1 SAMUEL 6:5 - Edisana ñwed Abasi Ibom

⁵ Mbufo enam ndien mbiet akpasak mbufo, ye mbiet usine mbufo emi ebiatde isɔŋ; ntre ke mbufo edikpono Abasi Israel: mme enye eyesuk ubɔk esiemɔ odorore mbufo ke idem, ye ke idem mme abasi mbufo, ye ke isɔŋ mbufo.

1 SAMUEL 6:5 ပူးပေါင်းရင်းမြစ်များ

1 CHRONICLES 16:28

Mbufo, ubon ererimbot, enɔ Jehovah, enɔ Jehovah ukpono ye odudu.

1 CHRONICLES 16:29

Mbufo enɔ Jehovah ubɔŋ enyiŋ esie: emen uwa edi enye ke iso: etuak ibuot enɔ Jehovah ke uyai edisana ido.

ŊWED MME PSALM 18:44

Ke ini mmɔ ekopde ke utɔŋ, mmɔ eyenam uyo mi: nditɔ idut eyenem inua enɔ mi.

ŊWED MME PSALM 32:4

Koro ubɔk fo odobide mi ke idem ke uwemeyo ye okoneyo: nsek mi asat ke ndaeyo. [Selah.]

ŊWED MME PSALM 39:10

Sio mi ufen fo ke idem fep: mmeyemere ke utɔk ubɔk fo.

ŊWED MME PSALM 66:3

Edɔhɔ Abasi, ete, Se afo anamde enyene ndik adaŋa didie! Akwa odudu fo esin mme asua fo enem inua enɔ fi.

EXODUS 12:12

Koro nyesaŋa ke ufɔt isɔŋ Egypt ke okoneyo emi mbe, nyenyuŋ ŋwot kpukpru akpan ke isɔŋ Egypt, ntɔŋɔ ye owo nsim ufene; nnyuŋ mmia kpukpru mme abasi Egypt ufen; ami ndi Jehovah.

EXODUS 8:17

Ndien mmɔ enam ntre; ndien Aaron emenere ubɔk esie ye esaŋ, oyibi ntan isɔŋ, ndien idaŋ ɔnyɔk owo ye ufene ke idem; ofuri ntan isɔŋ akabare edi idaŋ ke ofuri isɔŋ Egypt.

EXODUS 8:24

Ndien Jehovah anam ntre; ndien nduyip ediyɔhɔ ke ufɔk Pharaoh, ye ke ufɔk ikɔt esie, ye ke ofuri isɔŋ Egypt idiɔk-idiɔk: nduyip oro esin isɔŋ abiara.

EXODUS 8:5

Ekem Jehovah ɔdɔhɔ Moses, ete, Dɔhɔ Aaron ete, Men esaŋ fo ke ubɔk fo, nyanare ke enyɔŋ mme idim, ye udiɔŋ mmɔŋ, ye mkpɔdiɔhɔ-mmɔŋ, nyuŋ nam ikwɔt edɔk ke isɔŋ Egypt.

ISAIAH 19:1

UYO Abasi emi abaŋa Egypt. Sese, Jehovah ke odoro ke obubit enyɔŋ, awara oduk ke Egypt: ndien mme ibɔk Egypt enyek idem ke iso esie, esit Egypt onyuŋ akpa enye ke idem.

ISAIAH 42:12

Eyenim ubɔŋ enɔ Jehovah, enyuŋ ebuk itoro esie ke otu mme isuo.

JEREMIAH 13:16

Mbufo enɔ Jehovah Abasi ubɔŋ, ke ebiet mika-ikimke kaŋa, ke ukot mbufo mika-ituahake ke obot okoneyo, ndien mbufo edori enyin ebet uŋwana, edi enye eyenam enye edi mfut mkpa, onyuŋ esin enye okim eti-eti.

JEREMIAH 3:13

Diɔŋɔ idiɔk ido fo ikpɔŋ-ikpɔŋ: koro afo emedue Jehovah Abasi fo, onyuŋ asuan usuŋ fo ɔnɔ isen owo ke idak kpukpru awawa eto, mbufo inyuŋ ikopke uyo mi, Jehovah ɔdɔhɔ.

JOEL 2:25

Ndien nyenɔ mbufo usiene mme isua oro ŋkukuŋkpɔyɔriyɔ ye ŋkuku ye itut ye idiaŋ eketade, akwa udim mi emi ŋkɔdɔŋde ekɔŋ ke ɔtɔ mbufo.

JONAH 3:9

Anie owo ɔfiɔk mme Abasi eyewɔŋɔre onyuŋ akabare esit, onyuŋ adahado ke ikaŋ iyaresit esie, man nnyin ikutak.

MALACHI 2:2

minyuŋ inimke ke esit, minyuŋ inɔŋɔ enyiŋ mi ukpono, Jehovah mme udim ɔdɔhɔ, nyedɔŋ isuŋi oro utom ke ɔtɔ mbufo, nnyuŋ nnam nti ŋkpɔ mbufo ekabare edi isuŋi: mma nnyuŋ nsuŋi mmɔ mma, koro mbufo mikereke ke esit.

NUMBERS 33:4

Ndien nditɔ Egypt ebuk kpukpru akpan emi Jehovah ekewotde ke otu mmɔ. Jehovah onyuŋ ɔnɔ mme abasi mmɔ ufen.

JOHN 9:24

Ntre ke mme Jew etɔŋɔ ntak ekot owo oro ekedide nnan, ete enye, Men ubɔŋ nɔ Abasi; nnyin imɔfiɔk ite owo emi edi anam-idiɔk.

JOSHUA 7:19

Ndien Joshua ɔdɔhɔ Achan, ete, Mbɔk, eyen mi, kpono Jehovah Abasi Israel, nyuŋ toro enye; nyuŋ men se afo akanamde tiŋ nɔ mi, mbɔk, kudip mi.

ERIYARARE 11:13

Ke idem ini oro akwa unyek-isɔŋ otibe, ubak obio kiet ke itie duop onyuŋ ɔduɔ; thousand owo itiaba enyuŋ ekpaŋa ke unyek-isɔŋ oro. Ndien mmɔ eke esuhɔde ekabare edikhe eti-eti, enyuŋ eyak ubɔŋ enɔ Abasi heaven.

ERIYARARE 14:7

ndien enye ɔdɔhɔ ke ɔkpɔsɔŋ uyo ete, Mbufo eteŋe Abasi, enyuŋ enɔ Enye ubɔŋ; koro ekem ini ikpe Esie; enyuŋ etuak ibuot enɔ Enye emi okobotde enyɔŋ ye isɔŋ ye inyaŋ ye idim mmɔŋ.

ERIYARARE 16:9

Akwa ufiop onyuŋ ɔfɔp owo; ndien mmɔ esuŋi enyiŋ Abasi emi enyenede odudu ndida mme ufen oro mmia owo; inyuŋ ikabakere esit inɔ Enye ubɔŋ.

1 SAMUEL 5:11

Ndien mmɔ edɔŋ ekekot kpukpru mbɔŋ mme Philistine edi ɔtɔ kiet, ndien edɔhɔ ete, Mbufo eyak ekebe Abasi Israel ɔnyɔŋ, man afiak ke ebiet esiemɔ, mbak ediwot nnyin ye mbio-obio nnyin. Koro mkpa osobode owo ke ofuri obio: ubɔk Abasi onyuŋ ɔsɔŋ eti-eti do.

1 SAMUEL 5:9

Edikem adaŋemi mmɔ ema ekeda enye ewɔŋɔre eka, ubɔk Jehovah odoro ke obio, kpa ata akamba nsobo. Enye onyuŋ amia mbio-obio, ɔtɔŋɔde ke nditɔwɔŋ tutu osim ikpɔ owo, mme akpasak enyuŋ etibe mmɔ ke idem.

1 SAMUEL 6:8

ekenim ke ufɔk: ndien mbufo eda ekebe Jehovah edori ke ukpat ŋkpɔ, enyuŋ eda ekpri ekebe esin ŋkpɔ gold eke mbufo enɔde enye ke ŋkpɔ usio-isop, eda ediɔk ke ŋkaŋ esie; ndien esana enye eyak ɔnyɔŋ.