2 NDIDEM 10:19 - Edisana ñwed Abasi Ibom

¹⁹ Mbufo ekot, ndien, kpukpru mme prophet Baal, kpukpru ikɔt esie, ye kpukpru oku esie, enɔ mi; baba owo kiet okutre ndidi: koro nnyenede ndiwa akamba uwa nnɔ Baal; owo eke etrede ndidi ididuhe uwem. Edi Jehu anam ke ŋkari, man enye osobo ikɔt Baal.

2 NDIDEM 10:19 ပူးပေါင်းရင်းမြစ်များ

1 NDIDEM 18:19

Kam dɔŋ ekebon ofuri Israel enɔ mi ke obot Carmel, ye mme prophet Baal ikie inaŋ ye aba ye duop, ye mme prophet Asherah owo ikie inaŋ emi ediade ŋkpɔ ke okpokoro Jezebel.

1 NDIDEM 22:6

Ndien edidem Israel obon mme prophet, owo ikie inaŋ, ɔtɔ kiet, ndien obup mmɔ, ete, Nte ŋka ekɔŋ ke Ramoth-gilead, mme ŋkuka? Ndien mmɔ ebɔrɔ ete, Dɔk: ndien Ɔbɔŋ eyeda enye esin edidem ke ubɔk.

2 NDIDEM 10:18

Ekem Jehu obon kpukpru mbio-obio, onyuŋ ɔdɔhɔ mmɔ, ete, Ahab akanam ŋkpɔ Baal esisit, edi Jehu eyenam ŋkpɔ ɔnɔ enye eti-eti.

2 NDIDEM 3:13

Ndien Elisha ɔdɔhɔ edidem Israel, ete, Nsaŋa nso ye afo? Tiene mme prophet usɔ, ye mme prophet uka. Ndien edidem Israel ɔdɔhɔ enye, ete, Ih ih: koro Jehovah ama okot ndidem ita emi edi, ete ida mmɔ isin ke ubɔk Moab.

ŊWED JOB 13:7

Emie mbufo etiŋ se minenke ebaŋa Abasi, enyuŋ etiŋ abiaŋa ebaŋa enye?

MME ŊKE 29:5

Owo eke enemde inua abaŋa mbɔhiduŋ esie ɔkɔbi iyire ɔnɔ ikpat ukot esie.

2 ŊWED CORINTH 11:3

Edi mmefehe ndik, mbak ke usuŋ ekededi, nte urukikɔt akabiaŋade Eve ke ŋkari esie, edibiat ekikere mbufo, enam mbufo etre ndinyene esit akpanikɔ ye eti ido ye Christ.

2 ŊWED CORINTH 4:2

edi imakpaŋa nsa ye ndibe-ndibe ido eke enyenede but, isaŋake ke ŋkari, inyuŋ idaha nsu ibuak ye ikɔ Abasi; edi ke erisian se idide akpanikɔ aŋwa-aŋwa, ke inam kpukpru owo efiɔk ke esit mmɔ, ete nnyin inanam se inende ke iso Abasi.

1 ŊWED THESSALONICA 2:3

Koro nnyin mikadaha oyoŋ ekikere, mme esit ndek, mme abiaŋa, ikpe ye mbufo;