1 SAMUEL 6:14 - Edisana ñwed Abasi Ibom

¹⁴ Ekem ukpat ŋkpɔ oro oduk ke iŋwaŋ Joshua eyen Bethshemesh kiet, ndien atuak ada do, emi akamba itiat odude: ndien mmɔ eda ukpat ŋkpɔ oro esiak ifia, enyuŋ efɔp mme enaŋ ke edifɔp uwa enɔ Jehovah.

1 SAMUEL 6:14 ပူးပေါင်းရင်းမြစ်များ

2 SAMUEL 24:18

Ndien Gad aka ke ɔtɔ David ke usen oro, ɔkɔdɔhɔ enye, ete, Dɔk kanam itie-uwa nɔ Jehovah ke ɔtɔ ubek ibokpot Araunah Jebusite.

2 SAMUEL 24:22

Ndien Araunah ɔdɔhɔ David, ete, Yak ɔbɔŋ mi edidem ada enye, onyuŋ awa se enye amade: sese, enaŋ ke edifɔp uwa, ye ŋkpɔ ubek ibokpot ye ŋkpɔ ufene ke ifia.

2 SAMUEL 24:25

Ndien David anam itie-uwa ɔnɔ Jehovah do, onyuŋ awa edifɔp uwa ye uwa emem. Ndien Jehovah okop mkpe-ubɔk eke ekpede enɔ obio, onyuŋ osibe idiɔk udɔŋɔ oro ke Israel efep.

1 NDIDEM 19:21

Ndien enye (Elisha) afiak ɔkpɔŋ enye, aka akada enaŋ iba owot, onyuŋ ada ŋkpɔ unam-utom etem unam mmɔ, emen ɔnɔ mbon-utom eta. Ndien enye adaha ke enyɔŋ, etiene Elijah ke edem, onyuŋ anam ŋkpɔ ɔnɔ enye.

EXODUS 20:24

Afo edinam itie-uwa ke ntan-isɔŋ ɔnɔ mi, onyuŋ ada edifɔp uwa fo, ye uwa emem fo, ye ŋkpri ufene fo, ye mme enaŋ fo awa ke esit. Ke kpukpru ebiet eke ndinamde owo eti enyiŋ mi, nyetiene fi do, nnyuŋ ndiɔŋ fi.

JUDGES 21:4

Edikem ke eyo esierede, mmɔ ebak edemere ke usenubɔk, ekenam itie-uwa do, enyuŋ efɔp edifɔp uwa ye uwa emem.

JUDGES 6:26

nyuŋ nam itie-uwa nɔ Jehovah Abasi fo ke enyɔŋ ɔkpɔsɔŋ ebiet emi, tim nam kpukpru, ndien da udiana-akpa enaŋ oro fɔp ke edifɔp uwa ke ifia eto-mkpe emi afo edisiakde.

1 SAMUEL 11:5

Ndien, sese, Saul asaŋa mme enaŋ ke edem oto ke iŋwaŋ edi; ndien Saul obup ete, Nsinam mbio-obio etuade eyet? Ndien mmɔ emen uyo mbio-obio Jabesh oro etiŋ enɔ enye.

1 SAMUEL 20:29

enye okonyuŋ ɔdɔhɔ ete, Mbɔk, yak ŋka; koro uwa oruk nnyin odude ke obio, eyen-eka mi ŋko onyuŋ owuk mi: mmɔdo edieke afo amade mi, mbɔk, yak ŋwara ŋka ŋkokut nditɔ-eka mi. Mmɔdo enye midige okpokoro edidem.

1 SAMUEL 6:13

Ndien nditɔ Bethshemesh ke ekpeŋe wheat mmɔ ke itihere: ndien mmɔ emenere enyin mmɔ ekut ekebe, enyuŋ edat esit ndikut.

1 SAMUEL 6:18

ye mme usine gold, ekem ke ibat kpukpru obio mme Philistine, eke mbɔŋ ition oro, ɔtɔŋɔde ke mme obio ibibene, tutu osim ke mme obio mbon iŋwaŋ. Ndien akamba itiat oro mmɔ ekedoride ekebe Jehovah ke esit edi ntiense tutu osim mfin emi, ke iŋwaŋ Joshua eyen Beth-shemesh.