2 NDIDEM 1:13 - Edisana ñwed Abasi Ibom

¹³ Ndien enye ɔtɔŋɔ ntak ɔdɔŋ etubom owo aba ye duop ɔyɔhɔ ita, ye owo esie aba ye duop, utom. Ndien etubom aba ye duop ɔyɔhɔ ita ɔdɔk, aka ɔkɔtɔŋɔ edɔŋ esie ke iso Elijah, onyuŋ ekpe enye ubɔk, onyuŋ ɔdɔhɔ enye, ete, Owo Abasi, mbɔk, yak uwem mi, ye uwem owo fo aba ye duop emi, edi ŋkpɔ-uto ke enyin fo.

2 NDIDEM 1:13 ပူးပေါင်းရင်းမြစ်များ

1 NDIDEM 13:6

Ndien edidem ɔbɔrɔ owo Abasi oro, ete, Mbɔk, beŋe Jehovah Abasi fo, nyuŋ kpe enye ubɔk nɔ mi, ete Enye ayak ubɔk mi afiak mi ke idem. Ndien owo Abasi oro ebeŋe Jehovah, ndien ubɔk edidem afiak adiana enye ke idem, onyuŋ akabare etie nte akpa.

2 NDIDEM 1:12

Ndien Elijah ɔbɔrɔ mmɔ, ete, Edieke ami ndide owo Abasi, yak ikaŋ oto ke enyɔŋ ɔsuhɔre, ata fi ye owo fo aba ye duop. Ndien ikaŋ Abasi oto ke enyɔŋ ɔsuhɔre, ata enye ye owo esie aba ye duop.

2 NDIDEM 1:14

Sese, ikaŋ okoto ke enyɔŋ ɔsuhɔre, ata akpa mme etubom aba ye duop mbiba, ye mme aba ye duop mmɔ: edi ke emi se uwem mi ke ŋkpɔ uto.

ŊWED MME PSALM 102:17

Enye amakabare ese akam eyen ubuene, inyuŋ isinke akam mmɔ ke ndek.

ŊWED MME PSALM 72:14

Enye eyefak ukpɔŋ mi osio ke ukut ye nnama: onyuŋ ese iyip mmɔ ke ŋkpɔ-uto.

EXODUS 11:8

Ndien kpukpru mme mmɔ emi ikɔt fo eyesuhɔre etiene mi, enyuŋ enuhɔ enɔ mi, ete, Wɔrɔ, afo ye kpukpru mbio emi esaŋade ye afo; ndien ke ŋkpɔ emi ebede, nyewɔrɔ. Ndien enye ɔwɔrɔ ɔkpɔŋ Pharaoh ke akwa ikpahesit.

MME ŊKE 27:22

Ada eyen-uruŋ otim ndisime owo ke uruŋ ke otu editim ibokpot, ebiɔ esie idikpɔŋke enye.

ECCLESIASTES 9:3

Emi ɔdiɔk ke kpukpru se mmɔ enamde ke idak utin, emi ŋkpɔ kiet ɔnɔmɔde kpukpru: ndien ŋko idiɔk ɔyɔhɔ nditɔ owo ke esit, idat onyuŋ odu mmɔ ke esit, ke uwem mmɔ; ndien ke ini oro ebede, mmɔ eka mkpa.

ISAIAH 1:5

Edinam didie esuk emia mbufo? Mbufo edediɔŋ ekabare ekpɔŋ mi: ofuri ibuot ke ɔdɔŋɔ, ofuri esit ke onyuŋ akpa.

ISAIAH 60:14

Ndien nditɔ mmɔ emi ekefikde fi, eyedi edinuhɔ enɔ fi; kpukpru mmɔ emi ekesinde fi ke ndek eyenyuŋ enuhɔ ke ikpat ukot fo; ndien mmɔ eyekot fi, ete, “Obio Jehovah, Zion Edisana Abasi Israel.”

ISAIAH 66:2

Ndien Jehovah ɔdɔhɔ, ete, Ubɔk mi akanam kpukpru ŋkpɔ, ndien kpukpru mmɔ emi edu: ndien nyewuk enyin nse owo emi, kpa eyen ukut, emi esit onyuŋ ɔtuhɔde, emi onyuŋ enyekde abaŋa ikɔ mi.

JEREMIAH 5:3

O Jehovah, nte enyin fo isehe akpanikɔ? Afo ɔkɔtɔ mmɔ, edi mmɔ ikopke ubiak; afo okosobo mmɔ, mmɔ inyimeke ndikop item: esɔŋɔ iso mmɔ ekan itiat; inyimeke ndifiak ndi.

JAMES 4:7

Esuk idem ndien enɔ Abasi; eŋwana ye satan, ndien enye eyefehe ɔkpɔŋ mbufo;

ERIYARARE 3:9

Sese, mmɔnɔ mmɔ emi etode synagogue Satan, emi edɔhɔde ete mme imɔ idi mme Jew, ndien mmɔ idige, edi esosu; sese, nyenam mmɔ edi edituak ibuot ke ukot fo, enyuŋ efiɔk ete, Ami ŋkamama fi.

1 SAMUEL 26:21

Ndien Saul ɔdɔhɔ ete, Mmanam idiɔk: fiak edem, eyen mi, David: koro mmendinamke aba fi idiɔk ŋkpɔ; koro afo akabatde uwem mi ke ŋkpɔ uto mfin emi: sese, mmanam ndisime, mma nnyuŋ ndue eti-eti.