2 NDIDEM 1:3 - Edisana ñwed Abasi Ibom

³ Ndien angel Jehovah ɔdɔhɔ Elijah Tishbite, ete, Daha ke enyɔŋ, dɔk kosobo ye mme isuŋ-utom edidem Samaria, nyuŋ bup mmɔ, ete, Ndi koro Abasi miduhe ke Israel, esin mbufo eka ndibup Baal-zebub abasi Ekron?

2 NDIDEM 1:3 ပူးပေါင်းရင်းမြစ်များ

1 NDIDEM 11:33

koro mmɔ emekpɔŋ mi, emenyuŋ etuak ibuot enɔ Astoreth idem Zidon, ye Chemosh idem Moab, ye Milcom idem nditɔ Ammon; inyuŋ isaŋake ke usuŋ mi, inyuŋ inamke se inende ke enyin mi, inyuŋ inimke mme ewuhɔ mi, ye mbet mi, nte David ete esie.

1 NDIDEM 17:1

EKEM Elijah Tishbite emi otode ke mme andiduŋ Gilead, ɔdɔhɔ Ahab, ete Ma uwem Jehovah Abasi Israel, emi ndade enye ke iso, mbara ye edim ididuhe ke mme isua emi, ke mitoho ke uyo mi.

1 NDIDEM 18:1

EDIKEM ediwak usen ema ekebe, ndien uyo Jehovah osim Elijah ke ɔyɔhɔ isua ita, ete, Ka kowut Ahab idemfo; ndien nyenam edim edep ke iso isɔŋ.

1 NDIDEM 18:36

Edikem ke ini emi ekam ewade uwa, prophet Elijah asaŋa ekpere, onyuŋ ɔdɔhɔ ete, O Jehovah Abasi Abraham, ye eke Isaac, ye eke Israel, ke ami nnyuŋ ndi owo fo, ke nnyuŋ nnam kpukpru ŋkpɔ emi ke uyo fo.

1 NDIDEM 19:5

Ekem enye ana ke idak juniper oro ede idap, ndien, se do, angel kiet atuak enye, onyuŋ ɔdɔhɔ enye, ete, Daha ke enyɔŋ dia ŋkpɔ.

1 NDIDEM 19:7

Ekem angel Jehovah ɔtɔŋɔ ntak edi edituak enye, ete, Daha ke enyɔŋ dia ŋkpɔ; koro usuŋ emi oyomde akan fi.

1 NDIDEM 21:17

Ndien uyo Jehovah osim Elijah Tishbite, ete,

2 NDIDEM 1:2

Ndien Ahaziah oto ke window ubet-enyɔŋ esie emi odude ke Samaria ɔduɔ, ndien udɔŋɔ anam enye; ndien enye ɔdɔŋ mme isuŋ-utom, onyuŋ ɔdɔhɔ mmɔ, ete, Mbufo eka ekebup Baal-zebub abasi Ekron, mme udɔŋɔ emi eyekure mi.

2 NDIDEM 1:6

Owo kiet oto edibiɔŋɔre ke iso nnyin, onyuŋ ɔdɔhɔ nnyin, ete, Mbufo efiak etiene edidem emi ɔkɔdɔŋde mbu-tom, enyuŋ edɔhɔ enye, ete, Ntem ke Jehovah ɔdɔhɔ ete, Ndi koro Abasi miduhe ke Israel, esin afo ɔdɔŋ ekebup Baal-zebub abasi Ekron?

2 NDIDEM 1:8

Ndien mmɔ ebɔrɔ enye, ete, Enye ekedi idet-idet owo, mbɔbɔ ikpa onyuŋ ɔbɔbɔ enye ke isin. Ndien enye ete, Ke edi Elijah Tishbite.

2 NDIDEM 5:15

Ekem, enye ye ofuri udim esie efiak ekesim owo Abasi, edi edida enye ke iso: ndien enye ɔdɔhɔ ete, Mbɔk, sese, mmɔfiɔk nte ke baba Abasi kiet iduhe ke ofuri ereri-mbot, ke mibɔhɔke ke Israel: mbɔk ndien, bɔ owo fo ŋkpɔ mfɔn.

2 NDIDEM 5:8

Edikem ke ini Elisha, owo Abasi, okopde ete ke edidem Israel ama asiak ɔfɔŋ-idem esie, enye ɔdɔŋ ekedɔhɔ edidem, ete, Nsinam afo akasiakde ɔfɔŋ-idem fo? Yak enye etiene mi, ndien enye eyefiɔk ete ke prophet ododu ke Israel.

ŊWED MME PSALM 76:1

EMEFIƆK Abasi ke Judah; enyiŋ esie omokpon ke Israel.

ISAIAH 8:19

Ndien adaŋemi mmɔ edɔhɔde mbufo, ete, Mbufo ebup ndem, ye mbia-idiɔŋ emi ekunide, enyuŋ enunde ikɔ: nte mbio ikpobupke Abasi mmɔ? (Nte ekpebup) mme akpa-mkpa enɔ mme odu-uwem?

JONAH 2:8

Mmɔ eke enimde nsu-nsu ye ikpikpu ŋkpɔ eduɔk mfɔn mmɔ.

MARK 3:22

Ndien mme scribe emi etode ke Jerusalem esuhɔre edi, edɔhɔ ete, Enye enyene Beelzebub, ŋko, Enye ada ɔbɔŋ mme demon ebin mme demon ɔduɔk.

UTOM MME APOSTLE 8:26

Edi angel Jehovah ɔdɔhɔ Philip ete, Daha ke enyɔŋ, saŋa ke edem usuk-usuk, kosim usuŋ emi otode ke Jerusalem ɔsuhɔre aka Gaza; emi edide desert.

1 SAMUEL 17:46

Mfin emi Jehovah eyeda fi esin mi ke ubɔk; ndien nyewot fi, nnyuŋ mbigi fi ibuot; nyenyuŋ nda okpo mbon ekɔŋ mme Philistine mfin emi, nnɔ mme inuen enyɔŋ, ye mme unam ikɔt; man ofuri ererimbot efiɔk ete ke Israel enyene Abasi.