ isiakke enye, eyekpok mbufo mbak-mbak, enyuŋ enim mme ufɔk mbufo ke ekwe.
Ami nnyuŋ ŋwuk ewuhɔ, nte ke eyeda idut, ye obio, ye usem eke etiŋde se minenke edian Abasi Shadrach ye Meshach ye Abednego, ekpok mmɔ mbak-mbak, enyuŋ enim ufɔk mmɔ ke ekwe: koro baba Abasi efen eke ekemede ndinyaŋa ntem miduhe.
Nyenyuŋ nsobo mme edikoŋ ebiet mbufo, nnyuŋ nsobo mbiet-utin mbufo mfep, nnyuŋ mmen mbukpit mbufo nduɔŋɔ ke mbukpit owo eto mbufo, mbufo eyenyuŋ etek mi esit.
Mbufo eda edisɔi ŋkpɔ mbiet mme abasi mmɔ efɔp ke ikaŋ: kuyom silver ye gold eke ɔfuhɔde mmɔ ke idem, kunyuŋ uda enye ke idem fo, mbak enye edisin afia amia fi: koro Jehovah Abasi fo esede enye ke ŋkpɔ mbubiam.
Edi mbufo enam ntem ye mmɔ; ewuri mme itie-uwa mmɔ, enyuŋ ebom mme adaha mmɔ, enyuŋ esiak eto-mkpe mmɔ, enyuŋ efɔp edisɔi mbiet mmɔ ke ikaŋ.