1 SAMUEL 8:7 - Edisana ñwed Abasi Ibom

⁷ Ndien Samuel ekpe Jehovah ubɔk. Ndien Jehovah ɔdɔhɔ Samuel, ete, Kop uyo mbon emi ke kpukpru se mmɔ edɔhɔde fi: koro midige afo ke mmɔ esin, edi ami ke mmɔ esin, ete ŋkudi edidem mmɔ.

1 SAMUEL 8:7 ပူးပေါင်းရင်းမြစ်များ

EXODUS 16:8

Ndien Moses ɔdɔhɔ ete, (Eyedi ntem) ke ini Jehovah ɔnɔde mbufo unam ke mbubreyo, ete eta, ye uyo ke usenubɔk, ete eyuhɔ: koro Jehovah omokop uyo emi mbufo esukde enye: ndien nnyin idi mme anie? Idige nnyin ke mbufo esuk uyo, edi edi Jehovah.

ISAIAH 66:4

Ami ŋko nyemek ndutuhɔ mmɔ, nnyuŋ nda se mmɔ edikhede ntiene mmɔ: koro ami ŋkokotde, ndien baba owo kiet eke eyerede iduhe; ŋkɔdɔhɔ, edi mmɔ ikopke: mmɔ enyuŋ enam idiɔk ke enyin mi, enyuŋ emek se mmemmaŋa.

JEREMIAH 34:14

Ke utit isua itiaba mbufo kpukpru esana eyen-ete mbufo, eyen Hebrew emi anyamde idem esie ɔnɔ mbufo eyak; ke adaŋemi enye anamde ŋkpɔ ke isua itiokiet, yak enye ɔwɔrɔ ufin ɔkpɔŋ ebiet mbufo: ndien mme ete mbufo ikopke uyo mi, inyuŋ ikpaŋke utɔŋ mmɔ.

EZEKIEL 2:3

Ndien enye ɔdɔhɔ mi, ete, Eyen owo, ami mmɔŋ ndɔŋ fi utom ke ɔtɔ nditɔ Israel, ke ɔtɔ mbon idut enyene nsɔŋ-ibuot emi esɔŋɔde ibuot ye ami: mmɔ ye mme ete mmɔ emenam idiɔk ye ami, tutu osim idem mfin emi.

EZEKIEL 3:7

Edi ufɔk Israel inyimeke ndikop uyo fo: koro mmɔ minyimeke ndikop uyo mi; koro ofuri ufɔk Israel esɔŋɔde ɔkpɔ-iso enyuŋ etunde esit.

NUMBERS 22:20

Ndien Abasi etiene Balaam ke okoneyo oro, onyuŋ ɔdɔhɔ enye, ete, Sia mbio emi edide ndikot fi, daha ka ye mmɔ; edi suk ikɔ eke ndidɔhɔde fi, oro ikpɔŋ ke afo edinam.

MATTHEW 10:40

Owo eke onyimede mbufo onyime Mi, ndien owo eke onyimede Mi onyime Andidɔŋ Mi.

LUKE 10:16

Owo eke okopde uyo mbufo okop uyo Mi; owo eke onyuŋ esinde mbufo esin Mi; owo eke esinde mi onyuŋ esin Enye emi ɔkɔdɔŋde Mi.

LUKE 19:14

Edi mbio-obio esie esua enye, enyuŋ edɔŋ mme isuŋutom etiene enye ke edem, ete, Nnyin iyomke owo emi akara nnyin.

LUKE 19:27

Edi ama edi mme asua mi emi mikoyomke ami ŋkara mmɔ, eda mmɔ edi mi, enyuŋ ewot mmɔ ke iso mi.

JOHN 13:16

Ke akpanikɔ ke ndɔhɔ mbufo, asaŋutom ikponke ikan ete-ufɔk, isuŋutom inyuŋ ikponke ikan andidɔŋ enye utom.

JUDGES 8:23

Ndien Gideon ɔbɔrɔ, ete, Ami ndidaha ubɔŋ mbufo, eyen mi idinyuŋ idaha ubɔŋ mbufo: Jehovah eyedi andida ubɔŋ mbufo.

1 SAMUEL 10:19

Edi mfin emi mbufo emesin Abasi mbufo, emi edide enye akanyaŋa mbufo osio ke ofuri ukut mbufo, ye nnanenyin mbufo; enyuŋ edɔhɔ enye, ete, Kutre ndinam edidem nnɔ nnyin. Mbufo edi, ndien, edida ke iso Jehovah, ke esien, ke esien, ye ke tɔsin, ke tɔsin.

1 SAMUEL 12:1

NDIEN Samuel ɔdɔhɔ ofuri Israel, ete, Sese, mma ŋkop uyo mbufo ke kpukpru se mbufo ekedɔhɔde mi, mma nnyuŋ nnim edidem nnɔ mbufo.

1 SAMUEL 12:12

Ekem ke ini mbufo ekutde nte Nahash edidem nditɔ Ammon edide ndiŋwana ekɔŋ ye mbufo, mbufo edɔhɔ mi, ete, Ih ih, yak edidem kiet ada ubɔŋ nnyin adaŋemi Jehovah Abasi mbufo edide edidem mbufo.

1 SAMUEL 8:22

Ndien Jehovah ɔdɔhɔ Samuel, ete, Kop uyo mmɔ, nyuŋ nim edidem nɔ mmɔ. Ekem Samuel ɔdɔhɔ nditɔ Israel, ete, Kpukpru mbufo enyɔŋɔ ke obio mbufo.

1 SAMUEL 8:8

Kpa nte mmɔ ekenamde kpukpru ŋkpɔ, toto ke usen oro ŋkadade mmɔ ke Egypt ndɔk, tutu osim mfin emi, enyuŋ ekpɔŋ mi, enyuŋ enam ŋkpɔ abasi efen, kpa ntre ŋko ke mmɔ enam ye afo.