2 NDIDEM 1:16 - Edisana ñwed Abasi Ibom

¹⁶ Ndien enye ɔdɔhɔ enye, Ntem ke Jehovah ɔdɔhɔ ete, Koro afo ɔkɔdɔŋde mme isuŋ-utom ekebup Baal-zebub abasi Ekron, ndi koro Abasi miduhe ke Israel eke ekpebupde uyo esie? Mmɔdo mudutoho ke bed emi afo ɔkɔdɔkde, usuhɔre, edi udutreke ndikpa.

2 NDIDEM 1:16 ပူးပေါင်းရင်းမြစ်များ

1 NDIDEM 22:28

Ndien Micaiah ɔdɔhɔ ete, Afo ama afiak ke ifure, Jehovah ikadaha inua mi itiŋ. Enye onyuŋ ɔdɔhɔ ete, Mbufo akpaimɔ ekop.

2 NDIDEM 1:6

Owo kiet oto edibiɔŋɔre ke iso nnyin, onyuŋ ɔdɔhɔ nnyin, ete, Mbufo efiak etiene edidem emi ɔkɔdɔŋde mbu-tom, enyuŋ edɔhɔ enye, ete, Ntem ke Jehovah ɔdɔhɔ ete, Ndi koro Abasi miduhe ke Israel, esin afo ɔdɔŋ ekebup Baal-zebub abasi Ekron?

2 NDIDEM 20:1

KE ini oro Hezekiah ɔdɔŋɔ udɔŋɔ mkpa. Ndien prophet Isaiah eyen Amoz aka ke ɔtɔ esie, ɔkɔdɔhɔ enye, ete, Ntem ke Jehovah ɔdɔhɔ, ete, Tim ŋkpɔ ufɔk fo: koro afo eyekpa, ududuhe uwem.

2 NDIDEM 5:21

Ntre ke Gehazi ebine Naaman. Ekem adaŋemi Naaman okutde ete ke ebine imɔ, enye oto ke chariot esie ɔsuhɔre edisobo ye enye, ndien obup enye, ete, Nte ŋkpɔ ɔfɔn?

2 NDIDEM 8:10

Ndien Elisha ɔdɔhɔ enye, ete, Ka kɔdɔhɔ ete, “Idikureke kure”. Jehovah omonyuŋ asian mi, ete ke enye iditreke ndikpa.

2 NDIDEM 8:8

Ndien edidem ɔdɔhɔ Hazael, ete, Da enɔ ke ubɔk fo, ka kosobo ye owo Abasi oro, nyun da enye bup Jehovah, ete, Nte udɔŋɔ emi edikure mi?

ŊWED MME PSALM 132:3

Ndidukke ke tent iduŋ mi, ndinyuŋ ndɔkke ke bed emi mbride;

MME ŊKE 11:19

Nte eti ido asaŋade ke uwem: kpa ntre ŋko ke owo eke ebinede idiɔk ido asaŋa etiene mkpa esie.

EZEKIEL 14:4

Neme ye mmɔ ndien, nyuŋ dɔhɔ mmɔ, ete, Ntem ke Ɔbɔŋ Jehovah ɔdɔhɔ, ete, Kpukpru owo ufɔk Israel eke edimende ibɔk mmɔ ewuk ke esit mmɔ, enyuŋ edade ŋkpɔ iduɔ idiɔk ido mmɔ enim ke iso mmɔ, ndien edi ke ɔtɔ prophet; ami Jehovah nyebɔrɔ mmɔ ke esit, nte ekemde ye ediwak ibɔk mmɔ;