1 SAMUEL 8:11 - Edisana ñwed Abasi Ibom

¹¹ Ndien enye ɔdɔhɔ ete, Emi eyedi ido edidem emi edikarade mbufo: enye eyeda nditɔ-iren mbufo ke idem esie, onim ke mbon chariot esie, ye mbon horse esie; mmɔ eyenyuŋ ebem chariot esie iso efeŋe itɔk.

1 SAMUEL 8:11 ပူးပေါင်းရင်းမြစ်များ

2 SAMUEL 15:1

EDIKEM adaŋemi ŋkpɔ emi ema ekebe, Absalom otim chariot ye horse ke idemesie ye owo aba ye duop eke efeŋede enye ke iso.

1 NDIDEM 1:5

Ndien Adonijah eyen Haggith emenere idem esie, ete, Ami nyeda ubɔŋ: enye onyuŋ otim chariot ye horse ɔnɔ idemesie, ye owo aba ye duop eke efeŋede enye ke iso.

1 NDIDEM 10:26

Solomon onyuŋ ɔkɔ chariot ye mbon horse: enye onyuŋ enyene tɔsin chariot ye ikie inaŋ, ye tɔsin mbon horse duopeba, emi enye onimde ke mme obio chariot, ye ke ɔtɔ edidem ke Jerusalem.

1 NDIDEM 12:10

Ndien mkparawa oro ekekɔride ye enye, edɔhɔ enye, ete, Ntem ke afo edibɔrɔ mbon emi edɔhɔde fi, ete, Usɔ akanam ɔkpɔnɔ odobi nnyin, edi afo nam efere nnyin; dɔhɔ mmɔ ntem, ete, Ekpri nnuenubɔk mi eyekpon akan isin ete mi.

1 NDIDEM 12:4

Usɔ akanam ɔkpɔnɔ odobi nnyin: afo kam sio, ndien, ke ɔkpɔsɔŋ utom usɔ, ye ke edidobi ɔkpɔnɔ esie oro enye okodoride nnyin, ndien nnyin iyedi ikɔt fo.

1 NDIDEM 14:27

Ndien edidem Rehoboam ada okpoho anam otu-ekɔŋ ke ibuot mmɔ, ada mmɔ esin ke ubɔk mme etubom mme andikpeme edidem, emi ekpemede inua-otop ufɔk edidem.

1 NDIDEM 18:46

Ndien ubɔk Jehovah odoro Elijah ke idem; ndien enye ɔbɔbɔ mbɔbɔ ke isin esie, onyuŋ ebem Ahab iso efehe tutu osim ke inua-otop Jezreel.

1 SAMUEL 10:25

Yak edidem odu uwem. Ndien Samuel etiŋ ido itie edidem ɔnɔ kpukpru owo, onyuŋ ewet esin ke ŋwed, ndien emen enye okonim ke iso Jehovah. Ekem Samuel ayak kpukpru owo enyɔŋɔ ke ebiet mmɔ.

1 SAMUEL 14:52

Ndien ekɔŋ ɔsɔŋ ubɔk ye mme philistine ke ofuri eyo Saul. Ndien adaŋemi Saul okutde owo uko, ye ɔsɔŋ-idem owo ekededi, enye ada owo oro adian idem.

1 SAMUEL 22:7

Ndien Saul ɔdɔhɔ ikɔt esie emi edade ekpere enye, ete, Mbufo, nditɔ Benjamin, ekop ndien; nte eyen Jesse eyeda iŋwaŋ ye iŋwaŋ vine ɔnɔ kpukpru mbufo ŋko, onyuŋ onim kpukpru mbufo ke mme etubom mme tɔsin, ye mme etubom mme ikie;

1 SAMUEL 8:9

Kop ndien uyo mmɔ: edi kutetre ndisua nnɔ mmɔ, nnyuŋ nsian mmɔ ido edidem emi edikarade mmɔ.