1 SAMUEL 7:3 - Edisana ñwed Abasi Ibom

³ Ndien Samuel ɔdɔhɔ ofuri ufɔk Israel, ete, Edieke mbufo ekabarede etiene Jehovah ke ofuri esit mbufo, esioŋe ndien isen abasi mme Ashtaroth ke otu mbufo efep, enyuŋ ewuk esit mbufo etiene Jehovah, enyuŋ enam ŋkpɔ enɔ enye ikpɔŋ-ikpɔŋ: ndien enye eyenyaŋa mbufo osio mme Philistine ke ubɔk.

1 SAMUEL 7:3 ပူးပေါင်းရင်းမြစ်များ

GENESIS 35:2

Ndien Jacob ɔdɔhɔ ufɔk esie, ye kpukpru owo emi edude ye enye, ete, Mbufo esio kpukpru isen abasi eke edude ke otu mbufo efep, enyuŋ enam idem mbufo esana, enyuŋ ekpuhɔ edisine-ŋkpɔ mbufo.

1 NDIDEM 11:33

koro mmɔ emekpɔŋ mi, emenyuŋ etuak ibuot enɔ Astoreth idem Zidon, ye Chemosh idem Moab, ye Milcom idem nditɔ Ammon; inyuŋ isaŋake ke usuŋ mi, inyuŋ inamke se inende ke enyin mi, inyuŋ inimke mme ewuhɔ mi, ye mbet mi, nte David ete esie.

1 NDIDEM 8:48

ndien efiak edem etiene fi ke ofuri esit mmɔ, ye ke ofuri ukpɔŋ, mmɔ ke isɔŋ mme asua mmɔ oro eketaŋde mmɔ efep, enyuŋ ebɔŋ akam enɔ fi ese usuŋ isɔŋ mmɔ, emi afo ɔkɔnɔde mme ete mmɔ, ye obio emi afo emekde, ye ufɔk emi mbɔpde nnɔ enyiŋ fo:

2 NDIDEM 17:39

Edi mbufo ebak Jehovah Abasi mbufo; ndien enye eyenyaŋa mbufo osio kpukpru mme asua mbufo ke ubɔk.

2 NDIDEM 23:15

Ndien ŋko ama edi itie-uwa oro odude ke Beth-el, ye edikoŋ ebiet oro Jeroboam eyen Nebat, emi ekesinde Israel ediɔk, akanamde, kpasuk itie-uwa oro ye edikoŋ ebiet oro ke enye okowuri, onyuŋ ɔfɔp edikoŋ ebiet oro, onyuŋ anuak enye emem, onyuŋ ɔfɔp eto-mkpe.

1 CHRONICLES 22:19

Mbufo esin ndien esit mbufo, ye ukpɔŋ mbufo, eyom Jehovah Abasi mbufo: edaha ke enyɔŋ ndien, ebɔp edisana iduŋ Jehovah Abasi, enyuŋ eda ekebe ediomi Jehovah, ye edisana ŋkpɔ utom Abasi, enim ke ufɔk eke ebɔpde enɔ enyiŋ Jehovah.

1 CHRONICLES 28:9

Ndien afo Solomon eyen mi, fiɔk Abasi usɔ, nyuŋ nam ŋkpɔ esie ke ofuri esit, ye ke ima ukpɔŋ: koro Jehovah ɔduŋɔde kpukpru esit owo, onyuŋ otim ɔfiɔk kpukpru se ekikere obotde: afo ama oyom enye, eyekut enye; edi ama ɔkpɔŋ enye, enye eyemen fi ɔduɔk tutu amama.

2 CHRONICLES 19:3

Edi emekut nti ŋkpɔ ke idem fo, ke oro afo okosioŋode mme eto-mkpe ke isɔŋ efep, onyuŋ owukde esit fo oyom Abasi.

2 CHRONICLES 20:33

Edi isioŋoke mme edikoŋ ebiet ifep: koro mbio-obio mika-iwukke kaŋa esit mmɔ, iyom mme Abasi mme ete mmɔ.

2 CHRONICLES 30:19

Koro Hezekiah akanamde mkpe-ubɔk ɔnɔ mmɔ, ete, Eti Jehovah, fen kpukpru owo eke ewukde esit mmɔ eyom Abasi, Jehovah Abasi mme ete mmɔ, okposuk edi nte misaŋake ye edisana ido edisana ebiet.

MME ŊKE 16:1

UDUAK esit edi eke owo: edi ibɔrɔ edeme oto Jehovah.

ISAIAH 55:7

yak idiɔk owo ɔkpɔŋ usuŋ esie, yak oburobut owo ɔkpɔŋ ekikere esie: onyuŋ afiak etiene Jehovah: ndien enye eyetua enye mbɔm; etiene Abasi nnyin, koro Enye eyewak ndidahado.

JEREMIAH 24:7

Ndien nyenɔ mmɔ esit eke ɔfiɔkde mi, ete ke ami ndi Jehovah: ndien mmɔ eyedi ikɔt mi, ami nyenyuŋ ndi Abasi mmɔ: koro mmɔ eyefiak etiene mi ke ofuri esit mmɔ.

JEREMIAH 36:3

Mme ufɔk Judah eyekop ofuri idiɔk emi ami ŋkerede ndinam mmɔ, man kpukpru mmɔ ekabare ekpɔŋ mme idiɔk usuŋ mmɔ; man ami ndahado ke idiɔk ido mmɔ ye ukwaŋ-ŋkpɔ mmɔ.

JEREMIAH 4:1

JEHOVAH ɔdɔhɔ ete, O Israel, afo ama afiak edi, fiak tiene mi: ama onyuŋ emen ŋkpɔ mbubiam fo ke iso mi efep, afo udusehekede.

EZEKIEL 14:6

Dɔhɔ ndien ufɔk Israel, ete, Ntem ke Ɔbɔŋ Jehovah ɔdɔhɔ, ete, Mbufo ekabare, ekabare kpa idem mbufo ke ibɔk mbufo efep; enyuŋ ekabare iso mbufo kpukpru efep ke mbubiam ŋkpɔ mbufo.

EZEKIEL 18:31

Mbufo esioŋo kpukpru mme oburobut ido eke mbufo ekeduede ke esit ke idem mbufo efep; enyuŋ enam obufa esit ye obufa spirit esin mbufo ke idem: koro mbufo edinam didie ekpaŋa, O ufɔk Israel?

HOSEA 14:1

O ISRAEL, fiak tiene Jehovah Abasi fo: koro afo ɔmɔduɔ ke idiɔk ido fo.

MATTHEW 15:8

Mbio emi ekpono Mi ke mkpɔk-inua mmɔ; Edi esit mmɔ ada nsan-nsan ye Ami.

MATTHEW 4:10

Ekem Jesus ɔdɔhɔ enye ete, Daha Mi ke usuŋ, Satan: koro ema ewet ete, Tuak ibuot nɔ Jehovah Abasi fo, nyuŋ nam ŋkpɔ nɔ Enye ikpɔŋ-ikpɔŋ.

MATTHEW 6:24

Baba owo kiet ikemeke ndisaŋa utom mme ete iba: koro enye eyesua kiet, ama eken; midige ntre, enye eyesɔŋɔ ada ye kiet, esin enye eken ke ndek. Mbufo ikemeke ndisaŋa utom Abasi ye eke mammon.

LUKE 4:8

Edi Jesus ɔbɔrɔ enye ete, Ema ewet ete, Tuak ibuot nɔ Jehovah Abasi fo, nyun nam ŋkpɔ nɔ Enye ikpɔŋ-ikpɔŋ.

JOHN 4:24

Abasi edi spirit: ndien mme andituak ibuot nnɔ Enye enyene ndituak ibuot ke spirit ye ke akpanikɔ.

DEUTERONOMY 10:20

Bak Jehovah Abasi fo; nam ŋkpɔ esie, nyuŋ yire ye enye, nyuŋ tomo enyiŋ esie.

DEUTERONOMY 13:4

Mbufo etiene Jehovah Abasi mbufo, enyuŋ ebak enye, enyuŋ enim mbet esie, enyuŋ ekop uyo esie, enyuŋ enam ŋkpɔ esie, enyuŋ eyire ye enye.

DEUTERONOMY 4:29

Ndien afo ama etie do oyom Jehovah Abasi fo, afo eyekut enye, edieke oyomde enye ke ofuri esit fo, ye ke ofuri ukpɔŋ fo.

DEUTERONOMY 6:13

Bak Jehovah Abasi fo, nyuŋ nam ŋkpɔ esie, nyuŋ tomo enyiŋ esie.

JOSHUA 13:31

ye ubak Gilead, ye Ashtaroth, ye Edrei, obio emi Og akadade ubɔŋ mmɔ ke Bashan, enyene nditɔ Mashir eyen Manasseh, kpa ubak nditɔ Machir, ke ubon, ke ubon.

JOSHUA 24:14

Mbufo ebak Jehovah, ndien, enyuŋ enam ŋkpɔ esie ke esit kiet, ye ke akpanikɔ: enyuŋ emen mme abasi emi mme ete mbufo ekenamde ŋkpɔ mmɔ ke edem akpa oko, ye ke Egypt, eduɔk;

JOSHUA 24:23

(Enye ete), Mbufo esio ndien isen abasi emi edude ke otu mbufo efep, enyuŋ enuk esit mbufo enɔ Jehovah Abasi Israel.

JUDGES 10:16

Mmɔ enyuŋ esioŋo isen abasi ke otu mmɔ efep, enyuŋ enam ŋkpɔ Jehovah: ndien mbɔm ukut Israel anam enye ukpɔŋ.

JUDGES 10:6

Ndien nditɔ Israel etɔŋɔ ntak enam idiɔk ke iso Jehovah, enyuŋ enam ŋkpɔ Baalim ye eke Ashtaroth, ye eke ndem Syria, ye eke ndem Zidon, ye eke ndem Moab, ye eke ndem nditɔ Ammon, ye eke ndem mme Philistine; mmɔ enyuŋ ekpɔŋ Jehovah, inyuŋ inamke ŋkpɔ esie.

JUDGES 2:11

Ndien nditɔ Israel enam idiɔk ke enyin Jehovah, enyuŋ enam ŋkpɔ Baalim:

JUDGES 2:13

Ntem ke mmɔ ekpɔŋ Jehovah, enyuŋ enam ŋkpɔ Baal ye Ashtaroth.

1 SAMUEL 31:10

Ndien mmɔ esin ŋkpɔ-ekɔŋ esie ke ufɔk Ashtaroth: enyuŋ ekɔŋ okpo esie ke ibibene Beth-shan.