1 SAMUEL 7:9 - Edisana ñwed Abasi Ibom

⁹ Ndien Samuel ada eyen erɔŋ kiet eke awapde eba, ɔfɔp enye ofuri ɔnɔ Jehovah ke edifɔp uwa; Samuel onyuŋ ekpe Jehovah ubɔk ɔnɔ Israel: ndien Jehovah ɔbɔrɔ enye.

1 SAMUEL 7:9 ပူးပေါင်းရင်းမြစ်များ

ŊWED MME PSALM 50:15

nyuŋ sio mme akaŋa fo nɔ Ata Edikoŋ. Ndien seme nɔ mi ke usen ukut: nyebabare fi mbaba, ndien afo eyekpono mi.

ŊWED MME PSALM 99:6

Moses ye Aaron ke otu mme oku esie, ye Samuel ke otu mmɔ eke esemede ekot enyiŋ esie; mmɔ ekeseme ekot Jehovah, ndien enye eyere mmɔ.

JEREMIAH 15:1

NDIEN Jehovah ɔdɔhɔ mi, ete, Moses ye Samuel ekpedu ke iso mi, ukpɔŋ mi ikpamaŋa mbio emi: sio mmɔ ke iso mi duɔk, yak mmɔ enyuŋ ewɔŋɔ.

LEVITICUS 22:27

Ke adaŋemi enaŋ mme erɔŋ, mme ebot amanade, yak etie ye eka esie ke usen itiaba; ndien ɔtɔŋɔde ke ɔyɔhɔ usen itiaita, eyebɔ enye ke enɔ ikaŋ Jehovah.

DEUTERONOMY 9:26

Ndien ŋkpe Jehovah ubɔk, nte, O Jehovah ɔbɔŋ, kusobo ikɔt fo, kpa udeme fo, emi afo akadade ubom fo afak, emi afo akadade ɔkpɔsɔŋ ubɔk osioŋo mmɔ ke Egypt.

JAMES 5:16

Mmɔdo eyarare idiɔk-ŋkpɔ mbufo enɔ kiet eken, enyuŋ ebɔŋ akam ebaŋa kiet eken, man ekɔk udɔŋɔ mbufo. Mkpe-ubɔk edinen owo enyene odudu eti-eti ndinam ŋkpɔ.

JUDGES 6:26

nyuŋ nam itie-uwa nɔ Jehovah Abasi fo ke enyɔŋ ɔkpɔsɔŋ ebiet emi, tim nam kpukpru, ndien da udiana-akpa enaŋ oro fɔp ke edifɔp uwa ke ifia eto-mkpe emi afo edisiakde.

JUDGES 6:28

Ndien adaŋemi mbio-obio edemerede ke usenbɔk, sese, itie uwa Baal omowure, ema enyuŋ esiak eto-mkpe emi odude enye ke ŋkaŋ, udiana-akpa enaŋ onyuŋ ɔfɔbɔ ke enyɔŋ itie-uwa oro ekenamde.

1 SAMUEL 10:8

Ndien bem mi iso suhɔre ka ke Gilgal; ndien sese, ami nyesuhɔre ntiene fi ndifɔp edifɔp uwa, nnyuŋ ŋwa uwa emem: bet mi ke usen itiaba, tutu ami ndisim fi, nnyuŋ nsian fi se afo edinamde.

1 SAMUEL 12:17

Nyeseme nnɔ Jehovah, ndien enye eyenam enyɔŋ oyomo, onyuŋ anam edim edep; man mbufo efiɔk, enyuŋ ekut ete ke idiɔk ido mbufo omokpon, emi mbufo ekenamde ke iso Jehovah, ke eriyom edidem nnɔ idem mbufo.

1 SAMUEL 16:2

Ndien Samuel ɔdɔhɔ ete, Ndinam didie ŋka? Saul ama okop, enye eyewot mi. Ndien Jehovah ɔdɔhɔ ete, Da abak uman enaŋ kama ke ubɔk fo, nyuŋ dɔhɔ ete, Ndi uwa ndiwa nnɔ Jehovah.

1 SAMUEL 2:35

Ndien nyenam oku akpanikɔ adaha da ɔnɔ mi, enye eyenam kpa nte odude ke esit mi ye ke ekikere mi; nyenyuŋ mbɔp ɔkpɔsɔŋ ufɔk nnɔ enye; ndien enye eyesaŋa ke iso Messiah mi ke nsinsi.

1 SAMUEL 7:17

Enye akam afiak ke Ramah: koro ufɔk esie odude do; onyuŋ ekpe ikpe Israel do; do ke enye onyuŋ anam itie-uwa ɔnɔ Jehovah.

1 SAMUEL 9:12

Ndien mmɔ ebɔrɔ mmɔ, ete, Ih; sese, enye odu ke iso mbufo: mbufo esɔsɔp eka ndien, koro enye emedi ke obio mfin emi: koro mbio-obio ewade uwa mfin emi ke edikoŋ ebiet: