1 SAMUEL 8:8 - Edisana ñwed Abasi Ibom

⁸ Kpa nte mmɔ ekenamde kpukpru ŋkpɔ, toto ke usen oro ŋkadade mmɔ ke Egypt ndɔk, tutu osim mfin emi, enyuŋ ekpɔŋ mi, enyuŋ enam ŋkpɔ abasi efen, kpa ntre ŋko ke mmɔ enam ye afo.

1 SAMUEL 8:8 ပူးပေါင်းရင်းမြစ်များ

ŊWED MME PSALM 78:8

ndien ekutie nte mme ete mmɔ, emana nsɔŋ-ibuot ye emiom, emana eke mi-timke esit mmɔ; ndien spirit mmɔ isɔŋɔke ida ye Abasi.

EXODUS 16:3

nditɔ Israel enyuŋ edɔhɔ mmɔ ete, Akpakam ɔfɔn nnyin ndikpa ke ubɔk Jehovah ke isɔŋ Egypt, ke nnyin iketiede ke ɔtɔ eso unam, inyuŋ idiade udia iyuhɔ! koro mbufo emeda nnyin edi ke wilderness emi, ndiwot ofuri udim owo emi ke biɔŋ.

EXODUS 17:2

Ndien mmɔ etibi utɔk ye Moses, ete, Nɔ nnyin mmɔŋ iŋwɔŋ. Ndien Moses ɔdɔhɔ mmɔ ete, Nsinam mbufo etibide utɔk ye ami: Nsinam mbufo edomode Jehovah?

EXODUS 32:1

EDIKEM adaŋemi kpukpru owo ekutde nte Moses ebigide ndito ke enyɔŋ obot nsuhɔre, mmɔ esop idem ɔtɔ kiet etiene Aaron, enyuŋ edɔhɔ enye, ete, Daha ke enyɔŋ nam abasi kiet nɔ nnyin, eke edibemde nnyin iso aka: koro ama edi Moses, owo emi akadade nnyin ke isɔŋ Egypt, ɔdɔk edi, nnyin ifiɔkke se itibede ye enye.

JEREMIAH 34:14

Ke utit isua itiaba mbufo kpukpru esana eyen-ete mbufo, eyen Hebrew emi anyamde idem esie ɔnɔ mbufo eyak; ke adaŋemi enye anamde ŋkpɔ ke isua itiokiet, yak enye ɔwɔrɔ ufin ɔkpɔŋ ebiet mbufo: ndien mme ete mbufo ikopke uyo mi, inyuŋ ikpaŋke utɔŋ mmɔ.

EZEKIEL 2:3

Ndien enye ɔdɔhɔ mi, ete, Eyen owo, ami mmɔŋ ndɔŋ fi utom ke ɔtɔ nditɔ Israel, ke ɔtɔ mbon idut enyene nsɔŋ-ibuot emi esɔŋɔde ibuot ye ami: mmɔ ye mme ete mmɔ emenam idiɔk ye ami, tutu osim idem mfin emi.

NUMBERS 16:41

Ndien mkpɔŋ kpukpru mbon esop nditɔ Israel esuk Moses ye Aaron uyo, ete, Mbufo emewot ikɔt Jehovah.

DEUTERONOMY 9:24

Mbufo esuk esɔsɔŋ ibuot ye Jehovah, toto ke usen emi ŋkɔfiɔkde mbufo.

JUDGES 13:1

EKEM nditɔ Israel etɔŋɔ ntak enam idiɔk ke iso Jehovah; ndien Jehovah ada mmɔ ɔnɔ mme Philistine ke ubɔk ke ofuri isua aba.

JUDGES 2:20

Ndien Jehovah ayat esit ye Israel, enye onyuŋ ɔdɔhɔ ete, Koro mbio emi ema ekebiat ediomi mi emi ami ŋkowukde mme ete mmɔ, minyuŋ ikopke uyo mi;

JUDGES 4:1

NDIEN nditɔ Israel etɔŋɔ ntak enam idiɔk ke iso Jehovah, adaŋemi Ehud ama akakpa.

JUDGES 6:1

EKEM nditɔ Israel enam idiɔk ke iso Jehovah: ndien Jehovah ada mmɔ esin Midian ke ubɔk ke ofuri isua itiaba.

1 SAMUEL 8:7

Ndien Samuel ekpe Jehovah ubɔk. Ndien Jehovah ɔdɔhɔ Samuel, ete, Kop uyo mbon emi ke kpukpru se mmɔ edɔhɔde fi: koro midige afo ke mmɔ esin, edi ami ke mmɔ esin, ete ŋkudi edidem mmɔ.

1 SAMUEL 8:9

Kop ndien uyo mmɔ: edi kutetre ndisua nnɔ mmɔ, nnyuŋ nsian mmɔ ido edidem emi edikarade mmɔ.