2 JOHN 1:8 - Edisana ñwed Abasi Ibom

⁸ Ekpeme idem mbak mbufo edibiat se nnyin ikanamde utom ibaŋa enye, edi man ekpɔbɔ utip ɔyɔhɔ-ɔyɔhɔ.

2 JOHN 1:8 ပူးပေါင်းရင်းမြစ်များ

DANIEL 12:3

Ndien mmɔ eke enyenede eti ibuot, eyeyama nte ikpa-enyɔŋ ayamade: mmɔ eke enamde ediwak owo ekabare edi edinen, eyenyuŋ ebiet ntanta-ɔfiɔŋ ke nsinsi-nsinsi.

MATTHEW 24:4

Ndien Jesus ɔbɔrɔ mmɔ ete, Ekpeme mbak owo baba kiet ididaha mbufo iwaha ikpɔŋ usuŋ.

MARK 13:23

Edi mbufo ekpeme: sese, mmebem iso ntiŋ kpukpru ŋkpɔ do nnɔ mbufo.

MARK 13:9

Edi mbufo ekpeme idem mbufo; koro eyeyak mbufo esin ke ubɔk esop, eyenyuŋ emia mbufo ke mme synagogue; mbufo eyenyuŋ eda ke iso mme andikara ye ndidem kabaŋa Mi, man edi ntiense enɔ mmɔ.

LUKE 19:19

Ndien ɔbɔŋ esie ɔdɔhɔ enye ŋko ete, Afo nde di andikara obio ition.

LUKE 21:8

Edi Enye ɔdɔhɔ ete, Ekpeme mbak edinam mbufo ewaha ekpɔŋ usuŋ: koro ediwak owo eyedi ke enyiŋ Mi, ete, Ami ndi Enye: ŋko, Ini ke ekpere. Ekutiene mmɔ.

JOHN 4:36

Kpa ke idaha emi andikpeŋe ukpeŋe ke ɔbɔ ŋkpɔ-eyen-utom, onyuŋ ataŋ mbuŋwum ɔnɔ nsinsi uwem; man andisuan mkpasip ye andikpeŋe ukpeŋe ekpadara ɔtɔ kiet.

1 ŊWED CORINTH 15:8

Ndien ke ata ukperedem, Enye ediyarare idem owut mi ŋko, emi ntiede nte eyen eke amanade ke ini mikemke.

1 ŊWED CORINTH 3:14

Edieke utom eke owo ɔkɔbɔpde odori ke esit osuk edidu, owo oro eyebɔ utip.

1 ŊWED CORINTH 3:8

Ntem ke anditɔ ye andibɔk ke mmɔŋ edi ukem-ukem; mmɔ kiet kiet eyenyuŋ ebɔ utip mmɔ, nte ekemde ye utom mmɔ.

ŊWED MBON GALATIA 3:4

Nte ekokut uwak ukut ntem ke ikpikpu? edike edide ke ikpikpu ke akpanikɔ.

ŊWED MBON GALATIA 4:11

Mmenyene ndik mbaŋa mbufo, nte ndusuk ŋkakpa utom ikpikpu ke idem mbufo.

ŊWED MBON PHILIPPI 3:16

Edi eyak nnyin isaŋa ke se nnyin ima ikɔbɔ inyene idu uwem.

MME HEBREW 10:32

Edi eti mme usen ini oko, ini oro enyin ekatarade mbufo, mbufo ekenyuŋ ebiomde ɔkpɔsɔŋ ndusihere ndutuhɔ;

MME HEBREW 10:35

Mmɔdo ekuyak uko mbufo eduɔk, koro enye asaŋade ye akwa utip.

MME HEBREW 12:15

Etim ese mbak owo ekededi editaba mfɔn Abasi; mbak oruŋ eke edide ndot-ndot editibe otimere mbufo, onyuŋ asabare ediwak owo ke otu mbufo;

ERIYARARE 3:11

Mmɔŋ ndi iwiwa. Sɔŋɔ mum se enyenede kama, mbak owo edibɔ anyanya fo.